GENOA -NAPOLI (29.8.21) 1 A 2 ‘A VEDETTE ACCUSSÍ

 

GENOA -NAPOLI (29.8.21) 1 A 2

‘A VEDETTE ACCUSSÍ

 Che peccato guagliù!…Genoa-Napoli,sibbacco (match) d’’a siconna jurnata d’’a caracuddamma (stagione calcistica) 2021-2022 jucato ô Ferraris(se) ‘e Genova ajere ‘mmerzo ê sseje e mmeze se cunchiudette sí cu ll’arnassa (vittoria) d’’o Ciuccio, ma cu ppoca surisfazziona e cu ppocu zuco datose ca s’affuzzaje (vinse) sí, ma justo justo pe ddoje a uno senza sbrasà e senza mantené ‘a porta acrata (inviolata)! E accussí nun va; cumminfatte ‘ncrassifica pure si cu sseje punte simmo sulamente quinte arreto ê ddje  scuatre capituline i ê ddoje mmilanese… P’’o mumento âmmu fatto sulo quatto addaffe (reti) e n’âmmu pigliato una; troppo poche ll’une e troppa ll’ata: s’à dda signà ‘e cchiù e s’à dda tené ‘a porta nzerrata si no nun se va luntano e nnujeaute d’’a tribbuna-divano vulimmo jí luntano… Ajere signajeno Anemalonga[39’]  e Petagna[84’] p’’o Napule e Cambiaso[69’] p’’e Grifune e menu male ca sotto ll’ora ‘a Varra annullaje n’addaffa (rete) ‘e Pandev(ve) doppo n’asciuta a vienetenne d’’o Lungagnone  ca se scuntraje cu ‘nu grifone  lassanno spruvvista (indifesa) ‘a porta! Accussí nun va. Sperammo ca Spalletti se decide a ffà jucà ‘mporta a Ppastacrisciuta si no ce avimm’’a rassignà a ppiglià allimmeno n’addaffa (rete) pe mmubbara (per partita) e a rrummané arreto a ll’ati scuatre…  Passammo ê ppaggelle:

 MERET[‘O Lungagnone] 5,5 ‘Nu paro ‘e cose bbone, ma ll’asciute aute foveno ‘nu subbisso perdenno palla cchiú ‘e ‘na vota; cumme v’aggiu ditto fove salvato dâ Varra e pp’’o riesto êsse pututo fa assaje e cchiú ‘ncopp’ô mancino sotto mesura ‘e Cambiaso e nnunn’’o ffacette.

 DI LORENZO 5,5  Jucaje cu granna pratteca  (esperienza), ma se facette cartià da  Cambiaso ca apprimma lle facette mmeretà ‘nu cartellino jalizzo  (giallo) e ppo , lassato sulo mísemo  (addirittura) signaje ‘o passiggiero uno a uno. Tutto summato nce piacette poco.

 MANOLAS[Chitelassa] 6,5  Atalossa  ‘e sustanza d’’o creco ca nemmeno quanno ‘o Napule trabballaje sotto ll’attacche d’’e grifune, smurrunaje…

 KOULIBALY[‘O Gialante] 7  Granne atalossa! Ògne ttaccullo (intervento) suĵo fove da applavuso; Fove ‘na trancara (diga), n’aculla (una muraglia) pe cchi capitaje. Uno sfregazzo (sbavatura) cu ‘nu lanzo fora mesura.

 RUI 6 – Nun fove sempe priciso contro a Gghiglione, ma fove isso ca mettette ‘a palla justa ca addivintaje chella d’’o doje a uno… e cchesto va pe cchello! [dô 92'  JESUS s.z.]

 RUIZ[Anemalonga] 6,5  Jucaje mo sí, mo no ma signaje n’addaffa (rete) assaje ‘mpurtante ca fove ‘o lato pusitivo ‘e ll’atalossa soja!

 LOBOTKA[‘O Raggiuniere] 6,5  Sibbacco murriffo(Match sontuoso). Se piazzaje annante â trasera (difesa), facenno ‘a cosa justa ô mumento justo e ttuccaje ‘na cifra ‘e pallune facennose sentere pure ‘mmiez’ô campo.

