ATALANTA – NAPOLI (02/02/14) 3 A 0 ‘A VEDETTE ACCUSSÍ

ATALANTA – NAPOLI (02/02/14) 3 A 0 ‘A VEDETTE ACCUSSÍ Sto’ smarrezzato (avvilito) guagliú! ‘Ncazzato e smarrezzato!E nun ce pozzo credere ca ajere ‘mmerz’ê ttre a bBergamo ce jette tutto stuorto.Tutto, ma proprio tutto! E cche saciccio! Ve cunfesso ca mm’ero frusciato ca ‘o Napule dâ partita d’ajere n’avesse recugliute tre ppunte mettennose a ddistanza ‘e sicurezza dâ Fiorentina scunfitta sàpato a cCagliari. I’ me fósse aspettato tre ppunte e ‘mmece fernette ca ‘o Napule cu ttre fessarie e mmeza d’’e suoje facette ‘o prazzo (la fine) d’’e gguardie regge e ce ne turnajemo scunfitte, ‘mpurpate d’acqua e ccarreche ‘e maraviglia e perdettemo n’ata accasione ‘mpurtante! A ll’abblativo (In conclusione) penzo ca doppo chello ca vedettemo ajere pure ‘o cchiú sfecatato annemístero (tifoso) se ll’è levato ‘a capa ‘o spiggisemo (l’illusione) ca ‘o Napule putesse angappà ‘a Roma e forze ‘a juventussa. E levammuncello ‘a capa tutte quante pecché ‘na scuatra, comme a cchella vista ajere,ca nun tène caturísema (determinazione) attenziona, cazzimma e cattiveria nun po’ gghí a nnisciuna parte!Rassignammoce a ‘nu terzo posto e sperammo ‘e mantenerlo.Nun ce frusciammo inutilmente e cchiuttosto penzammo â semifinale ‘e Coppa itaglia cu ‘a Roma e abbiammo a ffà corne!Passammo ê ppaggelle: REINA 5 Po’ ccapità e purtroppo capitaje ajere: jurnata no d’’o purtiere cuano; poco ‘mpignato, â primma accasione sbracaje cu ‘na meza papera ‘ncopp’a ‘nu tiro ‘e Denísso (servuto ‘a ‘nu prano retissante (errore clamoroso)’e Dzemaili) e spalancaje ‘a porta â nichessa ‘e ll’Atalanta. MAGGIO 4,5 Nun difennette, nè riuscette maje a ‘mpurrà (accompagnare) ll’azziona.Troppi prane (errori) ‘nfase ‘e bbassurero (suggerimento).Chisto è ccacchio ‘e me fà magnà ‘o fecato a mme; quanno pare ca sta accumincianno a mmigliurà, tanno torna a ffà cinche, seje passe arreto! FERNANDEZ 5 Sfurtunato, sciuliaje malamente dànno via libbera a mMoralezzo ca signaje ‘a terza rredda, ma ‘ncopp’a cchell’ati ddoje pavaje ‘e prane retissante (errori clamorosi ) ‘e Dzemaili e d’ Inlèrro.Tentaje inutilmente ‘e reclaggià (impostare) ll’azziona, visto ca nun ‘o facetteno ‘e mediane..., ma fove acqua ca nun levaje sete. ALBIOL 6- Ce mettette ‘na pezza cchiú ‘e ‘na vota, ma ce stette poco ‘a fà ‘ncopp’ê fessarie esaggerate d’’e centrocampiste. REVEILLERE 5,5 Bricaje (Duellò) cu ccegna (grinta) cu ll’avverzario diretto, ma fove troppo ‘mpriciso quanno arrivaje a cruzzà (crossare). (dô 77° GHOULAM 6 Trasette a gghiuoche fatte e nun servette, ma dimustraje ‘e sapé correre e cruzzà (crossare).) INLER 4 REINA 5 Po’ ccapità e purtroppo capitaje ajere: jurnata no d’’o purtiere cuano; poco ‘mpignato â primma accasione sbracaje cu ‘na meza papera ‘ncopp’a ‘nu tiro ‘e Denísso (servuto ‘a ‘nu prano retissante (errore clamoroso)’e Dzemaili) e spalancaje ‘a porta â nichessa ‘e ll’Atalanta. MAGGIO 4,5 Nun difennette, nè riuscette maje a ‘mpurrà (accompagnare) ll’azziona.Troppi prane (errori) ‘nfase ‘e bbassurero (suggerimento). FERNANDEZ 5 Sfurtunato, sciuliaje malamente dànno via libbera a mMoralezzo ca signaje ‘a terza rredda, ma ‘ncopp’a cchell’ati ddoje pavaje ‘e prane retissante (errori clamorosi ) ‘e Dzemaili e d’ Inlèrro.Tentaje inutilmente ‘e reclaggià (impostare) visto ca nun ‘o