NAPOLI- LAZIO [22.4.21] 5 A 2 ‘A VEDETTE ACCUSSÍ

NAPOLI- LAZIO [22.4.21] 5 A 2

‘A VEDETTE ACCUSSÍ

Che suddisfazziona guagliú! Ajeressera ô Maradona ‘o Ciuccio se ll’êtte ‘a vedé cu ‘o pappavallo lazziale, se jucaje ‘nu sibbacco (match) funnamentale ca rijalaje punte pesante p’’a brica (lotta) Ciampionsa i ‘o pappavallo nce refunnette ‘e ppenne i abbuscaje pe ccinche a ddoje! Però ‘o natiggio (risultato) fove busciardo: ‘o Napule, pe cchello ca se vedette,  êsse avuto d’affuzzà (vincere) mantenenno ‘a porta acrata (inviolata) e mmece ‘na vota p’itimma (colpa) ‘e Zielinski [ca sbagliaje ll’unicu pallone d’’a mubbara (partita) soja] e n’ata vota p’itimma (colpa) d’’o Lungagnone [ca se piazzaje malamente ‘ncopp’â timmurria (punizione)’e Milinkovic(cio)-Savic(cio)] rijalaje ddoje addaffe (reti) ê lazziale… e cchesto a nnujate d’’a tribbuna-divano nun ce piacette. P’’o riesto  però pozzo dicere ca ‘o Napule jucaje ‘na mubbara murriffa (partita sontuosa) cu ‘na granna riggia d’ Anemalonga, dduje surpennente udí (terzini) e ttutte ‘o riesto sempe a ll’ardezza d’’a situazziona cu ‘nu Politano scatenato e ‘nu capitano  mutàvvio (strepitoso) e nunn’era ancòra passato ‘o primmo quarto d’ora ca ggià ‘o Ciuccio, se po’ ddicere ch’êva tirato ‘o capo ‘nterra mettennose ‘ncopp’ô doje a zzero e ll’arrancua servette a rrennere cchiú sustanziuso ‘o natiggio (risultato) i a ffarece vedé ‘e mmegli ccose cumme ‘na magaria ‘e Zielinski,’o stuco (gol) ‘e Politano,  ‘a siconna addaffa (rete) d’’o capitano, chella ‘e Ciruzzo e cchella ‘e Caromecosta. Peccato, cumme v’aggiu ditto, sulo ‘e nunn’avé mantenuta acrata (inviolata) ‘a porta!

Passammo ê ppaggelle:

MERET[‘O Lungagnone] 5 Quanno ‘o pallone arrivaje dê pparte soje c’êttem’’a preoccupà, pisciaje ‘na palla ascenno malamente dâ mubbara (area di rigore)  cu ‘e piere e mmenu male ca ce penzaje  ‘o Ggialante a llevarele ‘e vverole dô ffuoco,putette fà poco ‘ncopp’ô stuco (gol) d’Immobile, ma certamente êsse avuto e ppututo fà meglio ‘ncopp’â timmurria  (punizione) ‘e Milinkovic(cio)-Savic(cio). Furtunato quanno sempe Milinkovic(cio)-Savic(cio) lle menaje ‘o pallone ‘ncuollo poco primma d’’o tre a zzero d’’o capitano. Sperammo ca torna ampressa Pastacrisciuta.

 DI LORENZO 7 Muaddeddo (puntuale) e zzabbetto (costante) annante i arreto fove prutacunista ‘e ‘na granna talossa (prestazione) chiammanose spisso ll’applavuso.

 MANOLAS 6,5  Atalossa (prestazione) ‘e sustanza seria e ppricisa; curaggiuso se jette a ccunquistà ‘o ricore ca sbluccaje ‘a facenNA. S’abbuscaje ‘na malegna taccheta da Immobile, ma strignette ‘e diente nsi’ ô 70’.Ggià íattico (diffidato)  fove, a bbella posta, tocallummato (ammonito) da ll’ucummo (arbitro)  e mmo nun po’ gghí a Tturino contr’ê cranate. Peccato! [Dô71’ RRHAMANI 6  Jucaje ll’urdemi minute  cu attenziona e ppricisione senza sfregazze (sbavature)Gioca gli ultimi minuti e non deve compiere particolari interventi).

 KOULIBALY[‘O Ggialante ] 6,5  Nun ll’appassaje nisciuno dint’a ll’uno contro a ll’uno e dint’ô juoco auto  e ffove sempe isso a dd’accummincià ll’azziona tajennanno (impostando) a mmestiere.