 ELMAS[‘O Turco] 6  Facette ‘o ssuĵo senza esaggerà nzertannose (inserendosi) spisso. [dô 92'  GAETANO s.z.)

 POLITANO 6  Servette ‘a palla ‘e ll’uno a zzero p’Anemalonga; quanno putette puntaje ll’ommo e quase sempe ne surtette quaccosa;po  s’appannaje  e sparaje a vvacantetroppi tire scacate e Spalletti ll’êsse avut’ ‘a  chiammà ‘mpanca assaje primma… [da ll'82'  PETAGNA 7,5 -  Trasette , signaje e risulvette ‘a facenna… Ah si fósse trasuto primma!]

 INSIGNE 6,5  Se dette da fà, da veru capitano, annante [cuglienno ‘nu palo e cchiammanno a Ssirigu a ‘nu granne taccullo (intervento)] i arreto pe difennere.

 LOZANO 5,5  Sulo quacche giadillo (spunto) isulato; troppo poco p’uno cumme a isso. Êsse avut’’a fà assaje ‘e cchiú! [dô 70' OUNAS 6,5  Cegna (grinta) zureja (velocità) e ffantasia. Ll’ommo ca ce vo’ pe chistu Napule!]

all.  SPALLETTI 6  Fósse piaciuto a Nnapulione cumme ggenerale pecché è ffurtunato; cumminfatte  quanno, tarde!,  se decidette a ffà trasí a Ppetagna lle levaje ‘e ccastagne dô ffuoco.

arb. DI BELLO 5,5 Facette quase tutto ‘o duvere suĵo.

E bbasta accussí. Tre ppunte dint’â sacca, meglio ‘e ‘nu caucio ‘nculo! Mo si Cielo ‘o vvo’  nce sentimmo ‘nfra quinnece juorne doppo d’’o scontro casalinco cu ‘a vecchia zoccola speranno ca Spalletti po’ mettere ‘ncampo a Ccaromecosta e ffa jucà a Ppastacrisciuta ‘mporta.

Staveti bbe’. Raffaele Bracale Brak

FRITTATA ‘E MACCARUNE SAFRUNATA

 

 

FRITTATA ‘E MACCARUNE SAFRUNATA

 

Chello ca ce vo’ pe ddoje perzone
400 gramme  ‘e vermecielle o ‘e bucatine arvate teniente teniente dinto a otto litre d’acqua salata vullente, sculate a mmestiere e passate pe mez’ora dint’â jacciaja,  

4 ova,

2 cucuzzielle vierde   napulitane, lavate, asciuttate, spuntate e ttagliate a rundelle doppie  ½ cm.,

4 gruosse sciure jalizze ‘e cucuzzielle, lavate, asciuttate, senza màstilo e ppestílo  (gambo e pistillo) e murcellate a lla sanfason,

2 spicule  d’aglio ammunnate e ntretate finu fino,

‘na farinula pe bbroro veggetale,

2 bustine ‘e safrone,

200 gramme ‘e   provola affummecata tagliata  a ffarinule ‘e ½ cm. ‘e ‘squina,

  ‘na presa ‘e sale duppio,
sale fino e ppepe janco mmacenato a ffrisco  q.c.n. v..
pecorino grattugiato due cucchiai
 ‘Nu bicchiere e miezo d’ uoglio ‘auliva dunciglio.  

Comme se fa

Dinto a ‘na prupurziunata tiella ca nun azzecca ricà miezu bicchiere d’uoglio e a ffuoco allero fà piglià culore ‘o ttrigliato d’aglio; appena è ppronto agnadí ‘e cucuzzielle e ‘e piezze ‘e sciure ‘e cucuzzielle murcellate (spezzettati); ‘nfonnere cu meza ciotola  d’acqua vullente addó è stato accumpliato ‘a farinula pe bbroro veggetale e ‘e ddoje  bustine ‘e safrone e lassà cocere pe ddiece minute sempe a ffuoco allero.

