STELLA ROSSA-NAPOLI( ciampionsa 18.09.18) 0 A 0 ‘A VEDETTE ACCUSSÍ

STELLA ROSSA-NAPOLI( ciampionsa 18.09.18) 0 A 0

‘A VEDETTE ACCUSSÍ

Che peccato guagliú e cche ddelusiona chella d’ajeressera!

‘O Napule êss’avut’’a fà unu muorzo d’’a Stella Rossa ‘e bBercrato ‘mmece ‘e cuane (azzurri) nun riuscetteno cherrà (espugnare) ‘o Marakana i ‘a scuatra d’’o Jancone ‘mmece d’’e tre ppunte ca ce aspettavemo recugliette ‘nu gramo punticiello, acqua ca nun leva sete! ‘Nzomma n’armecarra (partenza) faveza p’’e ggiuvinotte [scise ‘ncampo cu ‘na muntazzimma (divisa) luvarda (azzura) sfriggiata[va a ssapé ‘o ppecché!...] cu tre o quatto strisce jalizze (gialle)]d’’o Jancone ca nun foveno cacchie ‘e vencere contro ‘o fricco  (team) ‘ncopp’â carta e ‘ncopp’ô campo cchiú scadente ‘e tutto ‘o ncamo (gruppo) C ca conta pure ‘o  Liverpool(le) i ‘o  PSG! Che peccato guagliú e cche ddelusiona visto ca mo se fa tuosto ‘o trascurzo artairra (qualificazione). A cquantopare, guagliú  s’è accumminciata ‘sta tempurata (stagione) cu ssette parme e sacicce si pure ‘nciampionsa  s’è ttruvato  n’atu gruosso ‘mpedeco (ostacolo) da appassà (superare) e  ajeressera jenno a ttarrà (sfidare)’ncopp’ô campo suojo ‘a Stella Rossa ‘e Bercrato nun s’è state sacicce ‘e vencere contro a  n’avverzario, a rraggiona  poco riclazzato (reclamizzato) ma cu cquacche ppunto d’arcaua (forza): ll’avé vinciuto tutt’’e ssette partite jucate ‘ncampiunato e ttène dâ soja ll’armassa (entusiasmo) d’’e muidde  (tifosi) d’’o Marakana addó nun ffacile pe nnisciuno jucà e vvencere cumme succedette ê nuoste ca se facetteno piglià dâ frennesia e ttuzzajeno ‘nfacci’ô cummò cu ‘o specchio addó ce fósse vuluto razziucinio, pacienza, ‘nu juoco urganizzato e nn a vvienetenne, cumme capitava e fforze e ssenza forze, ggià dô primmo minuto  ggente lla ‘nnante capace ‘e cupulià (dialogare) dint’ ô stritto e zzumpà ll’ommo. ‘Nzomma dô primmo minuto, pe ccomme ‘a veco i’, nce fósseno vulute, ‘nchietta cu ssant’Arcadio, Ounass(e) a ddritta e cCiruzzo a mmancina. Tutto chesto nun succedette e nun se fove capace ‘e fà nattija (risultato) ca è cchello ca conta ‘nCiampionsa e cce rummanette ‘a vocca amara!

Passammo ê ppaggelle:

OSPINA[Pastacrisciuta] 6,5  Nunn’êtte ‘a fà cape d’angelo: se spurcaje ‘e guante sulo ‘na vota ‘ncopp’a ‘na telefonata, durante ô primmo ajone  (primo tempo) ‘e Ben Nabouhane,e a ll’arrancua  (ripresa)’ncopp’a dduje tentative facile facile  ‘e Jovanciccio e  bBoakye, ca tirajeno pe mmodo ‘e ricere.

HYSAJ[]Meza Cucchiara] 6  Facette niente cchiú ca ‘o  duvere suojo, fermanno cchiú ppallune pussibbile e ccercanno ‘e fà saglí ‘a scuatra, ma ‘e cumpagne ‘o vedetteno poco, cercanno cchiú spisso ‘o culleco ‘e ll’auta bbanna.

ALBIOL[‘O Masto] 6 – Cumme annasaje pericule  preferette cuncedere tire ‘e squine (corner) abbadanno a ttené luntane ‘e profeche lucale luntane dâ porta ‘e Pastacrisciuta.

KOULIBALY[‘O Ggialante] 6  Jette a ccercà  ll’addaffa (rete)’nnaccasione ‘e quacche tiro ‘e squine (corner) nuosto   ma ajeressera nun truvaje maje ‘o pallone i allora  se fermaje arreto preoccupannose, cumme ‘o cumpagno ‘e sezzione (reparto) ‘e mantenere acrata (inviolata) ‘a porta nosta.

MARIO RUI 6  A vette ll’accasiona soja cu ‘nu tiro ‘e timmurria (punizione), ma, peccato!,  sfresaje   (sfiorò) sulamente ll’afachía (traversa); p’’o riesto   cuntinuaje a gghí amnnante i arreto ‘ncopp’ê ddoje curzie.

ALLAN 5  Se facette ‘nu mazzo tanto cu ccegna (grinta) azaja (impegno) e cazzía (cattiveria), ma nun pozzo metterle ‘e cchiú pecché perdette troppi pallune e ffacette tanti carí (falli) tentanno ‘e mettere ‘na pezza ê ffessarie fatte; s’abbuscaje pure ‘nu sacrusanto cartellino jalizzo (giallo)doppo ‘na serata cumplessivamente da scurdà.

[ Dô 60’MERTENS[Ciruzzo] 5,5 è overo ca ll’arillo cercaje súbbeto ‘e lassà ‘o signo, ma a ccunte fatte lle riuscette sulo ‘e sfresà (sfiorare) ‘o ‘ncrocio d’’e pale. Troppo poco!

FABIAN RUIZ 5,5  Miezu zifo (mezzo voto) mancante pecché m’aspettavo ‘e cchiú, soprattutto quacche ttiro da luntano, ma ajere nun fove cosa, nun ne facette!

ZIELINSKI 5,5 Miezu zifo (mezzo voto) mancante pure a isso ca se facette piglià da ll’aribbotta (frustrazione) quanno s’addunaje ca ‘o pallone nun vuleva trasí ‘e nisciuna manera e sse ncazzaje tanto  da abbuscarese, ‘int’a ll’urdimi minute, ‘nu cartellino jalizzo(giallo)ca se fósse pututo sparagnà!  [Dô 75’HAMSIK[Marekiaro] 5Nun se vedette.]

CALLEJON [Peppe ‘a ‘nguenta]  5,5 Miezu zifo (mezzo voto) mancante pecché dô spagnuolo me fósse aspettato ‘e cchiú, soprattutto annante, zupanno ll’ommo o cercanno ‘a porta; ‘mmece se mantenette luntano dâ porta, dànno ‘namano ê cumpagne d’’a trasera (difesa), ma nun fósse stato nicessario!  [ Dô 75’OUNAS5,5È overo ca nu ll’avastajeno 29 minute ‘e juoco, ma nun facette chello ca sape fà e fósse stato nicessario]

MILIK 5,5  Miezu zifo (mezzo voto) mancante pure a isso ca ajeressera ca sí jucaje  e ccercaje ‘e cupulià (dialogare) cu cchi capitasse, nun truvaje ‘o tajenno (l’appuntamento) cu ‘o stuco  (gol) ògne vvota ca lle capitaje ‘o pallone ‘mmiez’ê piere vicino â porta e nnun riuscette maje a rrennerse veramente periculoso. Me dispiace! pallone tra i piedi vicino alla porta non riesce mai a rendersi veramente pericoloso.

INSIGNE 6 - Miezu zifo (mezzo voto) ‘e cchiú ‘e chello ca se fósse mmeretato, pecché allimmeno cercaje ‘e schiuvà ll’afachía (traversa) cu ‘nu tiro ‘a luntano, ma chest’è ttutto: p’’o riesto aizaje porvera e nun cupuliaje (dialogò) maje cu sant’Arcadio dint’ô stritto.

all. ANCELOTTI[‘O Jancone] 4,5  Tanto se mmereta pecché nun se ‘nventaje niente pe ffarece vencere e ccumplessivamente ‘a scuatra presentata, nun fove a ll’ardezza, nun tenette ‘nu juoco urganizzato e gghiucaje a vvienetenne cumme capitava, senza zuco e ccunnimma! Accussí nun va!

 Ar. MARCINIAK 7  ‘Inte a nnuvanta minute ll’arbitro pulacco nun sbagliaje niente cumprese ‘e cartelline jalizze (gialle) tutte mmeretate pe ccarí (falli) o pruteste inutile. Bravo!

‘Ncunchiusione, cumme s’è ppututo capí ‘e cuane se dimustrajeno assaje cchiú fforte d’’e profuche  ‘e Milojeviccio ma nun riuscetteno a dd’ ascallà (sfruttare) ll’accasione avute i a trasfurmarle a   nnattija (risultato) pusitivo. E ‘mmece chello êss’avut’’a fà!

E ffermammoce cca. Cumme v’aggiu ditto  fósse stato nicessario ‘nu nattija (risultato)addallo (migliore), ma jette cumme jette e ppacienza. Sperammo sulo ca  ‘o Napule allimmeno ‘ncampiunato,piglia cuscienza ‘e chello ca po’ e à dda fà   e abbía a ffà vedé ‘nu juoco urganizzato e nno a vvienetenne, facennose rispettà    accumincianno ggià  da dummeneca ca vène  quanno a ll’ora sconceca ‘e ll’apritivo se va a tTurino contr’â scuatra ‘e Mazzarri!  Accussí sperammo e ssi dDi’ vo’ ve ne parlo llunnerí ca vène.

Staveti bbe’. R.Bracale Brak