VERONA -NAPOLI (12/01/14) 0 A 3 ‘A VEDETTE ACCUSSÍ

VERONA -NAPOLI (12/01/14) 0 A 3 ‘A VEDETTE ACCUSSÍ Che bella jurnata, guagliú chella d’ajere! E ce ne stesseno tant’ate, ce ne stesseno!Nichessa (vittoria) ‘mpurtante assaje chella d’ajere ê ttre, ‘ncasa ‘e chella zoccola ‘e Giulietta e de chillu nnacchennella ‘e Romeo ajere cu ‘a faccia ‘e Mandorlini! Nichessa (vittoria) ‘mpurtante nun tanto pecché vincenno (e vincennolo bbuono!) ‘nu fullé ‘ncopp’â carta difficultuso ‘o Napule mantenette ‘o passo d’’a juve e d’’a Roma..., quanto pecché cu ‘a nichessa alluntanaje a ccinche punte ‘a Fiorentina ‘e Montella fermata ‘ncopp’ô zzero a zzero dô Turino. Che sfizzio jí a vVerona,vencere e ddà spettaculo facenno addecrià ê spettatore ‘ntribbuna divano e a cchille d’’o Bentegodi Fósse sempe accussí! Passammo “ ppaggelle: RAFAEL 6,5 Purtiere ‘e cunzistenza ca dètte cunfianza (fiducia): sempe attiento dint’ê ttante asciute ‘ncopp’ê cruzze e cquanno capitaje; p’’a verità ‘o Verona tiraje raramente ‘mporta e ssulo cu tToni ô pprincipio ‘e ll’arrancua (ripresa), ma isso nun se facette maje surprennere! MAGGIO 7 Ajere finalmente vedette n’ata vota ‘o jucatore ca piace a mme; fove prutagunista ‘e ‘na granna atalossa (prestazione) difenziva cuncedenno poco o niente a gGomez, e cquanno putette appressuraje (spinse) cu ddicisione comme quanno cunfeziunaje ‘nu scicco bbassurero (suggerimento) a ccentro pe Lorenzigno ca êtt’’a mettere sulo ‘o pallone ‘mporta! FERNANDEZ 6,5 Sfurtunatiello ô pprincipio arresecaje ‘e fà ‘a frittata cu ‘nu paribbasso disageittato(intervento goffo) ca ‘o facette sciulià; pe ffurtuna nun succedette ‘o llutto, ‘o guaglione se salvaje, se repigliaje e fove prutagunista ‘e ‘na granna atalossa pe ttutto ‘o riesto d’’o fullé ascenno spisso a cchi sô ttu e cchi songh’i’ cu chilli guappe ‘e cartone ‘e Toni e cumpagne e ffacennose valé ‘ncoppo a cquase tutte ‘e ppalle avete. ALBIOL 6,5 Ô pprincipio ‘e fullé êtt’’a fà ‘e cunto cu quacche sciuliata ‘e troppo ca lle prucuraje quacche sfregazzo (sbavatura) ca lle levaje tranquillità e lle facette alluntanà ‘a minaccia senza penzarce e senza pricisione; po – pigliate ‘e mmesure d’’o juoco e d’’o campo – turnaje a essere ‘o jucatore ‘mpurtante ca sapimmo! ARMERO 6,5 Ô ssolito, ‘a chiena e ‘a vacante; facette bboni ccose ‘ncamma d’attacco ‘ncullabburazziona cu mMertenso ‘ncopp’â curzia ‘e mancina, ma durante ô primmo ajone, ‘nfase difenziva, concedette troppo dê pparte soje custringenno a Inlèrro a rradduppià pe darle ‘na mana. INLER 6 Doppo cchiú ‘e ‘nu fullé negative, ajere ‘o turco-napulitano dètte quacche signale pusitivo jucanno cu ccegna (intensità) e urdinatamente pure si cu quacche ‘mpruvviso periculuso sfregazzo (sbavatura). (da ll’ 82° RADOSEVIC sv) DZEMAILI 6,5 Nun facette ‘o bBehrami, ma ce mettette tantu muvimento pe ccosere difesa e attacco senza