CEPOLLE FRITTE

CEPOLLE FRITTE Chello ca ce vo’ pe sseje, otto perzone 6 grosse cepolle ndurate ‘e Muntoro, 300 gramme ‘e latte friddo retunno, 250 gramme ‘e farina, abbunnante uoglio ‘auliva dunciglio, 50 gramme ‘e ‘nzogna, sale fino e ppepe janco mmacenato a ffrisco q.n.s. Comme se fa Ammunnà ‘e cepolle, lavarle e tagliarle p’ ‘o ccurto a ffelle aute tre mm. Ricavà dê ffelle tante anielle. Ricà ‘o llatte dinto a ‘na zupperella e agnadí ll’anielle ‘e cepolle. Tenerle pe ddiece minute a bbagno e ppo scularle e ‘nfarenarle; ricà ll’uoglio e ‘a ‘nzogna dinto a ‘na tiella ‘e fierro niro e a ffuoco allero farle piglià calore. Appena so’ ppronte frijere pe tre mminute ll’anielle ‘e cepolle poche pe vvota. Sculà ‘e ccepolle cu ‘na spumadera e asciuttarle ‘ncopp’ a ccarta asciugante pe cucina; accuncià ‘e sale e ppepe janco mmacenato a ffrisco; serví subbeto caude ‘e fuculare comme cratistu cuntorno ‘e carne, pesce o latticine. Magna Napule, bbona salute! Brak