 HYSAJ[Mezacucchiara] 6,5  ‘Ncapo ‘e mubbara (partita) arresecaje ‘e fà ‘nu ricore ‘ncuollo a Llazzari, ma pe ffurtuna poco primma nce fove chillo ‘e c’è prima quello di Milinkovic(cio)-Savic(cio) ‘ncuollo a Cchitelassa. Po pigliaje ‘e mmesure ‘e nun smarrunaje cchiú e sse facette apprezzà scennenno annante asasa (soprattutto) [52’] ‘nnaccasiona d’’a siconna addaffa (rete) d’’o capitano.

 RUIZ[Anemalonga] 7  Prutacunista ‘e ‘na granna riggia, tenenno ‘a pusizziona, spaccanno ll’armidanno (centrocampo) avverzario  e ccercanno subbeto d’urtizzà  (verticalizzare).

BAKAYOKO[‘O Mammone] 6,5  Quanno tutto à dda j´bbuono! Pure isso ajeressera furnette n’atalossa (prestazione) pusitiva asasa (soprattutto) dint’ô primmo ajone (nel primo tempo) facenno aculla (diga) ‘nnant’ê centrale nuoste e ajutanno ‘a varca riuscette a nun fà ndummà (rimpiangere Demme! [Da ll 89'  LOBOTKA s.z. Jucaje poco pe ddarele ‘nu zifo (voto)]

POLITANO 7,5 Spettaculare; ajeressera quase ‘ndiavulato se facette apprezzà primma p’’o granne sacrifiggio a ll’epata (nella fase) difenziva e ppo pe ccumme attaccaje; ‘o stuco    (gol) d’’o doje a zzero fove pesante assaje e cquase ce mettette dint’ê tranquille. Cumprimente!  [Dô 71 '  LOZANO 6 - Pochi pallune  tuccate, ma abbiaje e fignulaje (rifiní) ll’azzione d’’o cinche a ddoje.]

 ZIELINSKI 7 Nun le pozzzo mettere ‘e cchiú pe bbia ca sbagliaje ‘o cuntrollo ‘e palla ô 70’ ‘nnaccasione d’’o stuco (gol) d’Immobile, ma p’’o riesto spisso fove ‘o jucatore ca stette cchiú Annante ‘e ll’ate mannanno ô manicomio ‘a trasera (difesa) lazziale i ‘a qualità ssoja fove ‘na priezza pe ll’uocchie nuoste:’a magaria ca istataffaje (propiziò) ll’addaffa (rete) ‘e Ciruzzo fove ‘na perna e  sse sta ancòra chiammanno ll’applavuso nuosto e d’’e pennarule prisente ô Maradona. [Da ll 82' ELMAS[‘O Turco] s.z.)

INSIGNE 8 Sempe cchiú ccapitano e cchiú zzaimmo (leader),trascenaje ê suoje, furnette lanze sistimate e ppricise, sbluccaje ‘a facenna cu ‘nu ricore ca mannaje Reina a dritta i ‘a palla a mmancina. Applavuse.

MERTENS[Ciruzzo] 7 Dimustraje ajeressera d’essere ‘nu jucatore ritruvato dannose da fà e asasa (soprattutto) signanno[65’] ‘e primma cu ‘nu tiro forte e ppriciso ‘nu granne stuco. [Dô 71' OSIMHEN[Caromecosta] 7 Trasette diciso a ffarese nutà i ‘o ffacette [80’] cu cchella cagliosa ‘e dritto ca nchiudette ‘a mubbara (partita).]

all. GATTUSO 7,5  ‘Na vota tanto ‘ncarraje tutto: furmazziona e ttittica (tattica) e avette quase tutto chello ca vulette.Da mo ô tauillo (termine) d’’o campiunato ‘o Napule è ppadrone d’’o destino suĵo.

arb. DI BELLO 5  Chesto tene ‘e bbello: niente!  Se mmeretaje tutte ‘e ccritiche ca avette; nun vedette ‘o caucio ‘nfaccia ca Milinkovic(cio) dètte a Cchitelassa e menu male ca chille d’’a  Varra se n’addunajeno i ‘o mannajeno a ccuntrullà; p’’o riesto fove troppo ‘e maneca larga cu ‘e lazziale, nutizziaje (ammoní) Chitelassa  e nnun vulette vedé quanno chille d’’o pappavallo ll’avutajeno a zzaffa (rissa) jucanno a ffà male…

E bbasta accussí. Alliccammoce ‘e mustacce e gghiammo annante; mo, si ‘o Cielo ‘o ccunzente ce sentimmo marterí ca vene pe ccuntareve che succede lunnerí a ll’ora d’’e ppastarelle a Tturino addó ‘o Napule va a vvedersela cu ‘e cranate ca nun songo accunte (clienti) ‘e niente. Sperammo ca ve conto bboni ccose. Staveti bbe’! Ciuccio fa’ tu!

R.Bracale Brak