CRUSTINE NAPULITANE

CRUSTINE NAPULITANE

Chello ca serve
8 -12 fellocce ‘e pane casareccio,
200 gramme ‘e muzzarella asciuttata dint’â jacciaja pe dudici ore e ppo tagliata a fellocce suttile,
100 gramme ‘e alici salate scicquate e senza spina o paro piso ‘e alice salate sott’uoglio;
4 grosse pummarole ramate rósse e mature sbullentate pelate,senza semmente semi e ttagliate a ffarinule (dadini);
‘Nu cucchiaro ‘e ‘zogna,

‘Nu cucchiaro d’ arecheta,
sale fino e ppepe janco quanto ne piace,
‘Nu bicchiere d’ uoglio ‘aulive dunciglio (e.v.p.s.).
Comme se fa

Mettere ‘e ffellocce ‘e pane una vicino a ll’ata dinto a ‘na cummedità d’alluminio verniciata ‘e ‘nzogna; derramarve ‘ncoppa (versarvi sopra) ‘nu filo d'uoglio, agnadí po (aggiungere poi) ‘ncopp’ a ògne fella ‘e pane, ‘na felloccia ‘e muzzarella,dduje sulumiglie d’alice salate (due filetti di acciuga), ‘nu cucchiaro ‘e pummarola tagliata a ffarinule (a cubetti) ,arecheta, sale e ppepe,ricà (irrorare) tutto cu ll’uoglio rummaso e ‘nfurnà pe ddieci minuti dinto a ‘nu tiesto a cientuttanta grade (in forno caldissimo). Serví caude ‘e tiesto chisti sabruse (gustosi) crustine napulitane, comme appetitosa trasetura (stuzzicante antipasto).
Vino: asciutte e profumate janche nustrane ( Solopaca, Capri, Ischia, Falanghina, Fiano, Greco ‘e Tufo) fridde ‘e jacciaja.
Mangia Napoli, bbona salute! Scialàteve e aggarbbatéve ‘o vernecale!!
Raffaele Bracale