JUVENTUS – NAPOLI (C.I 28.02.2017) 3 -1 ‘A VEDETTE ACCUSSĺ

JUVENTUS – NAPOLI (C.I 28.02.2017) 3 -1 ‘A VEDETTE ACCUSSĺ Sto’ avveluto e mmuorto ‘e collera guagliú e da ajeressera me sto maglicanno fecato e ccuratella, ma mo m’attocca ‘e sputarle visto ca stammo ‘nquaraesima ca pe nnuje accumminciaje ajeressera dint’ô cessum-lota statiummo ‘e Turino addó ‘o Napule perdette ‘a mubbara (partita) d’addabba (andata) ‘e sfarnaja (semifinale) ‘e coppa itaglia pe ttre a uno i oramaje putimmo dicere ca ‘a tempurata (stagione) cuana (azzurra), a ccomme stanno ‘e fatte, a mmeno e quacche mmiracule, è iaflassa (fallimentare) e uno d’’e miracule êss’’a essere chillo ‘e vencere ‘a mubbara (partita) ‘e ricresso (ritorno) pe ddoje a zzero. È troppo difficile però ‘nu miraculo ‘e chisto datose ca ‘a scuatra ‘e chella faccia ‘e cacchio d’Allegri nun scenne maje a gghiucà essa sola, ma vene sempe accumpagnata ‘a doje o tre maglie jalizze (gialle) comme succedette ajeressera dint’ô cessum-lota statiummo addó nisciuno po’ fà risultato pe bbia ca ce sta sempe ‘a chenca arbitrale pronta a mmettere a pposto ‘e ccose pe ffà vencere ‘a vecchia zoccola. E cchesto succedette ajeressera cu cchillu pecuraro ‘e Valeri [e ppo ve dico]. Vedimmo ‘e ppaggelle: REINA 5,5 ca rappresenta ‘a media ‘nfra ‘o nove ca se mmeretaje p’’e duje tacculle (interventi) ‘ncopp’ a mMandzukiccio e a lLichtsteinerro a ffinale ‘e primmo ajone (tempo) e ‘o doje ca ll’attuccaje p’essere asciuto a ccapa ‘e cacchio senza piglià palla e llassanno ca arrivasse ‘ncopp’ê piere d’’a lota ècchese cumpagno suĵo ca ‘o futtette mettenno dinto ‘a palla d’’o doje a uno. MAGGIO 6: Mettette a ddispusizziona d’’a scuatra bbona vuluntà e ‘sperienza vedennosela cu dduje bbrutt’accunte ‘ncopp’â curzia ‘e dritta. ALBIOL 6 È overo ca durante ô primmo ajone (tempo) se facette fottere dâ lota ècchese cumpagno suĵo, ma fove ll’unicu prano (errore) fatto, pecché p’’o riesto se cumpurtaje bbuono e se fósse mmeretato pure miezu zifo (voto) ‘e cchiú si chillu pecuraro ‘e Valeri, quanno Pianiccio aizaje ‘a terra, dint’â muntaca (area di rigore) jummerdina,’o spagnuolo c’êsse sfessechiato bbuono e ll’avesse cuncesso ‘nu ricore sacrusanto, chillo d’’o pussibbile ddoje a ddoje. KOULIBALY 5,5 Cu ttutto ca ‘o sibbacco (match) fove difficultuso isso facette ‘o ssuĵo cu bboni cchiusure durante ô primmo ajone, po a ll’arrancua (ripresa) abbijaje a arrancà pur’isso, ma ‘o ricore ca chillu pecuraro ‘e Valeri lle siscaje contro nun ce steva pecché ‘o ggialante nuosto nun ghiette isso a scarpesà a dDybala,ma fove chillu figlio ‘e coperativa ‘e Laguna Larga a pprucurarese ‘o pontapere pe ccadé ‘nterra ‘nfilanno ‘a ponta d’’o scarpino siotto ‘o pere fremmo Koulibalý. STRINIC 5: Bbuonu primmo ajone (tempo), ma quanno trasette Cuadrado jette ‘int’ê cchiavette. Peccato. ROG 6: Nun se facette scappà ll’accasione ‘e fa ‘na bbella fijura,riuscenno, soprattutto a ll’arrancua (nella ripresa) a ffà sezziona (reparto) da sulo visto ca ‘e cumpagne [chi pe ‘nu mutivo, chi pe n’ato] facetteno poco contro ‘e quatto ‘e ll’armidanno (centrocampo) jummerdino. (83' PAVOLETTI sv). DIAWARA 6: ‘a chiena i ‘a vacanta; accumminciaje a gghiucà cu ccegna (grinta), perzunalità e ssenza paura; po però se facette cundizziunà dô cartellino jalizzo (giallo) pigliato quase súbbeto e cchianu chiano se ne scennette nsi’ a pperderse a ll’arrancua (nella ripresa). HAMSIK 4.5: Se vedette súbbeto can un steva ‘e ggenio e ‘mmece d’essere isso ‘o sabbatore (trascinatore) d’’e ggiuvinotte foveno lloro ca ll’êtten’’a menà arreto. Praticamente ‘ncunsistente (inutile) lla ‘mmiezo! [57' ZIELINSKI 5.5: jette meglio ‘e Marekiaro, ma nun riuscette a adderezzà ‘a varca cuana (azzurra)]. CALLEJON 6.5:Sta stanco pur’isso, ma ajeressera nun perdettwe ll’accasione ‘e fà ‘o ssuojo e mmetere a ffrutto ‘o lanzo ‘e Lorenzigno ca ‘o piscaje ‘ncopp’ô siconno palo. MILIK 6.5: Chisto sí ch’è ‘nu vero marcazzo (centravanti) i ‘o sape fà a mmestiere comme dimustraje ajeressera luttanno senza paura cu dduje chianchiere comme bBonucci e cChiellini spalle â porta riuscenno a essere accussí ‘mpurtante assaje p’’o desarroglio (sviluppo) d’’o juoco cuano (azzurro). E nun ce scurdammo ‘a magaria fatta dànno palla a lLorenzigno ‘nnaccasione d’’o stuco (gol) nuosto! [61' MERTENS 5.5: Però nun fove sfarma (colpa) soja siquanno trasette ‘o Napule ascette ‘e scena.] INSIGNE(Lorenzigno) 6: Fove dicisivo‘nnaccasione d’’o stuco (gol) cuano (azzurro) e ssempe periculuso ‘nfra bBarzagli e lLichtsteinerro riuscenno spisso a rrennerse periculuso allimmeno nsi’ a ll’arrancua (ripresa) quanno po, che peccato!, s’annascunnette. all. SARRI 5.:E è ppure assaje visto ca presentaje ‘ncampo ‘nu Marekiaro ca nun se putette guardà e nun sapette truvà ‘nu remmerio pe ttampunà ‘a situazziona ca, trasenno Cuadrado, era cagnata da accussí a accussí. ‘Mmece ‘e magnarese’o fecato ‘ncampo p’’e ffetenzie ‘e Valeri êss’’a essere isso a pprutestà cu dela pe ffarele capí ca s’’à dda decidere a ffà rispettà ‘o Napule, ca se joca ‘e sorde e nno bbuttune ‘e vrachetta... e ll’àdda ffà rispettà addivintanno coccheduno dint’ô Palazzo [addó mo conta quanto ô doje ‘e coppe a bbriscula, quanno però ‘o triunfo è a mmazze ]! arb. VALERI [i ‘a chenca soja] 2 ‘Stu pecuraro rumaniso ne facette cchiú isso ca Carlo ‘nFranza,siscanno ad capocchiam, nutizzianno (ammonendonone) cinche d’’e nuoste pure pe ffessarie ‘e café e ssulo dduje d’’e llote janche e nnere e soprattutto nun dànnoce ’nu ricore sacrusanto e ssiscannone addirittura dduje contro ‘e nuje, uno cchiú favezo ‘e n’ato: d’‘o primmo v’aggiu ggià ditto ‘o ppecché, i ‘o siconno pecché ‘o vvedetteno pure ‘e cecate ca Reina êva pigliato ‘o pallone e nnun aveva arrunzato a cCuadrado i avesse avuto essere chillu figlio ‘e puttana d’’o culumbiano a zzumpà ‘o purtiere e nno a ccaderle ‘ncuollo! E ffermammoce cca. Jette comme jette, pacienza, dammoce n’atu pizzeco ‘ncopp’â panza e guardammo ‘nnanze pe ssalvà coccosa, sempe ca se po’ salvà!Sapato torna ‘o campiunato cu ‘a nacchella (trasferta) a rRoma contr’ê pecurare i accussí ve dongo appuntamento, si dDi’ vo’, a ddummeneca ca trase speranno ca nun sto’ muorto ‘e collera. Staveti bbe’ R.Bracale Brak