CARPI – NAPOLI (23/09/15) 0 A 0!!! ‘A VEDETTE ACCUSSÍ

CARPI – NAPOLI (23/09/15) 0 A 0!!! ‘A VEDETTE ACCUSSÍ Niente ‘a fà , guagliú! Nun è overo ca nun c’è ddoje senza tre; nun è overo, pecché si fósse stato overo doppo d’ ‘e ccinche purpette date ô Brugge e ddoppo d’ ‘e ccinche sfugliatelle date â Lazzio, allimmeno ‘nu bbabbà o ‘nu cannuolo â siciliana ll’âssem’ avut’ ‘a dà ô Carpi. E ‘mmece chi t’’o ddà, chi? ‘O Napule s’êtt’’accuntentà ‘e ‘nu pareggio scartellato e ll’unica nota pusitiva fove ca stuche (gol) nun nne pigliajemo, ma p’’o riesto fove ‘na cosa scunzulata: ‘o Napule nun riuscette a sfunnà ‘o muraglione aizato dô Carpi! Astrinto astrinto chist’è ‘o prellisso (sintesi) ‘e n’antraffa (match) ca ‘e cuane duminajeno pe ppussesso palla e gghiuco. Chello ca mancajeno foveno cazzimma e ccegna (aggressività) nicessarie pe schiuvà ‘o zzero a zzero ca cumminfatte nun se schiuvaje i ‘o Napule turnaje ‘a Modena cu ‘nu punto appena, ‘mmece d’’e tre ca me fósse aspettato; acqua ca nun leva sete e mmo comme a mmo overamente accummenciano a essere assaje, ‘ncrassifica, ‘e nove punte ‘a ll’Intèrre. E ddicere ca fósse avastato pure sulo ‘nu stuco (gol)e ppe n’attacco comme a cchillo luvardo (azzurro) nun êss’ avut’ ‘a essere ‘na cosa difficile; ‘mmece chi t’’o ddà, chi? Ô stuco(gol) nce jettemo sulo vicino soprattutto ô finale cu Gabbiadini e ccu Cagliecònno ca truvaje pure ‘o singo e ‘nfilaje ‘a palla sott’ô travesagno (traversa) ma ‘nnettopaida (in fuorigioco) e rRocchi annullaje ‘o stuco quase ô nuvantesimo. Passammo ê ppaggelle: REINA 6 – Doppo ll' atraneja (inoperosità) contro â Lazzio, ati cinquanta minute passate a alluccà, ma senza fà niente nfi’ a cquanno bluccaje ‘nu tiro ‘e mancina ‘e Matòsso cosa ca lle sparagnaje ‘nu scunzulante S.V. HYSAJ 6 - A ll’epata difenziva (in fase difensiva) êtt’’a fà overamente poco spicialmente durante ô primmo ajone nel (primo tempo) pecché ‘o Carpi attaccava ‘ncopp’a ll’ata curzia; ‘ncumpenzo a ll’epata ‘e puzamiento (in fase di spinta) guadagnaje cchiú ‘e ‘nu tiro ‘e squina (corner) tetutiannose (sovrapponendosi). ALBIOL 6 – Mbakogú ll’êsse pututo mettere ‘ndifficultà, ma ‘o spagnuolo lle mettette ‘a musarola e gghiette pure a ccercà furtuna annante cu ‘na bbona cabbesera (un buon colpo di testa) ca pe ppoco nun truvaje furtuna. KOULIBALY 6,5 Che sicurtà (sicurezza)! Pure si nutitiato (ammonito), non perdette safeneja (lucidità) e urmía (irruenza) int’ a ll’ ancerca (nell'anticipo) risultanno uno d’’e meglie. GHOULAM 5,5 - Bbone ‘e diacunale difenzive quanno Koulibalý s’allargaje ‘ncopp’â curzia pe gghí appriesso a mMatòsso, ma fove chillo ca sufferette ‘e cchiú. Appressuraje (spinse) poco soprattutto ô pprincipio i â primma vota ca ‘o ffacette ‘o Carpi arresecaje ‘e sfunnà ‘ncopp’â curzia soja. Allan 6 - Ajeressera me parette ‘nu poco appare un po' appesantuto e cchiú faullo (falloso) d’’o nnicessario; sinamparco (comunque)cumplessivamente luttaje ‘ncopp’a ‘na cifra ‘e pallune facennose apprezzà p’’o dunamisemo (dinamismo). Valdifiori 5 Nun ce simmo! Se piazzaje ‘nnante â tràsera (difesa) senza maje riuscí a sustàtere (impostare) a dduvere ‘a manovra e a ll’epípeto ‘e mecalattunía (a livello di esuberanza) se facette nutà sulo pe ‘na praínesa (ammonizione) ca s’êsse pututo sparagnà. (Dô 61° JORGINHO 6 Trasette p’ epitachinà (velocizzare) ll'azzione, e allimmeno fove cchiú ttassuso (rapido) a ffà ggirà palla. HAMSIK 5,5 Me parette ‘nu poco stracquo e ccumminfatte se nutaje poco; ‘a ricurdà sulo quanno cu Valdifiori cchiú arreto, Marekiaro s’accentraje assaje pe ffarese truvà pronto cu ‘na cabbesera (colpo di testa) fenuta però ‘mbraccia a Brkiccio. Troppo poco! (Da ll'84° CALLEJON SV Trasuto pe ll’assauto finale truvaje pure ‘o stuco (gol) ma ‘nnettopaida (in fuorigioco) e rRocchi [ca chello steva aspettanno] annullaje. Pacienza! ‘O cane mozzeca ô stracciato!) INSIGNE 5,5 – ‘O pallone passaje spisso dê piere suoje mo pe ‘nu bbassurero (suggerimento), mo pe ‘nu “da’ e vva’”; suojo ‘o pasiglio (passaggio) ô Pipita pe cchella cagliosa antrasatta ô 18°; ma p’’o riesto nun fove cacchio ‘e truvà ‘a chesema (varco) justa e s’arrangiaje a ttirà ‘a fora senza maje essere periculuso.Nun s’ammereta ‘e cchiú! HIGUAIN 6 Tata Martino nun ‘o cunvucaje p’’a nazziunale? Meglio accussí! ‘O Pipita fove súbbeto periculuso cu n’alicante purzo (tocco) p’Insigne;pigliato ‘ncunzegna dê difenzure d’’o Carpi ‘e ffacette fà ‘e vierme cu ‘na cagliosa antrasatta ô 18°ca sfresaje (sfiorò) ‘a porta. Ô finale ‘e primmo ajone (tempo) fove sfurtunato cu n’anapisso (rimpallo); p’’o riesto jucaje p’’a scuatra ‘e sponna, ma êsse pututo sfruttà meglio n’accasione ô 65° quanno mannaje ‘ncurva ‘nu putente tiro ‘e dritta. MERTENS 5 Ritruvata ‘a maglia ‘e titulare, pulluniaje (svariò) cuntinuamente ‘ncopp’ô fronte uffenzivo cagnanno pusizziona cu Insigne, senza però maje truvà ‘o spazzio justo. Difenzivamente po nun dètte ‘a stessa mana ca dà solitamente Cagliecònno. Nun s’ammereta ‘e cchiú! (Dô 68° GABBIADINI 5,5 Trasuto forze troppo tarde, avette ‘ncopp’ô pere suojo ll’accasione cchiú sciarmante e ‘a sbagliaje! Peccato! ) SARRI 5 Liggette malamente ll’antraffa (partita); se sapeva ca ‘o Carpi êsse jucato cu ddiece uommene arret’â linia d’’a palla e isso s’êss’ avuto ‘a mmentà súbbeto quaccosa pe sfunnà ‘o muraglione, ‘mmece ‘a scuatra tentanno d’accellerà ‘a manovra risultaje biastucosa (frettolosa) e ‘mpricisa e cumplessivamente anatelesmatica (inefficace) addó cu ‘o tasso tecnico d’’o Napule s’êss’avut’ ‘a vencere assulutamente. arbitro ROCCHI 5.5 Aggiu diciso ‘e nun parlà cchiú ‘e ll’arbitre, pecché me so’ scucciato ‘e dicere male parole. Da ogge, ‘a fora ‘e fatte entopusiache (eclatanti), nun ne parlo cchiú: mecco ‘o voto e ttiro ‘nnante! A ‘stu punto pozzo sulo dicere ca ‘o pareggio contr’ô Carpi ce jette assaje stritto, ma fforze ‘o Napule êsse avut’ ‘a fà assaje ‘e cchiú pe vvencere.Pe ffurtuna ca sapato a ssera se torna subbeto ‘ncampo i ‘o Napule ave ‘a pussibbilità ‘e dimustrà ca ajeressera a mModena ‘a scuatra êva vuluto piglià sciato p’essere pronta p’’a mamma ‘e tutt’ ‘e bbattaglie ‘e sapato a ssera contr’â juve ô san Paolo. ‘A zoccola janca e nnera arriva a cciammiello; scummàmmola ‘e sanco e mmettimmoce n’ata vota ‘mmuvimento! Staveti bbene e ssi dDi’ vo’ ce sentimmo dummeneca a mmatina speranno ‘e festiggià! R.Bracale Brak