 Fraditanto dinto a ‘na zupperella   sbattere buono ll’ova  cu ‘na presa ‘e sale fino ,ddoje prese ‘e   pepe e  ‘nu paro  ‘e cucchiare ‘e caso pecurino.Arvere ‘a pasta tenente tenente dinto a otto litre d’acqua salata vullente, scularla a mmestiere, cunnirla cu miezu bicchiere d’uoglio  e passarla pe mez’ora dint’â jacciaja; súbbeto doppo ammiscarla cu ll’ova sbattute e agnadirve ‘a trufa ‘e cucuzzielle e ‘e ffarinule ‘e provola;ammiscà,  cummiglià e lassà ‘nzapurí pe ‘nu quarto d’ora ammiscanno ògne ttanto; chistu fatto è sustanziale pe ‘na bbona riuscita d’ ‘o piatto.Ricà miezu bicchiere  d’uoglio dinto a ‘na tiella ‘e fierro niro e a ffuoco sustenuto farlo callentà; appena è caudo, agnadirce ‘a pasta cunnita  furmanno cu ‘a pressione ‘e ‘na furchetta ‘nu strato uniforme; fà suassà pe cquatto minute ‘nu lato e pe cquatto chill’atu lato; p’avutà ‘a frittata ajutarse cu ‘nu prupurziunato piatto o cupierchio. Serví a ffelle ‘sta frittata  cauda o pure fredda. Vino:  asciutte e profumate janche  nustrane ( Solopaca, Capri, Ischia, Falanghina, Fiano, Greco ‘e Tufo) fridde ‘e jacciaja o ‘e ‘rotta.

Magna Napule,  bbona salute! Scialàteve e cunzulàteve ‘o vernecale!!

raffaele bracale

 

 

 

 

FRITTATA 'E MULIGNANE

 

FRITTATA ‘E MULIGNANE

chello ca serve pe sseje perzone

miezu kilò ‘e mulignane longhe viulette napulitane lavate asciuttate e tagliate p’ ‘o ccurto  a fellocce ‘e miezu centimetro.

‘na grossa cepolla ndurata ‘e Muntoro ammunnata e ntretata,

8 ova

‘nu bicchiere e mmiezo  d’ uoglio ‘auliva dunciglio,

‘nu cucchiarino ‘e cannella,

sale duppio ddoje vrancate,

sale fino e ppepe janco mmacenato a ffrisco q.n.s.

 

comme se fa

Lavà e asciuttà ‘e mulignane levanno ‘e streppune e ‘e ddoje ponte; tagliarle p' 'o ccurto  a fellocce  doppie miezu centimetro e sestimarle a ccuscie (derrammate ognuno ‘e sale duppio) dinto a ‘nu scolapasta pe ‘na mez’ora.
Scularle, sciacquarle sotto a ‘nu strèpeto d’acqua fredda, spremmerle a tagliarle a ffarinule ‘e tre centimetre pe dduje  pe ttre. Sciacquarle ancòra. Ammunnà ‘a cepolla e ntretarla. Dinto a ‘na prupurziunata tiella ricà miezu bicchiere  d’uoglio cu ‘o ttrigliato ‘e cepolla e tenerlo a ffuoco miccio nfi’ a cche nun à  pigliato  culore; agnadí ‘e ffellocce  ‘e mulignane,agnadí ‘a cannella, sale fino e ppepe janco mmacenato a ffrisco, ‘nu quarto d’acqua vullente    aizà ‘o ffuoco e fà cocere pe ddiece minute nfi’ a cche ‘e mmulignane nun addeventano tennere. Aumentà ‘o ffuoco pe ffà asciuttà tutta ll’acqua. A chistu punto levà ‘a tiella dô ffuoco e ffà arrefreddà ‘e mulignane. Fraditanto arapí dinto a ‘na zupperella ll’ova accuncià ‘e sale e ppepe e sbatterle. Ricà ll’uoglio rummaso dint’â tiella cu ‘e mulignane, metterle a ffuoco forte e appena è divintato vullente revacà ll’ova sbattute, tuiglià, avascià ‘o ffuoco   e aiutannose cu ‘na palettella ‘e fierro fà cocere ‘a frittata primma ‘a ‘nu lato e ppo ‘a ll’ato l'olio, cinche minute pe parte. Serví súbbeto ‘ntavula spartuta a ggusse (spicchi).

