NAPOLI – BENFICA (C.L. 28/09/16) 4 A 2 ‘A VEDETTE ACCUSSÍ

NAPOLI – BENFICA (C.L. 28/09/16) 4 A 2 ‘A VEDETTE ACCUSSÍ Peggio pe cchi nun crere, guagliú! I’ ve dico ca ajeressera ô sanPaolo, quarantacinchemilia perzune avetteno ‘a furtuna ‘e vedé ‘na granna mubbara (partita) d’ ‘o Napule contro a ‘na granna scuatra e cchesto allimmeno nsi’ a vvinte minute dô prazzo (fine) quanno ‘e cuane (azzurri) stanno ggià ‘ncopp’ô quatto a zzero allentajeno ‘nu poco e, cu ddoje fessarie [‘a primma ‘e Giorgigno ô 71’ cu ‘nu scellerato pasiglio a gghí arreto,piglianno ‘ncontropiere ‘a trasera (difesa) nosta ca saglieva i ‘a siconna ‘e Ghoulamme ca a ll’ 86’ se perdette a sSalvio ], permetteno ô Benfica ‘e smezzà ‘o risultato finale ca s’attestaje ‘ncopp’ô quatto a ddoje. Peccato! Me fósse piaciuto ‘e vencere cchiú llargo e soprattutto mantenenno ‘a porta acrata (inviolata)… però nun succedette; ma nun fa niente guagliú, chello ca conta è ca ‘o taricco (percorso)’e ll’umme (dei sogni)accumminciato cu ‘a Dinamo ô tridice passato cuntinuaje ajeressera ô San Paolo addó ‘int’â matrichèra (tana) nosta, da cchiú ‘e n’anno armuccallo (fortino) sia ‘ncampiunato ca ‘nnAiuropa, nun ce ne fove manco p’’o Benfica i ‘o Napule se dimustraje cchiú fforte nun sulo d’’e purtuchise, ma pure ‘e chilli duje cestarielle ’e ll’almullacche (commentatori) Mediasetta e soprattutto d’’a scalogna ca ce privaje doppo appena diece minute d’Albiòllo ca lle s’allungaje nun saccio qua’ muscolo i ‘o mettette fora sibba (causa),custringenno Sarri a ffà debuttare a nNikola Maksimoviccio; poco male! ‘O Napule vattette ô Benfica rummanenno a nnatiggio (punteggio) chino’int’ô cruppo B a cchiú cquatto ‘ncopp’â siconna, ‘o Besiktas(se).’E fatte jetteno accussí: p’’e primme sittanta minute, doppo ‘nu bidaiatanno (avvio) quanno Reina êtt’’a salvà ‘o prozo a ttutte quante, fove tutto n’irdo (show) ‘e Ciruzzo Mertenso e ssocie; Marekiaro levaje ‘a ll’irra (imbarazzo) ‘e cuane mettenno a ffrutto, cu ‘na bbella cabbesera (colpo di testa) a ffilo ‘e primmo palo,’nu sistimato tiro ‘e squina (corner) ‘e Ghoulamme;ll’arillo bbergo marcaje ‘o cartellino ddoje vote [ô 51’ cu ‘na bbella timmurria(punizione) i ô 58’, sotto mesura recuglienno ‘nu bbassurero (suggerimento) ‘e Arcadio], Milikco ô 54’ firmaje ‘o stuco suĵo mettenno dinto cu freddezza ‘o ricore ca s’era prucurato Peppe ‘a ‘nguenta, arrunzato ‘a Culio Cesare ca ll’era asciuto ‘ncopp’ê piere; cosicché, comme v’aggiu ditto a vvinte minute dô prazzo (fine) ‘o Napule steva ‘ncopp’ô quatto a zzero; po – comme v’aggiu ditto - ‘o Benfica riuscette a smezzà ‘o risultato finale ca s’attestaje ‘ncopp’ô quatto a ddoje prucurannoce quacche anzía (patema) ma piccerella. Peccato! Passammo ê ppaggelle: REINA 6,5 Soprattutto pecché, comme ggià aggiu ditto, salvaje ‘o prozo a ttutte quante durante ê primme minute cu cquacche sistimata marfudda (respinta) ‘e punio e ccu ‘nu granne taccullo (intervento) ‘ncuollo a mMitroglou. Po nun avette quase cchiú spurcà ‘e guante, nè foveno itimme(responsabilità) soje ll’adaffe (reti) pigliate. HYSAJ 6,5 Accumpagnaje a pPeppe ‘a ‘nguenta cchiú ppoco d’’o solito pure pecché ‘o Napule scigliette d’attaccà cchiú assaje a mmancina; sinamparco (comunque) addereto facette ‘o ssuĵo cuntrullanno ‘e prucrissione (avanzate) ‘e Grimaldo, contrastanno a mmestiere a isso i a cchi capitaje. ALBIOL s.v. Sfurtunato! Lle s’allungaje nun saccio qua’ muscolo i ‘o perdettemo quase súbbeto (da ll'11' MAKSIMOVIC 6 S’’a cavaje bbuono ‘a fora ‘e ‘na vota quanno fove pigliato ‘ncotropiede ‘a ‘nu pasiglio ad capocchiam ‘e Giorgigno; trasuto a ffriddo marratannaje (debuttò) cu ‘a maglia arzacca (azzurra) e nun tremmaje.) KOULIBALY 7 – Perdette súbbeto ‘o cumpare ‘e sezzione (reparto), ma isso nun facette ‘na chieja e ll’atalossa (prestazione) soja nun n’ affetaddaje (risentí) e ffove ‘a solita muraglia ca nun facette passà niente e nnisciuno! GHOULAM 6,5 - Miezu zifo (voto) mancante pecché ‘nnoccasione d’’a siconna addaffa purtuchesa se perdette a sSalvio; p’’o riesto fove ‘o padrone d’’a curzia mancina annate i arreto pe tutt’’e nuvanta e cchiú mminute e mmettette ‘mmiezo ‘nu granne tiro ‘e squina [chillo miso a ffrutto da Marekiaro]. ALLAN 6,5 Assicuraje ‘na presenzia zubba (solida) ‘mmiez’ô campo pure ‘int’ê mumente cchiú triste p’’e cuane ricuperanno pallune e ppurtannole fora dê ccamme (zone) periculose. JORGINHO 5,5 Ajeressera me piacette poco o niente e ffove ‘a zimeiosa stunata(nota stonata) d’’o Napoli; sulo durante ô primmo ajone facette quacche ccusarella lassanno però sempe troppu spazzio tra isso i ‘a tràsera (difesa).’O nquacchio overo ‘o facette a ll’arrancua [71’] quanno cu ‘nu scellerato pasiglio a gghí arreto a uocchie nchiuse ,pigliaje ‘ncontropiere ‘a trasera (difesa) nosta ca saglieva e rijalaje palla a gGuedesse ca signaje! HAMSIK 7,5 Ajeressera ‘o capitano ‘o vvuleva fà e sse vedette risultanno pulitelico (prezioso) nun sulo pecché fattiaje (sbloccò),cu n’andivinata cabbesera (colpo di testa), ‘na sibbacca (gara) ch’êsse pututo addivintà cumplicata, ma pure pecché a ccentrocampo se dimustraje sempe nicessario pe ccomme se ‘nsertaje (inserí) e ppe comme dètte ‘na mana ê cumpagne. José Maria CALLEJON 7 Niente ‘e nuovo: senzazziunale: mette a ddisposizzione d’’a scuatra corza, cuntinue calaffe (sgroppate),iabbre (cross) e sse jette pure a pprucurà ‘o ricore. Ascette manucco (stremato) e sse chiammaje ll’applavuso meritato. (dô 70' INSIGNE 6 Pochi ccose, ma fatte bbuono; trasette a gghiuoche ggià fatte e quase mettette annante ô purtiere a mMilikco ca però sprecaje.) MILIK 6,5 Miezu zifo (voto) mancante pecché pure si fove sempe ‘nsibbacca (in partita),e durante ô primmo ajone (tempo) battagliaje cu ‘a pistofulaca (retroguardia) purtochese nun riuscette a procurarese accasione cuncrete; a ll’arrancua signaje ‘nu bbellu ricore cu freddezza e ppricisione; po però pe precipitazziona se magnaje ‘a pussibbile pareglia (raddoppio) perzunale e ffove ‘nu peccato! MERTENS 8 Ajeressera, si pe ccaso ce ne fósse stato nicessità, dimustraje pecché s’è ppigliato ‘o posto d’aizzo (titolare) levannolo a Insigne; fove n’arillo ca nun se fermaje maje crianno cuntinuamente pericule p’’a trasera (difesa) purtuchesa e firmanno ‘na bbella, ‘mpurtante pareglia (doppietta). (da l’82' GIACCHERINI s.v.) All. SARRI 6,5 Ancòra ‘na vota avette ‘e risposte ca s’aspettava ‘a tutte quante, pure ‘a Maksimoviccio, trasuto a ffriddo.À dda però fà capí ê suoje ca ‘e mmubbare accummenciano subbéto cu ‘o primmo sisco ‘e ll’arbitro e nun fenesceno ô sittantesimo, ma quanno tutte stanno sott’â doccia doppo d’’o nuvantesimo. I ajere nun ‘o facette. arbitro: BRYCH (Germania) 6 Se tenette dint’â sacca ‘nu paro ‘e cartelline jalizze (gialli) sparagnannole ê purtuchise, ma p’’o riesto facette quase tutto chello ca êsse avuto ‘a fà! Fermammoce cca. E si dDi’ vo’ ce sentimmo llunnerí ca vene doppo d’’a nàcchela (trasferta) a bBergamo dummeneca contro ll’Atalanta, scuatra assineja (satellite) d’’a vecchia zoccola e spero ca ve pozzo cuntà ca ‘o Napule ll’à casticata! Staveti bbe’. R.Bracale Brak