nisciunu sbaglio; Cu ttanta megalopropeja (generosità) se menaje dinto ‘ncoppa a ògne repartita (ripartenza) e ffove premiato cu ‘a rredda d’’o tre a zzero ca nzerraje ‘o fullé. CALLEJON 7 Jucatore pulitelico (prezioso) cummiglaje n’esaggerata camma ‘e campo avasciannose spisso pe ddà cchiú cqualità â manovra, ma facennose truvà súbbeto doppo a ddà ‘na mana a ll’attacco; ‘O Rafaèllo verunese le levaje ‘o sfizzio d’’o dubblato (raddoppio) ô finale d’’o primmo ajone, ma pe ttutta ll’arrancua fove sempe prutagunista d’ògne repartita (ripartenza). PANDEV 5 Nun lle pozzo mettere ‘e cchiú e mme dispiace, ma ‘o macedone ajere facette poco e nniente pe farese apprezzà: ‘nfase passiva pruvaje, ma senza risultate pusitive, a stuppà a jJorginho e ‘nfase attiva se magnaje ddoje rredde quase fatte. (dô 66° INSIGNE 7 Trasette súbbeto ‘nfullé avasciannose pe ffà juoco e ppo cercanno ll’avverzario; fove premiato cu ‘a primma rredda ‘ncampiunato, rredda ca valette ‘o doje a zzero, fatta sfruttanno ‘nu priciso bbassurero ‘e Maggio.) MERTENS 7,5 Cu n’ata perna d’’e ssoje mettette ‘ndiscesa ‘o fullé d’’e cuane ca p’’e primme vinticinche minute êvano lassato troppu juoco ê verunese. A ll’arrancua (ripresa) sfresaje (sfiorò) ‘o bisso cu ‘nu tiro a schiovere (spiovere) ca ascette fora ‘e ‘nu niente e pennellaje cchiú ‘e ‘nu pasiglio dettanno tanti repartite (ripartenze). HIGUAIN 6,5 Sfresaje(sfiorò) ‘a rredda ‘nu paro ‘e vote durante ô primmo ajone risultanno sempe pulitelico (prezioso) dint’ô sviluppo d’’a manovra uffenziva, comme reggista d’attacco cupulianno (dialogando) cu mMertènso e ccu cCalgliecònno. (da ll’81° BRITOS sv) BENITEZ 7,5 ‘O Napule ce mettette quase mez’ora pe ttrasí ‘nfullé, ma po passanno ‘e minute criscette bbuono e doppo d’’a rredda ‘e Mertènso fove spettaculare.’Mpurtante pure ‘a difesa macizza (solida) ca nun dètte preoccupazziona,cuncedenno poco e nniente ô trebbeto (tridente) verunese, ‘ncopp’â carta periculuso;andivinate tutte ll’ati mmosse ‘e don Rafele comme chella ‘e fà trasí a Insigne ô posto ‘e Pandevvo e cchelle ‘e sparagnarse ô finale a Higuaínno e a Inlèrro diffidate cuncedenno quacche mminuto a rRadosevíccio e a bBritòsso. ll’arbitro DOVERI 4,5 ‘E stima, trattannose ‘e carta canusciuta abbituato ‘ncampiunato o ‘ncoppa itaglia a trattà ‘na chiaveca ‘e scuatre meridiunale. E m’aspettavo pure ‘e pejo ‘a ‘stu guaglione, ‘mpiacato (nun se sape ‘e che) vulterrano ‘e trentaseje anne ca ajere siscaje a vienetenne e doppo ca ‘e verunese facetteno cose ‘e curtellate senza ca isso vedesse, dicesse o facesse coccosa, tenette ‘a faccia ‘e cuorno ‘e caccià‘o primmo cartellino jalizzo (giallo) ‘nfaccia a ‘nu cuano! Cose ‘e pazze! E ccu chesto ve saluto e cce sentimmo, si dDi’ vo’ ggiovedí ca véne doppo d’’o fullé ‘e miercurí contro a ll’Atalanta ‘ncoppa itaglia. E abbiammo a ffà corne! R.Bracale Brak