Vino:  asciutte e profumate janche  nustrane ( Solopaca, Capri, Ischia, Falanghina, Fiano, Greco ‘e Tufo) fridde ‘e jacciaja o ‘e ‘rotta.

Magna Napule,  bbona salute! Scialàteve e cunzulàteve ‘o vernecale!!

Raffaele Bracale

 

 

 

 

FRITTATA ‘E PATANE

 

 

 

FRITTATA ‘E PATANE

Chello ca serve pe cquatto perzone:

400 gramme ‘e patane vecchie jalizze,

5 ova,

‘na fraschetella ‘e rosamarina,

‘nu spiculo d’aglio ammunnato e ntretato,

50 gramme ‘e ‘nzogna

½ bicchiere d’uoglio dunciglio,

duje cucchiare ‘e caso pecurino rattato,

‘na vrancata ‘e sale duppio,

sale fino e ppepe janco mmacenato a ffrisco q.c.n. v.

Comme se fa

 

‘Sta frittata ‘e  patane s’ appripara mettenno a ffuoco allero allero ‘na cazzarola cu seje litre d’acqua salata (vrancata ‘e sale duppio) e facenno ascí a vollere. Fraditanto ammunnà ‘e ppatane, lavarle e tagliarle a ffarinule ‘e ‘nu centimetro ‘e squina;appena ll’acqua jesce a vvollere menà ‘e ffarinule dinto a ll’acqua e farlere pe cinche minute;scularle e tenerle ‘e parte; mettere a ffuoco allero ‘na tiella ‘e fierro niro cu ‘a ‘nzogna, ll’uoglio, l’aglio ntretato e ‘a fraschetella spullecata; appena ll’aglio à pigliato culore agnadí ‘e ffarinule ‘e patane arvate e farle suassà pe tre minute; sbattere dinto a ‘na ciotola ll’ove cu ‘o caso pecurino sale fino e ppepe janco mmacenato a ffrisco e ricarle dint’â tiella ‘ncopp’ê ffarinule; cummiglià cu ‘nu cupierchio e lassà raffermà  (rassodare) bbuono ‘a frittata ‘a ‘nu lato, facennola cocere pe tre minute; po ajutannose cu ‘o cupierchio,avutarla sotto e ‘ncoppa e farla sciulià n’ata vota dint’â tiella e farla cocere pe n’ati tre minute. Servirla súbbeto cauda ‘e fuculare. Vini: Curpuse vine russe d’ ‘a Campania (Solopaca, Aglianico, Piedirosso,Campi Flegrei d.o.c., Taurasi), spilate n’ora primma d’ausarle,passate dinto a ‘na carrafa p’ ‘e ffà piglià aria  e  servute a ttiempo  (temperatura) ‘e stanza ‘a magnà.

Mangia Napoli, bbona salute! Scialàteve e aggarbbatéve ‘o vernecale!

Raffaele Bracale

 

 

 

CARCIOFFOLE ‘MPASELLATE

 

CARCIOFFOLE ‘MPASELLATE

Chello ca serve pe 4 perzone

8 carcoffole cu ‘e spine, ammunnate dê fronne cchiú ttoste,e dâ bbona parte d’ ‘o turzo, spartute p’ ‘o lluongo, ammunnate dâ varva,tagliate a squine suttile lavate e asciuttate,

2 ove

100 gramme ‘e farina,

4 cucchiare d’uoglio auliva dunciglio,

sale fino e ppepe janco  q.c.n.v.

