CREMA ‘E PIGNUOLE

CREMA ‘E PIGNUOLE

chello ca serve pe 6 perzone

100 gramme ‘e pignuole,
100 gramme ‘e mullica ‘e pane casareccio,
‘nu bicchiere d’uoglio dunciglio,
ddoje tazzulelle d’acito ‘e vino janco,
sale fino e ppepe janco macenato a ffrisco q.n.s.

comme se fa:
Pe ffù ‘sta sauza s’à dda prucedere a ll’uso antico servennose d’ ‘o murtaro e d’ ‘o pesaturo; mettere ‘a mullica ‘e pane dinto a ‘na zupperella e farla ammullà cu ll’acito; ‘na vota ca ‘a mullica s’è ‘nzuppata se spremme e se passa dint’ô murtaro assiemeê pignuole e se scamazza tutto a mmestiere cu ‘o pesaturo; quanno tutto è bbuono ammiscato se mette sale pepe e ‘nu cucchiaro d’acito, e tuiglianno chianu chiano cu ‘na cucchiarella se fa ricà a ffilo tutto ll’uoglio nfi’ a uttené ‘na sauza terna ca se serve dint’â sarzera. Chesta sauza s’ausa pe’nzapurí carne o pesce arvate, ma po’ essere ausata pure cunní ‘a pasta.
Brak