facetteno ‘e mediane. ALBIOL 6- Ce mettette ‘na pezza cchiú ‘e ‘na vota, ma ce stette poco ‘a fà ‘ncopp’ê fessarie esaggerate d’’e centrocampiste. REVEILLERE 5,5 Bricaje (Duellò) cu ccegna (grinta) cu ll’avverzario diretto, ma fove troppo ‘mpriciso quanno arrivaje a cruzzà (crossare). (dô 77° GHOULAM 6 Trasette a gghiuoche fatte e nun servette, ma dimustraje ‘e sapé correre e cruzzà (crossare).) INLER 4 Nun m’’o facite vedé cchiú! Eppure nun accumminciaje malamente jucanno pure pe Dzmeaili ca nun ‘o vvuleva fà; po però se ne scennette ‘e posa e gghiette ‘int’ê chiavette malamente soprattuto quanno cu retropasiglio (retropassaggio) assurdo rijalaje ‘o dubblato (raddoppio) a dDenísso e ppo ‘o trisso cuncedenno ‘a sponna a ll'argentino pe Moralèzzo; e cuntinuaje accussí cu ‘nu prano doppo ll’ato. Nun m’’o facite vedé cchiú! DZEMAILI 4 Nun ce stette cu ‘a capa risultanno assente ‘ngiustificato dinto a tutt’’e ddoje fase ‘e juoco. Da ‘nu prano retissante (errore clamoroso ) suojo, accumpagnato da ‘na meza papera ‘e Reina nascette ‘o vantaggio ‘e Denísso. (dô 71° JORGINHO 6 Trasette ‘nfullé cu assaje ggenio, ma oramaje s’era fritto ‘o ffecato e servette a ppoco.) MERTENS 5,5 ‘O cchiú agruppino (vivace) durante ô primmo ajone e ll’unico a ppruvarce nsi’ ô prazzo (fino alla fine),pure si ‘nu poco troppo cazzu mio (egoista). Se prucuraje pure ‘nu ricore ch’êsse pututo adderezzà ‘a varca ‘ncopp’a ll’uno a uno, ma chella fetenzia ‘nternazziunale, anze mundiale ‘e Rizzoli nun ce ll’ assignaje! Quanno se dice ca tutto à dda jí stuorto! PANDEV 4,5 Jurnata no pure d’’o macedone ca pruvaje a ffà bburdello dint’â trecquarte pe ccercà d’arapí quacche senga dint’â tràsera (retroguardia) atalantesa, ma perdette troppi pallune cunchiudenno poco o niente. CALLEJÓN 6 E ch’ ‘o vuó dicere a ll’ècchese d’’o Realmadriddo? Nun se sparagnaje maje e ffove uno ‘e ll’urdeme a mmullà,appressuranno (spingendo) sempe pure si poco assistito e rrisultanno ‘mpurtante ‘nfase difenziva cu ttutto ca arravaje ajere â trentesima presenza cumplussiva d’’a tempurata (stagione). DUVAN 5 Nun avette pallune ‘mpurtante ‘a jucà; difennette palla, facette a spurtellate cu ‘e centrale atalantise, dànno quacche sponna e ppoco ato.Forze ‘o guaglione ‘mpruspettiva se po’ ffà..., ma p’’o mumento aiza sulo pórvera! (dô 58° Higuain 6 Trasette súbbeto ‘nfullé, ma Consigli nun lle dètte ‘a ggioja ‘e signà. Po nun putette fà ato ca guardà ‘e suoje fení sotto e ‘ncoppa!) Benitez 5- Quanno se perde, perde pure ‘o trainèrro e ajere don Rafele perdette pur’isso! Ajere don Rafele mustraje forze ‘e nun crederce manco isso â pussibbilità d’angappà ‘a Roma e ggià stette cu ‘a capa â semifinale ‘e coppa itaglia, sparagnannose cchiú ‘e n’elemento ‘mpurtante, ma chille mannate ‘ncampo poco ll’accurdajeno dimustranno troppi prubbleme a ccentrocampo cu Inlèrro e Dzemaili ca nun foveno all’ardezza; i’ dico ca fà a mmeno cuntempuraneamente ‘e Giorgigno e de Marechiaro è ‘na cosa ‘mpussibbile. Doppo d’’a siconna rredda aizaje bannera janca tenennose ‘mpanca a mMarechiaro. Mo m’aspetto ‘na riazziona sott’ô colpo (immediata) cu ‘a semifinale ‘e coppa itaglia e mme piacesse però ca don Rafele ce spiegasse che cancaro sta succedenno! arbitro RIZZOLI 4 Scadente. ‘Na fetenzia ‘nternazziunale, anze mundiale, isso i ‘e cullabburature suĵe.Siscaje sempe ‘ndanno d’ ‘e cuane caputianno falte (falli); nun assignaje ‘nu ricore sacrusato a Mertenso arrunzato ‘a Consigli e ffove ‘e maneca larga cu ll’atalantise ca mazzulajeno ‘ê guagliune ‘e don Rafele senza ca isso dicesse maje niente! E mettimmo punto cca. Ce sentimmo, si dDi’ vo’, â prossima vota. Staveti bbe’! R. Bracale Brak Eppure nun accumminciaje malamente jucanno pure pe Dzmeaili ca nun ‘o vvuleva fà; po però se ne scennette ‘e posa e gghiette ‘int’ê chiavette malamente soprattuto quanno cu retropasiglio (retropassaggio) assurdo rijalaje ‘o dubblato (raddoppio) a dDenísso e ppo ‘o trisso cuncedenno ‘a sponna a ll'argentino pe Moralèzzo; e cuntinuaje accussí cu ‘nu prano doppo ll’ato. DZEMAILI 4 Nun ce stette cu ‘a capa risultanno assente ‘ngiustificato dinto a tutt’’e ddoje fase ‘e juoco. Da ‘nu prano retissante (errore clamoroso ) suojo, accumpagnato da ‘na meza papera ‘e Reina nascette ‘o vantaggio ‘e Denísso. (dô 71° JORGINHO 6 Trasette ‘nfullé cu assaje ggenio, ma oramaje s’era fritto ‘o ffegato e serìvette a ppoco.) MERTENS 5,5 ‘O cchiú agruppino (vivace) durante ô primmo ajone e ll’unico a ppruvarce nsi’ ô prazzo (fino alla fine),pure si ‘nu poco cazzu mio (egoista). Se prucuraje pure ‘nu ricore ch’êsse pututo adderezzà ‘a varca ‘ncopp’a ll’uno a uno, ma chelle fetenzia ‘nternazziunale, anze mundiale ‘e Rizzoli nun ce ll’ assignaje! Quanno se dice ca tutto à dda jí stuorto! PANDEV 4,5 Jurnata no pure d’’o macedone ca pruvaje a ffà bburdello dint’â trecquarte pe ccercà d’arapí quacche senga dint’â tràsera (retroguardia) atalantesa, ma perdette troppi pallune cunchiudenno poco o niente. CALLEJÓN 6 E ch’ ‘o vuó dicere a ll’ècchese Real Madriddo? Nun se sparagnaje maje e ffove uno ‘e ll’urdeme a mmullà,appressuranno (spingendo) sempe pure si poco assistito e rrisultanno ‘mpurtante ‘nfase difenziva cu ttutto ca arravaje ajere â trentesima presenza cumplussiva d’’a tempurata (stagione). DUVAN 5 Nun avette pallune ‘mpurtante ‘a jucà; difennette palla facenno a spurtellate cu ‘e centrale atalantise, dànno quacche sponna e poco ato. (dô 58° Higuain 6 Trasette súbbeto ‘nfullé, ma Consigli nun lle dètte ‘a ggioja ‘e signà. Po nun putette fà ato ca guardà ‘e suoje fení sotto e ‘ncoppa!) Benitez 5- Quanno se perde, perde pure ‘o trainèrro. Ajere don Rafele mustraje forze ‘e nun crederce manco isso â pussibbilità d’angappà ‘a Roma e ggià stette cu ‘a capa â semifinale ‘e coppa itaglia, sparagnannose cchiú ‘e n’elemento ‘mpurtante, ma chille mannate ‘ncampo poco ll’accurdajeno dimustranno troppi prubbleme a ccentrocampo cu Inlèrro e Dzemaili ca nun foveno all’ardezza; sparagnarse ‘nzieme a gGiorgigno e a mMarechiaro è ‘mpussibbile. Doppo d’’a siconna rredda aizaje bannera janca tenennose ‘mpanca a mMarechiaro. Mo m’aspetto ‘na riazziona sott’ô colpo (immediata) cu ‘a semifinale ‘e coppa itaglia e mme piacesse ca don Rafele ce spiegasse che cancaro sta succedenno! arbitro RIZZOLI 4 Scadente; isso e ‘e cullabburature suĵe.Siscaje sempe ‘ndanno d’ ‘e cuane caputianno falte (falli), nun assignaje ‘nu ricore sacrusato a Mertenso arrunzato ‘a Consigli e ffove ‘e maneca larga cu ll’atalantise ca mazzulajeno ‘ê guagliune ‘e don Rafele senza ca isso dicesse maje niente! E mettimmo punto cca. Ce sentimmo, si dDi’ vo’ â prossima vota. Staveti bbe’! R. Bracale Brak