NAPOLI – SPEZIA [C.I.28.1.21] 4 A 2 ‘A VEDETTE ACCUSSÍ

NAPOLI – SPEZIA [C.I.28.1.21] 4 A 2

‘A VEDETTE ACCUSSÍ

E mmenu male guagliú! Ajeressera ô Maradona allimmeno ‘na cosa nce jette adderitta, chella ‘e vattere ‘o Spezia pe cquatto a ddoje, passà ‘o turno e ccunquistà ‘na sfarnaja  (semifinale) ‘e Coppa Itaglia; peccato sulamente ca nun fovemo crestiane ‘e mantere ‘a porta acrata (inviolata) e ppe ddoje vote Pastacrisciuta [senza nisciuna itimma (colpa) soja] êtte ‘a recogliere ‘o pallone ‘nfunno ô sacco sujo cosa ca facette ‘mperrà (infuriare) [e avette raggione…] a Ggattuso i a nnujaute ‘ntribbuna-divano. Peccato, peccato, peccato…, ma che ce vulite fòà si ajeressera êttem’’a vedé ‘nu Napule a ddoje facce: chillo d’’o primmo ajone (tempo) quase matàlo (perfetto), cuncreto, attiento e ppriciso prutacunista ‘e ‘nu vero e pproprio jardo ( show) nchiuso ‘ncopp’ô quatto a zzero mettenno a ffrutto ògne accasione capitata [ ggià ô 5’ cu ‘o Ggialante, po ô20’ cu Llozano, ô 30’ cu  Ppolitano, i ô 40’cu ‘o Turco…]; ll’ata faccia d’’o Ciuccio fove chella dô 70’ a gghí annante quanno cuntento e surisfatto ‘e comme s’erano mise ‘e ccose se sguallaraje  (lasciò andare), avette ‘nu secusso  (crollo) d’ attenzione e ppermettette ô  Spezia ‘e signà ddoje addaffe (reti) [ segnare due reti [ô70’ Gyasi,lassato libbero e ffranco dô Ggialante, i ô 73’ cu ‘na sfurtunata daffimarma (autorete) ‘e Chitelassa cusicchéll’urdemu quarto d’ora d’’o sibbacco (match) fovemo custrette a vvedé  ‘e nuoste ca s’êtten’’a guardà ‘a castagna e cce riuscetteno affuzzanno pe cquatto a ddoje. Meglio ‘e niente!

Passammo ê ppaggelle:

OSPINA[Pastacrisciuta] 6 Nun tenette itimme (colpe), né putette fa niente ‘ncopp’ê duje suche (gol) d’’o Spezia; p’’o riesto se trattaje d’ urdinaria armuinistrazziona.

 

HYSAJ[Mezacucchiara] 6 ‘A chiena i ‘a vacante: ‘e bbuono ‘o priciso missiddo (assist) ô 5’ p’’o Ggialante , ma po troppi vvote facette arabbacca   (confusione).

 

MANOLAS[Chitelassa] 5,5 Me dispiace, ma ll’attocca miezu zifo (voto) mancante pecché, doppo ‘na bbella chiusura  ‘ncopp’a  Ggalaboniv(fe), se  perdette cumpletamente a Gyasi cuncedennole ‘o stuco (gol) d’’o quatto a uno e ppiezzo e ppejo pecché mannaje ê spalle ‘e Pastacrisciuta ‘a cunchiusione d’Acampora, chella d’’o quatto a ddoje! Che gghiella! 

 

KOULIBALY[‘O Ggialante] 6,5  Se levaje ‘o sfizzio ‘e sbluccà ‘a facenna ô 5’ cu ‘nu tacco e pp’’o riesto ‘a solita atalossa (prova) ‘e sustanzaper il resto gioca la solita partita di sostanza

 

Mario RUI 6 Sibacco (match) urdinato senza esaggerà; cercaje pure ‘a porta cu ‘nu tiro a ggiro,ma   Krapikas(se) lle dicette ‘e no! Peccato!

 

ELMAS[‘O Turco] 6,5  Mumazza (ottima) ll’atalossa (prestazione) soja, se facette apprezzà  mo difennenno, mo attaccanno e ppe premio  se mmeretaje ‘e signà . [Dô 69’ OSIMHEN[Caromecosta] s.v. Nun sta ancòra ‘ncudizziona e sse vedette!]

 

DEMME 7  Ancòra ‘na vota furnette n’atalossa (prestazione) ‘e qualità [cumme ‘a palla d’’o doje a zzero pe Llozano] e cquantità nsi’ô nuvantesimo. Applavuse

ZIELINSKI 6,5  Prutacunista pure cu ‘e scarpe sciovete Granna palla chella pe Ppolitano ‘nnaccasiopne d’’o tre a zzero. [Dô 69’  LOBOTKA 6  Trasette dànno sustanza a ll’armidanno (centrocampo)]

 

POLITANO 6,5  Nce ‘o mecco p’’o stuco (  gol), ma êsse avut’ ’a fa ‘e cchiú: raramente zumpaje ll’ommo o criaje pericule. [Da ll 88' G DI LORENZO s.v.]

 

 LOZANO 7,5  – Oramaje  è ll’ommo ‘e cchiú ‘e ‘stu Napule ca nunn’è ‘nu marcazzo (centravanti) e sse vedette dê muvimente suĵe, ma datele tantillo ‘e spazzio e vv’’o mette a ppitoffio cumme facette ajere partenno ‘ncopp’ô filo d’attasallulo (fuorigioco) e ccunchiudenno cu ‘na cagliosa.  [Dô 46’  MERTENS[Ciruzzo] 6  Nce ‘o mecco ‘o seje ma cchiú ‘e stima ca d’auto giacché ascette  doppo ‘na quarantina ‘e minute cu pochi pallune tuccate e ssenza zuco. [Da ll'88' BAKAYOKO[‘O Mammone] s,v,]

 

INSIGNE 7 Nun signaje, ma finalmente fove ‘nu veru capitano sprunanno e mastuanno (ispirando) ‘e suoje; ‘na perna chella palla rijalata ô Turco p’’o quatto a zzero doppo ‘na jucata ‘e pietto a mmità campo. Cumplimente.

all.  GATTUSO 6,5 ‘A scuatra allimmeno ô primmo ajone(tempo) facette chello ch’isso vuleva dannole ‘a risposta ca tutte aspettavemo; mo però à dda faticà ‘ncopp’a ll’arrancua (ripresa) i â mancanza d’attenziona!

arb.:FURNÓ [Fourneau]  6 Facette ‘o duvere suĵo.

E bbasta accussí. Avettemo chello ca vulevemo e gghiammo annante! Mo si ‘o Cielo ‘o ppermette ce sentimmo llunnerí ca vene pe ccuntareve che succede dummeneca ô Maradona contr’ô Parma. Staveti bbe’ Raffaele Bracale Brak