NAPOLI - SASSUOLO (16/01/16) 3 A 1

NAPOLI - SASSUOLO (16/01/16) 3 A 1 ‘A VEDETTE ACCUSSÍ Ancòra biancale, fuja-fuje, trezziole e bbotte a mmuro, guagliú e ffȯsse sempe accussí, allimmeno nsi’ a mmaggio! ‘O Napule, cu ‘a sustanziosa nichemata (vittoria) cunquistata ajeressera ô san Paolo contr’ô Sassuolo se levaje ‘e pacchere ‘a faccia pigliate ê vintitré d’austo. e sse cunfermaje cu 44 punte ‘ncimm’â crassifica. Nichemata (vittoria)’mpurtante pirciò, doppo ‘na mubbara (partita) però difficultosa e, ppe gghionta ‘e ruotolo, accumminciata ‘nsagliuta pe bbia d’Albiollo ca rijalaje ‘nu ricore ô Sassuolo doppo manco ‘nu minuto e mmiezo;e ssuccedette pirciò ca ‘o Napule fove custretto a ccorrere appriesso ô risultato e doppo d’’o pareggio acchiappato ‘a Cagliecònno ca recugliette ‘nu bbellu e ppriciso cruzzo (cross) d’Insigne signanno finalmente’o primmo stuco(gol) d’’o campiunato, sott’ô surpasso ‘a firma nce ‘a mettette santu Pipita cu ‘nu dubblato (doppietta) ca ce facette felice e ca ‘o purtaje cu vvinte stuche (gol)’ncimm’â crassifica ‘e ll’artigliere (cannonieri) E accussí sperammo ca se cunfermasse a mmaggio ancòra â faccia d’’e ssecce,[comme a ggiggino-uocchie stuorte, ca pure ajeressera era presente ‘ncopp’ê bbemate (spalti)], d’’e cestarielle e dde chi ce vo’ male! Veddimmo ‘e ppaggelle: REINA 6 Manco èrâmo partute ca ggià ‘o Sassuolo se truvaje cu ‘nu ricore ‘e vantaggio; quanno se dice ‘a jella! Rispunnette prisente ‘ncopp’ô tiro ‘e Politano,ma p’’o riesto nun arresecaje quase niente cuntentannose ‘e piglià friddo e facennose apprezzà pe n’asciuta da libbero addirittura ‘ncopp’â trecquarte, ma êtt’’a ringrazzià a Sansone ca arrivaje cu ‘nu niente ‘e ritardo ‘ncopp’a ‘nu pallone ca attraverzaje tutt’’a camma ‘e ricore durante ê minute finale quanno chille d’‘o Sassuolo se menajeno a ccapa sotto tentanno d’arrivà ô pareggio. E nun ce riuscetteno! HYSAJ 5,5 - Se presentaje cu ‘nu bbruttu liscio ca ‘o penalizzaje mentalmente allimmeno pe ttutt’’o primmo ajone(tempo); pe ffurtuna ca po se repigliaje e ffacette ‘na bbona arrancua (ripresa) cunzumanno ‘a curzia ‘e dritta pe cquanti vvote s’’a facette appressuranno (spingendo).Cumplessivamente quase ‘nu passo arreto a ppietto d’’e ppricedente antraffe (partite). Ma ce po’ sta. ALBIOL 5,5 – Miezu zifo (voto) mancante p’essere partuto cu ‘o pere sbagliato doppo 'nu minuto e mmiezo trasenno ’nritardo ‘ncuollo a sSansone cu ‘nu catà (fallo) da ricore: pe ffurtuna ca se repigliaje passanno ‘o tiempo siognurreggianno ‘e capa ‘e tanti pallune ca arrivajeno dê pparte soje. CHIRICHES 6,5 Miso ‘ncampo a ssurpresa ‘o vampiro rumeno, senza essere mutaffairo (esplosivo) comme a cKoulibalý, s’’a vedette ‘e bbello arresecanno poco e nun sbaglianno niente. (Dô 68'KOULIBALY 6- Trasette pe ddà frischezza e armaddia [fisico] â sezziona [reparto] dint’ ô mumento asimmuso [cruciale] d’’o fullè [match] facennose apprezzà súbbeto). GHOULAM 6 – Partette senza farese nutà cchiú ‘e tanto a ll’epata ‘e puzamiento [in fase di spinta], ma se facette tutt’’a mubbara [partita]senza sfregazze [sbavature] a ll’epata difenziva [in fase difensiva]. ALLAN 