NAPOLI – CHIEVO (24.09.16) 2 A 0 ‘A VEDETTE ACCUSSÍ

NAPOLI – CHIEVO (24.09.16) 2 A 0 ‘A VEDETTE ACCUSSÍ Tutto a pposto, guagliù, tutto a pposto: avimmo scanzato n’atu fuosso e ajeressera ô san Paolo ‘nnante a ssule vintemila masciadde (spettatori) ‘o Napule riuscette a vvattere chilli quatto campanare d’’e pariente lasche ‘e Giulietta e â faccia ‘e tutte ‘e cestarielle e dde chilli dduje pirete, almullacche (commentatori) ‘e Sky [ca ce secciajeno malamente pe ttutta ‘a sibbacca (gara) sciuscianno arreto a ògne loffa fatta dê campanare verunese..] cunquistanno ‘e tre ppunte nicessarie pe ttené ‘o passo d’’a vecchia zoccola ca poco primma s’era juta a arrubbà tre ppunte a pPalermo cu ‘na daffimarma (autorete) malaurata pe ll’isulane e bbenedetta p’’e savujarde. Ma ‘o Napule se ne futtette ‘e tutto: d’’o mazzo d’’a zoccola, d’’e ssecce, ‘e ll’arbitro puglise Di Bello [4] ca nun riuscette né a ss’arrubbà ‘a carne dô piatto, né a ffarcela abbruscià ‘ncopp’ô ffuoco, ma sulo a nnutizzià ‘e duje marcazzie (centrali) nuoste pe dduje carí (falli) can un s’ammeretavano certo ‘o cartellino jalizzo (giallo)… Ma votta lla! Nun ce ne futtette niente i ‘o Napule ggià ô primmo ajone (tempo) cu dduje mascune (schiaffi) a votavraccio, pe mmano ‘e Gabbiadini [ca se sbluccaje!] ô quinnicesimo e de Marekiaro [ca finalmente signaje ll’adaffo (gol) nummero ciento!] ‘na mez’ora doppo stennette ‘o Chievo e ‘nchiudette ‘a prattica. Se fósse pure pututo sbracà si ‘o stesso capitano, Lorenzigno e pPeppe ‘a ‘nguenta fosseno state cchiú pricise e nun êsseno cchiú ‘e ‘na vota sparato a ssalve luntano e ffora dê pale. Nun ‘o ffacetteno e nnun succedette. Pacienza! Passammo ê ppaggelle: REINA 6 – Comme lle succede spisso êtte ‘a ggestiunà (gestire) sultanto ll'urdinaria amministrazione: ‘nu iabbro (cross) di Hetemaje, ‘nu tiro d’ Inglese e ppoco ato. Floro Flores, pe ffurtuna ll’aizaje ‘a mana! MAGGIO 6,5 Copia cunforme d’ Hysaj,s’ apprupriaje d’’a curzia ‘e dritta cu ssicuranza (sicurezza), didummanno (duettando) cu pPeppe ‘a ‘nguenta e racabbannose (sovrapponendosi)cuntinuamente. A ll’epata difenziva (In fase difensiva)nun tenette troppo ‘a fà. ALBIOL 6,5 - Frisco ‘e tadiddo (rinnovo), ufferette n’atalossa (prestazione) senza nisciunu sfregazzo (sbavatura) sbaglianno poco o niente e furmanno cu Koulibalý ‘na pareglia ca mo t’’a faje! S’abbuscaje ‘nu cartellino jalizzo (giallo) ca nun se fósse mmeretato pecché zumpanno pe respingere cu ‘na cabbesera (testata) s’appujaje apppena appena ‘ncopp’ê spalle ‘e n’avverzario, cosa chesta ca fa ògne marcazzio (centrale) ‘e ‘stu munno e ô mmassimo s’abbusca ‘na timmuria (punizione) contro, maje ‘na garda (ammonizione)! KOULIBALY 7 ‘Na garda (ammonizione) ad capocchiam quase frava (immediata)arresecaje (rischiò) ‘e cundizziunarlo pe ttutta ‘a sibbacca (gara), ma isso nun se facette cogliere dint’â scella e risultaje ‘ncopp’ a ògne chiusura sempe priciso, sistimato e mufido (utile). Fove isso ca ce mettette ‘na pezza ‘ncopp’ a Floro Flores(so) ca ce facette sulo spaventà. GHOULAM 7 Atalossa (prestazione) trachibbanno (pressoché) matàla (perfetta)spicialmente cupulianno (duettando) cu Insigne, e cquanno iabraje (crossò). Arreto arresecaje (rischiò) poco o niente visto ca ‘o Chievo nun facette nisciuna paura. Piotr ZIELINSKI 6,5 Comme aggiu sempe ditto ‘stu guaglione se dimostra sempe cchiú mufido (utile) comme dudicesimu aizzo titolare ‘e Sarri. Avastajeno ‘e gghere (incursioni)soje pe spaccà p’’a mmità ‘o Chievo;mancaje sulo, quacche vvota ‘e pricisione, ma è guaglione i ‘o perdono, visto ca ‘e mmubbadare (iniziative) soje nun se contajeno JORGINHO 6 Nun se chiammaje ll’applavuse comme ati vvote, ma nun cummette fessarie nè ‘ntripela (in palleggio) nè a ll’epata ‘e culaturo (in fase di filtro). Ascette pe ppiglià sciato a ll’arrancua (ripresa) [dô 69' ALLAN 6 Trasuto ‘ncampo ggià ‘ncopp’ô doje a zzero êtte sulamente cuntrullà ‘a situazzione senza esser custretto a ccorrere pe cquatto i a azzannà dint’ê feliette a ll’avverzarie.] HAMSIK 7 Miezu zifo (voto) mancante pecché ‘o capitano pure essenno ‘o patrone d’’o centrocampo arzacco (azzurro)nun sempe fóve matàlo (perfetto),mancanno ‘e pricisione quanno sparacchiaje a vvienetenne, però quanno ‘o Napule assiaggaje (fraseggiò) ô lemmeto, isso nce fove sempe: accumminciaje ll'azziona ‘e ll’uno a zzero e cunchiudette ‘e perzona chella d’’o doje a zzero catammanno (sigillando) ‘o risultato e finalmente mettenno dinto ll’adaffo (gol) nummero ciento cu ‘a maglia luvarda (azzurra)! CALLEJON 6,5 Se fósse mmeretato [si fósse stato cchiú pricise e nun êsse cchiú ‘e ‘na vota sparato a ssalve luntano e ffora dê pale] miezu zifo ‘e cchiú, pe cchello ca facette nun fermannose maje mai e dànno ‘na mano a ttutte quante,consentenno a gGabbiadini finalmente e sbluccarse e didummanno (duettando) cu mMaggio e ll’ati cumpagne. Lle mancaje sulo ll’adaffo (gol)! GABBIADINI 7 Apprimma sfresaje (sfiorò) ‘e capa ll’adaffo (gol) e ppo, finalmente, ‘o truvaje cu ‘nu bbellu tiro dô lemmeto, a ggiro ‘ncopp’ô palo luntano: s’’o mmeritaje dimustranno ca Sarri ancòra po’ ccuntà pure ‘ncopp’a isso [dô 64' MILIK 6 Miso ‘ncampo a ccose ggià fatte ‘sta vota avette pochi ffurse (opportunità) pe llassà ‘o signo; tiraje ‘na vota ‘mporta ma truvaje a sSorrentino pronto.Sperammo ca nun succede accussí miercurí cu ‘o bBenfica!] INSIGNE 6,5 Atalossa (prestazione) a ddoje facce: partette assaje forte e ppe ttutto ‘o primmo ajone fove ‘na spina dint’ô scianco d’’a trasera verunese, po chianu chiano però se ne scennette ‘e posa e sparette dâ scena.[da ll'81' MERTENS s.v.] All. SARRI 6,5 Ancòra ‘na volta ‘o rutizzio (turnover) lle dicette bbuono e avette bboni risposte da chi jucaje ô posto ’e ll’aizze (titolari): Maggio, Zielinski e soprattutto Gabbiadini. Niente ‘e nuovo: tanto ‘o juoco d’’o Napule è oramaje bbuono cunzouidato. Arbitro DI BELLO 4,pugliese e ttanto abbasta; ne sbagliaje cchiú dd’ una comme ê ddoje garde (ammonizioni) e ato i ‘e cchiú nun dico. E ccu cchesto ve saluto; fermammoce cca ddannoce appuntamento, si dDi’ vo’ a ggiovedí ca vene doppo d’’o scontro manzillo (casalingo) p’’a mubbara ‘e Ciampionsa cu ‘o bBenfica. E spero ca, pure si è ttosta ve pozzo cuntà n’ata vota, bbelli ccose! Staveti bbe’. R.Bracale Brak