comme se fa

Appruntà ‘e carciòffele ammunnate dê fronne cchiú ttoste,e dâ bbona parte d’ ‘o turzo, spartute p’ ‘o lluongo, ammunnate dâ varva,tagliate a squine suttile lavate e asciuttate;priparà dinto a ‘na prupurziunata zupperella  ‘na pastella cu ll’ova, ‘a farina, ll’uoglio ‘auliva dunciglio, dduje pizziche ‘e sale ‘e ‘nu pizzeco ‘e pepe ammiscanno bbuono.Revacarve ‘e squine ‘e carcioffole e tenervele pe ‘na dicina ‘e minute smuceniannole cu ‘nu cucchiaro. Fraditanto ricà abbunnante uoglio pe frijere dinto a ‘na tiella a sponne aute e a fuoco allero farlo callentà e appena è pronto,  frijerve poche â vota ‘e squine ‘e carcioffole nfi’ a cche so ndurate; a mmano a mmano ca so’ ppronte scularle cu ‘na spumadera, passarle ‘ncopp’a ccarta ‘e cucina  e tenerle ‘ncaudo;passà ‘e ccarcioffele dint’a  ‘na sperlonga, accunciarle ‘e sale e servirle ‘ntavula guarnettate cu quacche felloccia ‘e limone.

Brak

 

CAPUNATA

 

CAPUNATA Chello ca ce vo’ pe sseje perzone: ‘nu kilò ‘e mulignane viulette napulitane, spuntate, lavate e  tagliate a ffarinule ‘e duje centimetre ‘e ‘squina, ddoje llomme d’accio ammunnate, rattate e llavate, ddoje cepolle ndurate ‘e Muntoro ammunnate e ntretate a fellocce, miezu kilò (piso lisso) ‘e pummarole  scuttate e ppelate, ‘nu bicchiere e mmiezo d’uoglio ‘auliva dunciglio, 150 gramme d’aulive tonne ‘e Spagna desciussate, 50 gramme ‘e chiapparielle ‘e Pantelleria levate ‘e sale e sciacquate, 50 gramme ‘e pignuole arruscate ô tiesto, 50 gramme d’uva passa ammullata e spremmuta,  ‘nu cucchiarino ‘e zuccaro , ‘na tazzulella   d'acito, ‘nu tuppeto ‘e vasenicola lavato, asciuttato e ntretato a mmano, sale duppio  duje cucchiare e ‘na presa, sale fino e ppepe janco mmacenato a ffrisco q.n.s.
comme se fa Lavà e asciuttà ‘e mulignane levanno ‘e streppune e ‘e ddoje ponte; tagliarle a felle doppie  dduje centimetre e sestimarle a ccuscie (derrammate ognuno ‘e sale duppio) dinto a ‘nu scolapasta pe ‘na mez’ora. Scularle, sciacquarle sotto a ‘nu strèpeto d’acqua fredda, spremmerle a tagliarle a ffarinule ‘e duje centimetre ‘e ‘squina. Sciacquarle ancòra. Dinto a ‘na prupurziunata tiella ricà miezu bicchiere d’uoglio, farle piglia calore a ffuoco miccio e comme addeventa vullente frijerve ‘e ffarinule ‘e mulignane, mantenennole ‘ncaudo.Fraditanto ammunnà, rattà e lavà  ‘e ddoje llomme d’accio scuttannole pe cinche minute dinto a dduje litre d’ acqua vullente salata (presa ‘e sale duppio); sculà e taglià a piezze ‘e tre centimetre ‘sti llomme d’accio,  e metterle dint’a ‘na tiella cu miezu bicchiere d’uoglio e a ffuoco allero farle appassulià per cinche minute; a chistu punto agnadí dint’â tiella  cu ll’accio, ‘e ffellocce ‘e  cepolle e ‘e pummarole pelate, accuncià ‘e sale fino e pepe e lassà cocere pe diece minute; a ll’urdemo revacà tutto dint’â tiella cu ‘e mmulignane, agnadirve aulive, chiapparielle pignuole e uva passa, ammiscà e a ffuoco allero tuiglià pe tre mminute agnadenno  ‘nu cucchiarino ‘e zuccaro e ‘na tazzulella  d'acito e farla svapurà; levà dô ffuoco,derrammà cu ‘o tuppeto ‘e vasenicola lavato, asciuttato e ntretato a mmano e ffà  refreddà primma ‘e serví. Vine: Sustanziuse vine russe d’ ‘a Campania (Solopaca, Aglianico, Piedirosso,Campi Flegrei d.o.c., Taurasi), spilate n’ora primma d’ausarle,passate dinto a ‘na carrafa p’ ‘e ffà piglià aria  e  servute a ttiempo  (temperatura) ‘e stanza pe magnà. Mangia Napoli, bbona salute! Scialàteve e cunzulàteve ‘o vernecale! Raffaele Bracale

