giovedì 21 gennaio 2021

JUVENTUS NAPOLI [SUPERCOPPA 20.1.21] 2 A 0 ‘A VEDETTE ACCUSSÍ

JUVENTUS NAPOLI [SUPERCOPPA 20.1.21] 2 A 0

‘A VEDETTE ACCUSSÍ

‘A chiena i ‘a vacante… che ce vulite fa guagliù? Doppo d’’a sbrasata cu ‘a Fiorentina [‘a chiena] ajere cu ‘o stibbacco (scontro) cu ‘a vecchia zoccola p’’a casarsubbirra(supercoppa) nce attuccaje ‘a vacante  abbuscanno pe ddoje a zzero senza ca nisciuna d’’e ddoje scuatre êsse fatto cape d’angelo p’affuzzà (vincere)… Se vede ca accussí steva scritto e ppacienza! Sentite:

Primmo ajone (primo tempo) assaje armizzato (molto equilibrato) cu ‘e ddoje scuatre cchiú accorte a nnun piglià ca a ddarene cu ‘na sola accasiona periculosa i a ffavore d’’o Ciuccio cu ‘na cabbesera ‘e Lozano fermata cu ‘nu miezu miraculo  da Szczesny,; a ll’arrancua (nella ripresa) ‘e janche e nnire foveno cchiú uffenzive e cchiú periculuse dê  pparte ‘e Pastacrisciuta. Doppo ca Chitelassa arresecaje  ‘na daffimarma (autogol)  fove  Ronaldo [19’], lassato sulo da Chitelassa a sfruttà da duje passe n’artidaddo (rimpallo) nun cuntrullato  dô Mammone.’A jonta nce ‘a mettette Morata[92’] dint’ô casino ‘e  ll’antijsso (recupero) e nun ne parlammo, Dicimmo però  ca ll’atalossa (prestazione) d’’e nassíe (attaccanti) d’’o Napule nun tenette nisciunu spessore e ssulo ‘na vota cu Llozano foveno periculuse overo; p’’o riesto ‘mmece né Insigne, né Ppetagna riuscetteno a mmettere ‘mpericulo ‘a porta janca e nnera. Naturale  pirciò ca ‘acasarsubbirra(supercoppa) jesse â vecchia zoccola cu Ppirlo ca s’abbuscaje ‘o primmo trufeo  d’’a carriera ‘e mutarribbo (allenatore) mentre a Ggattuso i ê ccuane  (azzurri) rummane ‘o mutatunno  (rimpianto) p’’o  il ricore d’’o pussibbile russimmo (pareggio) falluto dô capitano a ll'80'. Però a cche sserve?.

Passammo ê ppaggelle:

 OSPINA[Pastacrisciuta] 6 -Nun tenette itimme (colpe) ‘ncopp’ê ddoje addaffe (reti). All’arrancua (nella ripresa)salvaje ‘ncopp’â linia ‘nu miezu tentativo ‘e Bernardeschi. Strignette ‘e diente, rummanenno ô posto suĵo doppo ca chill’animale ‘e Ronaldo lle se menaje ‘ncuollo a ffà male…

 

DI LORENZO 6  Se ‘mpignaje cercanno ‘e farese vedé ‘ntatacalla  (in sovrapposizione) e jabbranno (crossando).

 

MANOLAS[Chitelassa] 5  Assaffa (purtroppo) nun fove ‘nserata e sse vedette risultanno sempe ‘mpriciso  dint’ê muitte (nelle impostazioni)e cu ‘a capa sotto porta janca e nnera; ‘e cchiú arresecaje ‘na daffimarma (autogol) e asasa (soprattutto) se perdette a   Rronaldo ‘nnaccasione ‘e ll’uno a zzero. Che peccato!

 

 KOULIBALY[‘O Ggialante] 6 Attiento e ssicuro dint’ê chiusure; sibbacco (match) cumplicato ma isso nun se tiraje maje arreto!

 

MARIO RUI 6 – Partette bbuono e ccercaje ‘e mettere ‘mmiezo quacche palla; lle capitajeno dduje accunte (clienti) scuonceche cumme so’  Cuadrado e Mmckennie e ssufferette pe cuntrullarle. Però ‘o ffacette. [da ll'84' POLITANO s.v.].

 

 

 BAKAYOKO[‘O Mammone] 5 – Cercaje su cegna (grinta) e adillà (muscoli), ma nunn’avastaje; ‘e cchiú mannaje ‘mporta a Rronaldo cu n’artidaddo (rimpallo) ca nun cuntrullaje. [dô 67' ELMAS[‘O Turco] 5 Nun se facette quase maje vedé

DEMME 6 Fove ‘o muazzinno  (l'equilibratore)lla ‘mmiezo, ma rummanette troppo vascio; quanno s’aizaje  bluccaje a Arthur(ro) e mmettette a ccentro ‘e muntaca (area di rigore) janca e nnera chella granna palla ca Lozano cercaje ‘e menà ‘mporta.  [da ll'84' LLORENTE[‘O Spetaccuso] s.v. Inutile.]

 

 LOZANO 6,5  Se dette da fa subbeto e ssulo ‘na granna parata ‘e   Szczesny [‘nserata ‘e miracule] fermaje ‘na granna cabbesera (colpo di testa) soja.

 

ZIELINSKI 4,5 Luntano senza scurpazziona  (assente ingiustificato). E nnunn’è ‘a primma vota ca se chiamma fora  quanno cchiú serve!

 

 INSIGNE 4  Serata no d’’o capitano: sulo quacche cusarella ô primmo ajone (nel primo tempo) ma maje  troppo presente e llammajo  (brillante)né quanno tiraje quacche timmurria (punizione), né cumme mutirro  (regista) uffenzivo; po, pe gghionta ‘e ruotolo, tiraje fora ‘nu ricore a  Szczesny spiazzato cundannanno ‘o Napule a ll’azzimma (sconfitta). Ô posto suĵo, sapenno ‘e nun stà ‘nserato êsse fatto tirà ‘o ricore a Cciruzzo! 

 

 PETAGNA 5  Facette palla corta sotto a Cchiellini ca s’’o magnaje. Peccato.[dô 72'  MERTENS[Ciruzzo] 6,5  Facette cchiú d’’o culleca, prucurannose cu ccazzimma, danzarino (ballerino) cumm’è, allimmeno ‘nu  ricore ca po ‘o capitano sciupaje e ffove periculuso ô niajo (nel finale)].

 

all.  GATTUSO 5,5 è overo ca  ‘o Napule abbuscaje sulo pe cquacca cumbinazziona streuza cumme a cchillu ricore ca ‘o capitano jettaje fora, ma isso s’à dda sbattere ‘mpietto p’avé tenuto ll’arcazzebbio (baricentro) troppo vascio ggià dô primmo minuto e dde nunn’avé ‘ncarrato ‘e cagne.

Arb. VALERI 6 Tutto summato, forze, facette ‘o duvere suĵo.

E bbasta accussí. Agliuttimmoce st’atu ruospo e ppacienza! Mo si ‘o Cielo ‘o vvo’ ce sentimmo llunnerí ca vene doppo d’’a nacchella (trasferta) dummeneca all’ora d’’a tiella a Vverona contr’ê pariente ‘e chella zoccola ‘e Giulietta. Staveti bbe’ R.Bracale Brak

 

 

Nessun commento: