REAL SOCIEDAD - NAPOLI[E.L.29.10.20] 0 A 2 ‘A VEDETTE ACCUSSÍ

REAL SOCIEDAD - NAPOLI[E.L.29.10.20] 0 A 2

‘A VEDETTE ACCUSSÍ

Sí sí e ssí guagliú, accussí sí! Ajere ‘o Ciuccio fove prutacunisto ‘e  ‘nu granne sibbacco (macht) jenno fora casa a mmettere ‘a musarola ô  Real(lo) Sociedad(de) e sse  purtaje â   casa tre punte taminne (preziosi) ‘nchiave cualificazziona; apprimma  Gattuso mettette mòrgia(imbrigliò) Alguacil(lo) i ‘e suoje e ppo affuzzaje (vincette) ô mumento justo cu Ppolitano,ma s’à dda dicere ca quase tutte jucajeno bbuono e asasa (soprattutto) ll’uommene chiave d’’a scuatra cumme a Ppastacrisciuta i ‘o Ggialante.Doppo d’’a delusiona casalinca cu ll’ulandese st’arnassa (vittoria) ce vuleva e arrivaje! Bbuono accussí. Passammo ê ppaggelle:

OSPINA[Pastacrisciuta] 8 Sulo ‘nu paro ‘e vote fove chiammato a spurcarese ‘e guante, però una d’’e ddoje vote facette ‘na granna parata ca se chiammaje ll’applavuse pure ‘e ll’avverzarie e ssalvaje ‘o natiggio (risultato) i ‘o vuò meno ‘e otto?!

 HYSAJ[Mezacucchiara] 6,5: Nun sulo guardaje a mmestiere a n’accunto scamuso cumme Oyarzabal(lo), ma se facette vedé pure annante.

 

 MAKSIMOVIC[‘O ‘Ntontero] 7:Me faccio maraviglia e nnun me ll’aspettavo ca ll’ecchese d’’o Toro jucasse accussí bbuono ‘ncarranno ògne repartita e ddànno ‘na bbona mano ô Ggialante, ‘nzomma uno d’’e meglie ‘ncampo.

 

 KOULIBALY[‘O Ggialante] 8,5: Murriffo (sontuoso), cummannaje ‘a trasera (difesa) e affuzzaje (vinse) ògne stibbacco (duello) cu cchi capitaje.

 

Mario RUI 6,5:Scennette spisso a mmancina e ppe ppoco   ô 12’ nun signaje; p’’o riesto facette bbona guardia.

 

BAKAYOKO[‘O Mammone] 7:Cupuliaje (dialogò) cu Ppolitano cu granna ppricisione ‘nnaccasione ‘e ll’addaffa (rete) ca nce dette ll’arnassa (vittoria); pe ttutto ‘o riesto d’’o sibbacco (match) se sentette ‘a presenza soja lla ‘mmiezo.

 

 DEMME 6:  Facette bbuono  ‘o ssuojo cumme trancatura (interdizione),senza spaventarse e ssenza tirà ‘o pere arreto.

 

 POLITANO 7,5: ‘Ngenerale fove talucco  (frizzante) e prutacunisto ‘e cchiú ‘e ‘na bbella jucata ‘ncopp’â trecquarte e nnun lle mancaje ô 55’ ‘o cuorio ‘e pruvarce cu ‘na bbotta da fora ca fove diviata addivintanno ‘o stuco (il gol) ca signaje ‘o destino d’ ‘o sibbacco (match)! 

[Dô 61'  DI LORENZO 6 Jette a ffà catena cu Rui a mmancina ma faticaje paricchio pe ffermà a Willian José.

 

 LOBOTKA 6:Facette ‘o ssuojo ‘ncopp’â recquarte pure si è ancòra luntano dâ sciacalla  (forma ideale).

 

[Dô 61' MERTENS [Ciruzzo] 6: Se vedette sulo ‘ncopp’a cquacche repartita (ripartenza).

 

INSIGNE 6,5: Sfurtunato overo, partette subbeto e bbuono e ggià a ll'8' sfresaje ‘o stuco d’’o ventajo (gol del vantaggio), po â ‘ntrasatta ô 22’, a ppe isso, lle venette meno ‘a gamma mancina  e ffove custretto a tturnà ‘mpanca.Che peccato! E sperammo ca ‘o ‘mpiccio nun è ppesante.

 

[Dô 22' LOZANO 7,5: Se facette vedé mo annante, mo arreto cercanno ògne ppallone cu ccegna (grinta) e azzaja (impegno).]

 

 PETAGNA 6,5: Se mettette a ddispusizzione d’’e cumpagne ‘e sezzione (reparto) e ddètte a Mario Rui, ô 12' ‘na palla zucosa (deliziosa).

 

[Dô 61'  OSIMHEN 5: Trasette  sbaglianno  ‘e ccentrelle (tacchetti) e spisso sciuliaje perdenno palla e Ggattuso ‘o cazziaje.Fove jettato fora ‘nu poco p’itimma (colpa) soja,quanno prutestaje inutilmente, e ‘nu poco pecché ll’ucummo (arbitro) vedette ‘nu cacchio pe n’ato.Peccato, però è mmeglio si Gattuso ‘o piglia pe ‘na recchia e lle fa mettere ‘a capa a pposto.

 

All. GATTUSO 7,5: ‘o Napule suojo ajere fove scuatra ‘nteliggente e bbuono misturata (amalgamata) capace  d’affuzzà  (vincere) ‘ncopp’a ‘nu campo cumpricato. Applavuse.

arb.  PAWSON 4,5 Troppo casalinco ‘stu ‘ngrese ca siscaje a vvienetenne e ssempe contr’ô Ciuccio.

E ffermammoce cca cuntente d’’o natiggio (risultato) e mmo turnammo a ppenzà ô campiunato e cce sentimmo si ‘o Cielo ‘o vvo’ llunnerí ca vene pe ccuntareve  che succere dummeneca mmerz’ê sseje ô san Paolo contr’ô Sassuolo, n’ata scuatra scamosa e assineja (satellite) d’’a vecchia zoccola. Facimmo corna. Staveti bbe’ R.Bracale Brak