TORINO – NAPOLI (14.05.17) 0 A 5 ‘A VEDETTE ACCUSSí

TORINO – NAPOLI (14.05.17) 0 A 5

‘A VEDETTE ACCUSSí

 Che granne Napule, guagliú, che granna scuatra ‘a nosta ca ajere, all’ora d’’a tiella,aspettanno ‘e sapé chello ca fósse succieso ‘nserata  a ll’Ulimpico ‘e Roma e ssempe speranno ca nun avesseno fatto ‘na pastetta[ca ‘mmece facetteno...]   jette  a ll’Ulimpico ‘e Turino e ccu ‘na granna atalossa (prestazione) jette a ffà ‘nzogna e ppummarole ‘a scuatra d’’o zincaro, cunzignannole cinche papagne [ô 7’ e ppo ô 70’,ô 72’,ô 76’i ô 78’] ch’êsseno pututo essere pure ‘e cchiú si durante ô primmo ajone [nchiuse ‘ncopp’ a ll’uno a zzero], ‘na vota Peppe ‘a ‘nguenta e n’ata vota Lorenzigno nun se fósseno magnate n’addaffa (rete) peruno e si po chella mmunnezzza d’Irrati i ‘a chenca soja  [2 e ppo ve dico] ce avesseno dato [uno p’ajone (tempo)] ‘e duje ricure ca ce spettaveno: ‘o primmo pe ‘nu carí (fallo) ‘e mano ‘e Molinaro, i ‘o siconno pe ‘nu caucione ca n’atu cesso turinista aveva  dato a  lLorenzigno... ‘Mmece ce avettem’ accuntentà sulo d’‘e ccinche addaffe (reti) signate  nchiudenno ‘a mubbara (partita) ‘ncopp’ô cinche a zzero, cu ‘a porta acrata (inviolata)  e purtannoce ‘ncrassifica  a uttanta punte cu uttantaseje stuche (gol) fatte. ‘Nzomma putimmo dicere, pe cchello visto e ppe ccomme se vincette, ca foveno tutte mmeretate ‘e sbattute ‘e mane d’’a tribbuna divano! Però, comme v’aggiu ditto,’a nichemata (vittoria)  ce servette a ppoco visto ca ‘nserata ‘e pecurare ‘e Spalletti ce turnajeno a zzumpà ‘ncuollo a uttuno punte doppo d’avé vattuto ‘a vecchia zoccola cu ‘na pastetta accussí ‘e mmerda ca se putette tuccà cu ‘e mmane visto ca chella lota d’allegri [tenennose ‘int’â sacca ‘a revula] se tenette ‘mpanca ‘o meglio: dybala i ‘o facette trasí quanno nun se putette cchiú adderezzà ‘a varca. E ll’Ufficio inchieste se fa ‘e cacchie suoje! Però mo nun ce sceppammo ‘e capille: se sapeva ca ‘o Palazzo êsse vuluto ‘e pecurare [ca ànn’apparà, cu ‘e sorde d’’a Ciampionsa, cchiú ‘e ‘nu fuosso... ] ô siconno posto e accuntentammoce d’’o terzo pecché si dela nun se venne a nnisciuno cu ‘na scuatra cumm’â nosta nun ce po’ ffà paura ‘o priliminare ‘e Ciampionsa!

Passammo ê ppaggelle:

REINA 6  Ajere  praticamente nun êtte ‘a fà quase niente ma se facette truvà pronto ‘into a ll’unica vera accasione turinista ô pprincipio ‘e ll’arrancua (ripresa) sparagnannoce ‘e cumplicarece ll’esistenzia!.

HYSAJ 7[Meza cucchiara ] Ajere fove praticamente matàlo   (perfetto), ‘nu muro!

ALBIOL[‘O Masto] 6  Cu ttutto ca, ‘ncopp’â carta, ‘o vallo  Belotti êsse avut’ ‘a essere n’accunto periculuso, ‘o masto   ‘nchietta cu  cKoulibalý, ll’irgaje (annullò) lassannole sí e nno quacche mmullechella. l

KOULIBALY 7  Bbella atalossa d’’o gialante ‘e culore ca nun sulo  dètte ‘na mana a mmettere ‘a musarola a bBelotti,po mettette ‘na pezza a cquacche fessaria ‘e  Ghoulamme, ‘mpedenno ca ‘o Turino jesse ‘mporta e ‘nu paro ‘e vote se prupunette pure annante!

GHOULAM 6,5  Jucaje ‘na bbona mubbara, ‘a fora ‘e pochi sfregazze (sbavature), senza cunsequenzie e sse facette apprezzà pe cchillu bellu jabbro (cross) vascio ca ô 76’ fruttaje ‘a quarta addaffa (rete), ‘a siconna ‘e Peppe ‘a ‘nguenta. 

