BORUSSIA DORTMUND - NAPOLI (26/11/2013) 3 A 1 ‘A VEDETTE ACCUSSÍ

BORUSSIA DORTMUND - NAPOLI (26/11/2013) 3 A 1 ‘A VEDETTE ACCUSSÍ Che ‘ntussecata e ch’avvelimiento ajeressera a dDortmund! Doppo d’’e passe faveze ‘ncampiunato me penzavo ca‘nCiampionsa ‘o Napule se fósse levato ‘e pacchere ‘a faccia e ggià ‘nterra teresca se fósse abbuscato chillu pareggio bbuono pe passà ‘o turno... Ma chi t’’oddà?Ajeressera ‘e cuane collezziunajeno‘a terza scunfitta ‘e fila 'nfra campiunato e ccoppa perdenno per ttre a uno e cumplicannose ‘a vita pecché mo pe passà ‘o turno s’à dda vattere largo ll'Arzenàllo ‘nfra quinnece juorne ô san Paolo. Ajeressera fove però certamente ‘na jastemma menata ca cecugliette pecché tutto summato ‘o Napule nun ascette spernacchiato dô campo d’’o Borussia pure si dimustraje troppi periurisme (limiti) uffenzive e se facette truvà scupierto ‘ndifesa.;tutto dipennette però ca jetteno subbeto annante ‘e terische umaggiate ‘a ll’arbitro ‘e ‘nu caritivo (generoso)ricore(nurmale miezu bblocco/ trattenuta ‘e Fernandèzzo ‘ncuollo a Lewandowski) rializzato ‘a Reusso; po doppo ‘nabbona riazziona (palo ‘e Cagliecònno,Weidenfeller grazziato ‘a Higuaínno) edoppo ‘na serie ‘e accasione ‘ncontropiede pe ‘e ggiuvinotte ‘e Klopp ( e ffove overamente bravo Reina allimmeno pe ttre vvote), dalle e ddalle‘o cucuzziello addeventa tallo, arrivaje‘ncontropiede ‘o doje a zzero ‘eBlasczcykowski ô 60°. A ‘stu punto don Rafele se decidette a ffà trasí a Insigne ca riuscette a mmettere dinto ‘opallone d’’a speranza,ma cu n’atucontropiede, abbiato ‘a Lewandowski,doppo ‘na puttanata d’Armero a mmitàccampo, Aubameyang firmaje ‘odefinitivo tre a uno lassannome cu ‘ottuosseco ca me scurreva p’’a vavera mentre facevo ll’appello ‘e tutt’’e muorte d’Armero esocie. Che ato? Assaute (assalti)inutili e disperate d’’o Napule ô finale cu Insigne e ccu zZapata, ma fove Mkhitaryan a sfresà (sfiorare) ‘o pocherro cu ‘nu tiro ca cugliette ‘o palovascio. Ora mo ê cuane ce vo’ sulo ‘nu miraculo pe vattere largo ll'Arzenàllo ‘nfra quinnece juorne ô sanPaolo. Sempe ca nun ce se mette quaccheata seccia. A’stu punto avesse mettere ‘e ppaggelle, ma sto’ troppo ncazzato pemettere a pelià; mecco sulo ‘e punte. Accuntentateve e crediteme pure si nun vespieco ‘o ppecché! REINA 7,5; MAGGIO 4,5, FERNANDEZ 5,5, ALBIOL 5,5, ARMERO 3;BERHAMI 7, DZEMAILI 6,5 (62° INLER 5,5); CALLEJON 5 (67° INSIGNE 6,5), PANDEV5,5 (76° ZAPATA sv), MERTENS 5,5; HIGUAIN 5 All. BENITEZ 5,5.arbitro: CARLOSVELASCO CARBALLO (Spagna) 3,5.E fermammoce cca, facenno chesta amaracunsiderazziona: ‘o campiunato è cumprumesso, ‘a Ciampionsa(a mmeno ‘e ‘numiraculo) piezzo e ppejo..., pe ssalvà ‘a tempurata (stagione) si nun me sbaglio ce rummane ‘a coppa itaglia. Ma è acquaca nun leva sete! Si dDi’ vo’ ce sentimmo marterí ca vene doppo d’’o fullé cu‘a Lazzio. Staveti bbe’! R. Bracale Brak