NAPOLI-LECCE (9.2.20) 2 A 3 ‘A VEDETTE ACCUSSÍ

NAPOLI-LECCE (9.2.20) 2 A 3

‘A VEDETTE ACCUSSÍ

No guagliú, e cche ne parlammo a ffà? ‘Sta caracuddamma (stagione) ce à cacato ‘o cane niro e nnun ne cacciammo niente; putimmo vattere ‘a vecchia zoccola, jucà bbuono e affuzzà (vincere) ‘ncasa d’’a Sampedoria.... ecco ca po [cumme sccedette ajere all’ora d’’a tiella] t’arrivano ô san Paolo, ‘e puglise d’’o Lecce e sse metteno ‘e ttre ppunte dint’â sacca, tre ppunte ca a nnuje ce fósseno servute cumm’ô ppane e cca ‘mmece dettemo a lloro doppo ‘nu primmo ajone (tempo) ca nuje accavallajemo (dominammo) pe bbuone trenta minute, ma  ca  po nchiudettemo ‘nsotto p’uno a zzero e a ppoco e nniente ce servette ll’arrancua (ripresa) quanno pigliajemo n’ati ddoje addaffe (rete) e nun riuscettemo manco a rrussimà (pareggiare), cosa ca manco a nniente ce fósse servuta. È overo ca ll’ucummo (arbitro) ‘nu sardagnuolo scanusciuto ce ajutaje p’’a scesa, nun dànnoce, dint’’ô mumento cchiú ‘mpurtante, ‘nu ricore sacrusanto doppo ca Sant’Arcadio fove sgammettato a ppoche passe dâ porta pugliese..., ma chesto nun serve a scurpazione ‘e ll’azzimma (sconfitta)! ‘O fatto overo è ca nuje doppo d’avé vattutto vecchia zoccola e Sampederia c’erâmo frusciato ca fósse passata ‘a nuttata e ca ‘o Ciuccio êsse adderezzato ‘a varca i avesse truvato finalmente ‘a strata justa,’mmece ‘o Lecce  ajere nce purtaje n’ata vota cu ‘e piere ‘nterra chiarennoce ca ‘a nosta è ‘na  caracuddamma  (stagione) cumpricata assaje e nn’âmm’’a magnà furne ‘e pane primma ‘e ne caccià coccosa; ‘na cosa è ccerta: arreto abballammo ancòra troppo e i’ penzo ca nun se po’ ffà a mmeno ‘e Chitelassa e ca ‘o Ntontero, centrale ‘nchietta cu ‘o Ggialante nun se po’ vvedé. Turnammo a ajere: durante ô primmo ajone (tempo), duminato pe cquase ‘na mez’ora, ‘o Napule attaccaje, ma senza cunchiurere però ô 29’ fove ‘o Lecce a ppassà â primma accasione i ‘o ffacette cu Llapadula ca, lassato sulo dô Ntontero a dduje passe da Pastacrisciuta [i a nnuje ‘ntribbuna-divano ce parette forze  ‘nnattasallulo (fuorigioco)....]apprufittaje ‘e   ‘na raffadda (respinta) corta ‘e Pastacrisciuta e cce futtette purtanno ‘e puglise ‘ncopp’a ll’uno a zzero. A ll’arrancua  (nella ripresa), Gattuso mannaje dinto a Cciruzzo ca súbbeto se dette da fà e ‘ncap’’e tre mminute cunfezziunaje ‘nu sciccu missiddo (assist) pe Sant’Arcadio ca ‘o sfruttaje a mmestiere purtannoce ‘ncopp’ a ll’uno a uno; Lapadula, però, scatenato [e ‘sta vota nun cuntrastato da Di Lorenzo, ca ‘o marcaje arreto, ‘mmece ‘e farelo jastamente annante]  ô 61’, ‘e capa futtette n’ata vota a Pastacrisciuta [ca se lanzaje troppo tarde!]. Subbeto doppo ‘a jonta ce ‘a mettette ll’ucummo (arbitro) ca nun dètte ‘o ricore  a Sant’ Arcadio sgammettato, primma ca a ll’82’ Mancosu nun pezzecasse ‘a maddanna (jolly) cu ‘na timmuria (punizione) ca addivintaje ‘na cagliosa  da trenta metre..., cusicché ll’addaffa (rete) ‘e Peppe ‘a ‘nguenta servette sulo a nchiudere ‘a facenna cu n’amaro ddoje a ttre p’’e puglise ca facetteno ‘nu zumpo  funnamentale nchiav’ arcalassa (salvezza), mentre ‘o Napule sprufunnaje ancòra ‘int’a ll’arnaffacco (tunnel)!