JORGINHO 6,5   Ancòra n’ata mubbara (partita) cu ‘o brasiliano a ddimustrarese granne riggista ca ‘ncarraje pasiglie e llanze comme a cchille ca ô 78’ cunzentette a Peppe ‘a ‘nguenta ‘e accummincià ll’azziona d’‘a quinta addaffa (rete).

ALLAN[‘o cane ‘e presa] 7 Atalossa matàla  (prestazione ottima) d’’o mediano ca currette assaje e sse chiammaje ll’applavuso cu ’nu bbello jusaida (assist) p’’o stuco  (gol) ca sbluccaje ‘o sibbacco (match) e ppe tant’ati ‘ntaiscionne (recuperi) ‘e palla. [Dô 63’ ZIELINSKI 6,5   ‘O pulacco, trasuto pe ffà piglià sciato ô cane ‘e presa  facette chello ch’êv’’a fà, pigliannose pure ‘o sfizzio ‘e mettere dinto          ll’urdema addaffa (rete), chella d’’o cinche a zzero.]

HAMSIK 6,5 – ‘O capitano, pure si  tenette ancòra quacche isascionno(fastidio) musculare,però dimustraje ca Sarri facette bbuono a nnun farene a mmeno[Dô 66’ ROG[‘a bBelva] 6  Trasette nun sulo pe ffà risciatà ‘o capitano, ma pure pe ddà quantità a ll’armidanno (centrocampo). ]

CALLEJON[Peppe ‘a ‘nguenta] 8  Ma ch’ato à dda fà? A ll’epata uffenziva  (In fase offensiva) dduje stuche (gol) e ‘nu granne jusaida (assist),a cchella difenziva chilometre e cchilometre currenno a ccapa sotto e ttanti pallunne  tuaffate(recuperati)[Da ll’81’ MILIK sv Si trasette  overo  troppo tarde i a gghiuoche fatte  e ppoco putette fà  nun fove certo   pe sfarma (colpa) soja!]

MERTENS[Ciruzzo] 7,5  E ttanto se mmereta ‘o nassia (centravanti) nuosto ca mettette ‘a firma soja sotto nun sulo ô stuco (gol) vinticinche ‘ncampiunato[a pparo d’’o vallo Belotti e uno ‘e cchiú d’icardi e de chella lota d’’o cainno  (traditore)], ma pure sotto a ll’jusaida (assist) pe lLorenzigno. Peccato ca  ascette fora solo a ll’arrancua (ripresa) doppo ca pe ttutto ‘o primmo ajone se nfessette troppo a ttené palla cercanno ‘e fà tutto cosa isso!

INSIGNE [Lorenzigno ] 7,5 ‘O frattese se dimustraje ancòra ‘mpalla nun sulo signanno, ma cupulianno (dialogando) cu ‘e cumpagne  e dànno ‘a solita  mano a ll’epata difenziva (in fase difensiva).

All. SARRI 6,5 Quanno se vence e sse vence bbuono, comme succedette ajere, vence e  vence bbuono pe primmo ‘o mutarribbo (allenatore) ca ajere ncarraje tutto ‘a fora d’avere fatto trasí sant’ Arcadio a ll’urdemi nnove minute i a gghiuoche ggià fatte!

arbitro IRRATI [2]  Me penzavo ca chisto fósse sulo  scemo,ma ajere dimustraje ch’è ppure surdo e ccecato e pprubbabilmente se nn’è ffujuto dô Cottolengo..., però  ce porta bbuono! Cu cchisto nun âmmu maje perzo e cquase sempe vinciuto, comme succedette ajere cu ttutto ca ‘sta mmunnezza nun ce dètte  duje ricure ca ce spettaveno: ‘o primmo pe ‘nu carí (fallo) ‘e mano ‘e Molinaro, i ‘o siconno pe ‘nu caucione ca n’atu cesso turinista aveva  dato a  lLorenzigno... e  ttanto pe nnun cagnà  siscaje ad capocchiam, caputiaje cchiú ‘e ‘nu carí (fallo), rumpette ‘o saciccio mettennose pe ‘mmiez’ê piede d’’e nuoste, nun nutizziaje (ammoní) cchiú ‘e ‘nu  chianchiere d’’a bbanda d’’o zincaro,ca facetteno ‘e capuzielle, però nun ce putette pecché nuje vincettemo i ‘o mettettemo a ppitoffio ‘mprimmose a isso!

E ccu cchesto ve saluto dannove appuntamento si dDi’ vo’ a

ddummeneca ca vene doppo d’’a nutturna ‘e sapato contr’â Fiorentina speranno ‘e putereve cuntà bbelli ccose.

Staveti bbe’!

R.Bracale Brak