TAGLIULINE CU ZZAMPUGLIATA ‘E SPENAFRE

TAGLIULINE CU ZZAMPUGLIATA ‘E SPENAFRE (tagliolini con crema di spinaci) Chello ca ce vo’ pe quaato perzone Tagliuline frische a ll’uovo 400 gramme, 500 gramme (piso lisso) ‘e spenafre ammunnate e llavate, 50 gramme ‘e sulumiglie d’alicesalate, miezu litro ‘e broro veggetale fatto cu acqua e ‘na farinula pe bbroro, ‘na cepolla ndurata ammunnata e ntretata, sale duppio ‘na vrancata, abbunnante pepe janco mmacenato a ffrisco. Comme se fa. Ammunnà e llavà ‘e spenafre; scularle e metterle dinto a ‘na cazzarola cu ‘o bbroro, ll’uoglio e ‘a cepolla ntretata; cummiglià e a ffuoco allero lassà cocere pe ‘na mez’ora, dopodiché mettere tutto dinto a ‘nu mmiscraturo, agnadí ‘o ccaso ‘e sulumiglie d’alice salate, paricchiu ppepe janco mmacenato a ffrisco e siffulà nfi’ a uttené ‘na zampugliata críceta e dellicata; fraditanto fraditanto àrvere teniente teniente pe quatto minute ‘e tagliuline frische a ll’uovo dinto a otto litre ‘e acqua vullente salata (vrancata ‘e sale duppio), scularle e revacarle dint’ â tiella cu ‘o zuco caudo. Tenerle a ffuoco allero pe ‘nu paro ‘e minute.Ammiscà, ‘mpiattà e serví caude ‘e fuculare ‘sti sabruse Vino: asciutte e profumate janche nustrane ( Solopaca, Capri, Ischia, Falanghina, Fiano, Greco ‘e Tufo) fridde ‘e jacciaja o ‘e ‘rotta. Magna Napule, bbona salute! Scialàteve e cunzulàteve ‘o vernecale!! Raffaele Bracale