Chiste ‘e fatte; passammo ê ppaggelle:

OSPINA [Pastacrisciuta]5 ‘Ncopp’ô tre a uno nun ce putette fà niente, ma ‘ncopp’â primma i â siconna addaffa (rete) s’à dda sbattere ‘mpietto!

 DI LORENZO 4,5 Me dispiace, ma tanto se mmereta: turnato a ffà ‘o mestiere suĵo nun se facette vedé ‘ncopp’â fascia e arreto se purtaje ‘ncopp’â cuscienza ‘e nun avé marcato a dduvere a Llapadula ‘ncopp’â sconna addaffa (rete) d’’e puglise; purtroppo pare ca nunn’attraverza ‘nu bbuonu mumento. Peccato!

MAKSIMOVIC[‘O Ntontero] 4,5 Forze sbagliaje Gattuso a mmetterlo centrale ‘nchietta cu ‘o Ggialante..., cert’è ca se perdette a Llapadula ‘nnaccasione d’’a primma addaffa (rete)lassannolo sulo a ‘nu passo da  Pastacrisciuta e fforze mantenennolo ‘nghiuoco!

KOULIBALY[‘O Ggialante] 5,5  Miezu zifo (voto) mancante pecché pavaje,assaffa  (purtroppo),  ‘na scarza talucca jasadda (brillantezza fisica) Apettammolo.

MARIO RUI 6  Sfurnaje cchiú ‘e ‘nu pallone dâ ferza mancina e ccercaje pure ‘a porta.

 LOBOTKA 5,5 Miezu zifo (voto) mancante pecché miso a gghiucà largo a mmancina fove troppo bbatiejo (lento) e nnun riuscette a ‘ntrezzà juste ‘ntapeche (trame) ‘e juoco. Peccato! [dô 46’ MERTENS[Ciruzzo] 6,5  Trasuto súbbeto furnette ‘a palla justa pe Ssant’Arcadio e ppo cercaje purtroppo inutilmente ‘e farece affuzzà (vincere)

DEMME 5,5 Miezu zifo (voto) mancante pure a isso ca nun ruscette a ddà zzureja (velocità) â munavara (manovra) facenno ‘nu passo arreto a ppietto ‘e ll’urdeme asciute.

ZIELINSKI 5 ‘Nu zifo (voto) mancante pecché fove assaje alarraffo (sprecone) cchiú ‘e ‘na vota i asasa (soprattutto) ‘ncopp’ô zzero a zzero ‘e capa se magnaje n’addaffa (rete) cu ‘na palla commeta.

POLITANO 6  ‘Na bbona ora ‘e juoco muvennose ‘ncopp’a ttutta ‘a camma (zona) uffenziva e sfunnanno a ddritta, po pigliaje sciato; à dda capí però ca ‘o campo chill’è e ss’à dda stà accorto ‘e llinie laterale.[dô 62’ CALLEJON [Peppe ‘a ‘nguenta] 6,5 Cuncreto cchiú d’’e cumpagne, quanno ‘o sibbacco (match) steva ancòra ‘nnaltuazzinno (in bilico), signaje ô 90  ‘na bbella addaffa (rete). Troppo tarde!]

MILIK[Sant’Arcadio] 6  Signaje ô 48’ ll’addaffa (rete) ‘e ll’uno a uno; primma però, sfurtunato, nun ne facette n’atu paro; s’abbuscaje ‘nu ricore ca ll’ucummo (arbitro), senza chiammà ‘a Varra ca lle cunzola ‘a zia monaca, nun lle vulette dà e ppe gghionta ‘e ruolto ‘o nutizziaje (lo ammoní)!

Lorenzo INSIGNE 5,5  Miezu zifo (voto) mancante pecché ‘a fora ‘e quacche ttiro a ggiro sballato i a ‘nu palo scugnato facette poco ato e lle venetteno meno pricisione e ccumminziona.[dô 76’  LOZANO 4,5  Inutile, aizaje porvera!]

all. GATTUSO 5 Quanno se perde, piglianno addirittura tre addaffe (reti), ll’itimma (colpa) è ssempe ‘mprimmose d’’o mutarribbo (allenatore) Ajere mannaje ‘ncampo ‘na scuatra   ca facette ‘nu bruttu passo arreto  a ppietto ‘e ll’urdeme asciute:  ‘O Napule d’’o primmo ajone (tempo)nun cuncretizzaje, ‘a munavara  (manovra) fove troppo cumpassata e bbatieja  (lenta) i ‘a trasera   (difesa), senza Chitelassa venette meno.

arb. GIUA 3 E ll’aggiu trattato a ‘stu sardagnuolo cucciuto pejo ‘e ‘nu mulo;   ce ajutaje p’’a scesa e cce nijaje ‘nu ricore e tre o quatto timmurrie (punizioni).È mmeglio si nun ce ‘o mannano cchiú!