6 Me parette ‘ndifficultà contro ll’ armaddia [fisico] ‘e Duncànno,ca cchiú ‘e ‘na vota vincette ‘e cuntraste ‘mmiez’ ô campo.Jette megli a ll’arrabncua [ripresa] quanno ricuperaje paricchi pallune. JORGINHO 6,5 – Ll’ urtizzazzione [verticalizzazione] p’’o Pipita doppo dudice minute fove comme a ‘nu raggio ‘e sole e ffove ‘na preta prezziosa ‘e ‘nu fullè [match] ca ‘o vedette pressato e radduppiato dê jucature d’’o Sassuolo, ma pure duminatore d’’o centrocampo addó tuccaje e guvermaje cchiú ‘e ciento pallune! HAMSIK 7 – Veramente ‘na bbella mubbara [partita]dint’ a ttutte ‘e ccamme [zone]d’’o campo menannose dint’ê spazzie p’accumpagnà o bbassurà [suggerire] ll’azziona comme ‘nnaccasione d’’o surpasso quanno servette ô Pipita ‘nu pallone d’oro. (Da ll'87' DAVID LÓPEZ s.v.) CALLEJON 7 Doppo pochi minute ‘o vedettemo ca jette a ssafà [pressare] a cConsigli, cu ‘o Pipita spustato ‘ncopp’â fascia;jette a recogliere ‘nu bbellu e ppriciso cruzzo (cross) d’Insigne signanno finalmente’o primmo stuco(gol) d’’o campiunato, sbluccannose; ajeressera fove overo ‘nu siconno nassio [punta]cchiú ca n’ala e cchesto nun po’ ca fa piacere a sSarri! HIGUAIN 8 E lle vuó mettere meno ‘e otto a n’artigliero [attaccante] comme ô Pipita ca nun perdona e si ave ‘a palla adatta ‘a mette dinto senza misericordia!Facette dduje stuche [gol], ma êsse pututo pure esaggerà facennone tre si nun fósse stato sfurtunato ‘nu paro ‘e vote cu ppalle ca facetteno ‘a bbarba ê pale. INSIGNE 6,5 – Lorenzigno se mettette súbbeto ‘ntusiello cu ‘nu pallone forze troppo braduso [lento] p’’o Pipita; ma se chiammaje ll’applavuso ‘nnaccasione ‘e ll’uno a uno quanno ce credette nsi’ a ll’urdemo pittanno ‘na palla pe Cagliecònno; peccato ca ô trentacincheesimo ‘o pallone ascette fora; si fósse trasuto, ggiggino uocchiestuorte êsse avuto mettere mano súbbeto a rristrutturà ‘o san Paolo; nun ‘o fermaje nisciuno nsi’ a cquanno nun se ne scennette d’armaddia [fisico] (Dô 76' MERTENS 6 ‘e stima) SARRI 6,5 – Tenette fora ô pprincipio a fuori Koulibalý [‘nvista d’’a Coppa itaglia cu ll'interre], ma Chirichesso nun ‘o deludette...demerita. ‘O Sassuolo, nun saccio pecché, era sciso ô san Paolo cu ‘o sanco a ll’uocchie safanno [pressando] súbbeto cu ttutt’’e fforze e truvanno a mmazzo pue súbbeto ‘o stuco d’’o ricore mentre ‘o Napule ô pprincipio tarrudaje [tentennò] nsi’ a cquanno po lentamente guadagnaje metre pure pecché ‘o Sassuolo concedette spazzio; tatticamente se jucaje assaje decentrate a mmancina ‘mmiez’ô tifo sfrenato d’’o pubblico ca ‘o Pipita scarfaje cu ‘o stuco d’’o pareggio; a ll’arrancua ce fove cchiú ‘e ‘nu pallone sprecato ‘ncuntropiede cu quacche ppasiglio [passaggio] sbagliato. Cumplessivamente andivinate tutt’’e cagne. Arbitro GIACOMELLI 5 Nun ne parlo; dico sulo ca siscaje súbbeto ‘o ricore p’’o Sassuolo, ma ô Napule ne fósseno attuccate ‘nu paro e isso nun ce ‘e ddètte! E fermammoce cca, cuntente ‘e chello ch’è succieso e ddannoce appuntamento, si dDi’ vo’ a mmiercurì ca vene doppo d’’o scontro casalinco ‘e marterì a ssera cu ll’Interre p’’a mubbara ‘e Coppa itaglia.Staveti bbe’. R.Bracale Brak