 

‘O TURCO ‘E MÈLE

 

‘O TURCO ‘E MÈLE

Con la locuzione in epigrafe a Napoli a far tempo dalla fine del 1800 sino alla metà del 1900  ci si riferí ironicamente a chi avesse un colorito scuro o fosse eccessivamente abbronzato; per venire a capo dell’espressione occorre  fare un passo indietro e chiarire a chi si faceva riferimento con il termine Mele e dire súbito che si tratta di un cognome, quello dei cugini Emiddio (Napoli, ? ivi †1928) ed Alfonso (Napoli,?- ivi †, 1918) Mele, importanti  proprietari terrieri, che  furono  attivi anche nel commercio, avendo  viaggiato o per diletto o per lavoro nelle principali città d'Europa, in particolare a Londra e Parigi  ed avendo  modo di conoscere ed apprezzare la formula  innovativa della grande distribuzione, incarnata da Harrods a Londra (aperto nel 1849) e da Le Bon Marché a Parigi (attivo dal 1858)  lavorarono alacremente sino a trasformare una loro  bottega di tessuti [sita in zona Mercato, in quella via S. Agnello dei Grassi che venne poi spazzata via dal Risanamento] in  Grandi Magazzini siti all’angolo tra  via San Carlo e via Municipio, confluente nella omonima piazza che è simbolico epicentro dei radicali mutamenti urbanistici avvenuti; tali magazzini  vennero inaugurati il 5 ottobre 1889; l’attività commerciale sorse giusto nel Palazzo della Borghesia, elegante edificio di  nuova costruzione, su una vasta area di 2.000 metri quadrati, divisa in due piani che s’affacciano sulle dette vie attraverso due imponenti teorie   di   finestre   e   vetrine   che   s’estendono   per   tutta   lunghezza   dei   due   lati dell’edificio e si riuniscono nel vertice, in un maestoso  e luminoso  ingresso. siti in via santa Brigida,  tali  da  competere con quelli di Parigi e di Londra; i Mele furono altresí  i primi, per pubblicizzare i loro Grandi Magazzini, a curare una cartellonistica artistica e  di qualità: i loro manifesti vennero realizzati dai più grandi disegnatori del tempo, e già nel 1904 Vittorio Pica ne pubblicò il catalogo. i Mele fecero conoscere a tutta l’Italia la raffinatezza antica della moda napoletana e l’abilità degli artigiani campani commerciando in arredi, corredi, abbigliamento, cappelli, guanti. Proprio in tali grandi magazzini la clientela veniva accolta da un simpatico valletto somalo che fu súbito identificato come ‘o turco ‘e Mele [il turco di Mele] giacché a Napoli i negri erano chiamati comunemente “turchi”. Il medesimo valletto veniva utilizzato per consegnare a domicilio le merci ai clienti  importanti guidando un biroccio trainato da una zebra ed in tale funzione era coadiuvato da due giovanissimi somali che, si disse, fossero suoi figli.  Successivamente si acuì la concorrenza della ditte Mele  con le “Fabbriche Miccio & C.” che negli ultimi dieci anni dell’Ottocento avevano tre sedi, al Chiatamone, a Toledo e a via Duomo e infine aprirono una sede proprio di fronte ai Grandi Magazzini “Mele” facendo  montare in piazza San Ferdinando un chiosco in stile liberty, in ferro e in vetro; i Mele cercarono un accordo per fondersi con la ditta  Magazzini Miccio, ma non ci riuscirono, tuttavia  la fama ed i guadagni della ditta Mele perdurarono sino alla metà inoltrata del 1900 quando la ditta chiuse i battenti   però perdurò l'uso della  locuzione che ò illustrato.

Satis est.

R.Bracale