MIDTJYLLAND-NAPOLI (E.L.22.10.2015) 1 - 4 ‘A VEDETTE ACCUSSÍ

MIDTJYLLAND-NAPOLI (E.L.22.10.2015) 1 - 4 ‘A VEDETTE ACCUSSÍ Tutto a pposto guagliú! Ajeressera ‘nDanimarca dinto a ‘nu campo gruossoquanto ‘nu curtiglio cundominiale contro â Midtjcommesechiammessa ô Napule ll’avastaje ‘o primmo ajone (primo tempo) pe nchiudere ‘a prattica e ll’arrancua(ripresa) servette sulo a ddà ‘a suddisfazzioner ô Pipita ‘e mettere ‘a firma sotto ll’uttavo stuco (gol) staggiunale.Peccato pe chillu stuco (gol) pigliato ‘ncopp’a ‘nu rimpallo, ca nun ce permettette ‘e tené ‘a porta acrata (inviolata). Passammo ê ppaggelle: REINA 6,5 – ‘Ncopp’ô stuco (gol) nun tenette sfarma (colpa), sicuro ‘ncopp’a ògne cunchiusiona ‘a fora, ascette a mmestiere e gghiette a cciammiello paranno ‘nterra ‘ncoppa ttutte ‘e cruzze (cross). MAGGIO 5,5 A ddritta senza fessarie; sufferette ‘nu poco ‘e cchiú a ll’arrancua (ripresa) quanno ‘e danise sfunnanjeo sempe dâ parta soja.È cchiaro ca Hysaj tene n’atu passo. CHIRICHES 6,5 ‘Nu poco arruzzenuto (arrugginito).Pe vvederlo ‘e jucà cu attenzione e sicurtà (sicurezza) êttemo aspettà ll’arrancua (ripresa), pecché partette chiano, sbaglianno quacche ccosa, ma pe ffurtuna senza cusequenzie. KOULIBALY 7 Oramaje nun è cchiú ‘na surpresa: acàbato (perfetto) e dicisivo,nun sbagliaje niente repuzanno (respingendo), anticipanno e addirittura lanzanno ‘mprufunnità a zzuco ‘e caramelle! GHOULAM 6,5 Atalossa (prestazione) assaje pusitiva; fove ‘nu vero martiello a mmancina appressuranno (spingendo) pe tutta ll’antraffa (partita) (Da ll’80° STRINIC sv) ALLAN 7 Jucatore d’auto epipeto (livello)cunfermaje d’essere funnamentale sia a ll’epata (in fase) difenziva ca uffenziva; ‘nsintesa ll’ajuda (assist) pe Gabbiadini, e ttanta tanta sustanza accucchiata cu ‘na qualità custante. (Dô 60° HAMSIK 6 – Nisciuna jucata eccezziunale; trasette comme si se fósse trattato ‘e n’allenamento e se limitaje a ccalummà [coprire] cu attenziona) VALDIFIORI 6 Tutto summato ‘na riggia ‘nteliggente senza strafà e ausanno ‘a capa. D.LOPEZ 5,5 Durante ô primmo ajone (tempo) ce mettette sciato e ccegna (grinta)pure si spisso fove poco priciso; se ne scennette a ll’arrancua (nella ripresa). CALLEJON 7,5 Sempe periculoso:‘nu stuco (gol) taumasio (splendido), ‘nu travesagno (traversa), e n’atu stuco mancato ‘e poco.Oramaje nun se ne po’ ffà a mmeno. (Dô 64° HIGUAIN 6,5 – Trasette e ssignaje ancòra;diacunale micidiale e uttavo stuco (gol) staggiunale, ‘nu funiàso [ un killer]!) GABBIADINI 8 Miezu zifo (voto) mancante p’avé sciupato ‘nu granne cruzzo (cross) ‘e Ghoulam, ma p’’o riesto ‘o Vice-Pipita se dimustraje jucatore d’auto epipeto (livello) cu dduje stuche (gol) uno da dinto e n’ato da fora e ognuno uno meglio ‘e ll’ato. EL KADDOURI 6,5 ‘Na siconna linia, ma ‘e valore; jucaje cu attenziona e ccegna (grinta) cruzzanno (crossando), pruvannoce, sbaglianno coccosa ma andivinanno ll’ajuda (assist) p’’o Pipita. ALL. SARRI 7,5 Azzeccaje ‘o rutizzio (turnover) e avette ‘e ssuddisfazzione soje dâ scuatra ca facette ‘nu primmo ajone (tempo), ‘a fora d’’sfregazzo (sbavatura) d’’o stuco (gol) pigliato, eccezziunale,cu pressione (pressing) e difesa aute scuatra corta e ccuntinue picalopse (sovrapposizioni). Arbitro: GOZUBUYUK (Ola) 6 E ccu cchesto ve dongo appuntamento si dDi’ vo’ a llennerí ca vene doppo ll’antraffa (partita)’ntrasferta ‘e dummeneca a ssera cu ‘o Chievo ca ce à dda dà ‘a cunferma ‘e chello fatto ajere. Accussí sperammo. Staveti bbe’! R.Bracale Brak