OVA Â MUNACHINA

OVA Â MUNACHINA

Chello ca serve pe sseje perzone
otto ova toste(sode),
treciento gramme ‘e ricotta rumana,
cinquanta gramme ‘e furmaggio pecurino rattato,
noce muscata quanto ne piace,
abbunnante uoglio pe frijere,
ddoje ova sbattute cu ‘nu pizzeco ‘e sale,
farina janca quanto ne serve,
pane rattato quanto ne serve,
sale fino e ppepe janco quanto ne serve.
Prucedimento
Ammunnà ll’ova tosta, sciacquarle e tagliarle a mmità p' 'o lluongo; spàrtere ‘e russe dê janche da tené a pparte. frantummà ‘e russe cu ‘na furchetta e mpastarle ‘nzieme â ricotta, ô ppecurino rattato, ô ssale, ô ppepe e ttanta noce muscata quanto ne piace .Sistimà cu ‘nu cucchiarino ‘a café ‘o cumposto dint’ê janche cercanno ‘e dà ô ‘mpasto ‘na forma bumbata; ‘nfarenà chesti mmeze ova, ‘nfonnerle dinto a ll’ova sbattute, passarle dellicatamente dint’ô ppane rattato facenno attenzione a mantenerne ‘a forma; frijerne poche pe vvota dinto a pparicchio uoglio pe ffrjere vullente e prufunno nfi’ a cche nun addeventano ndurate. Appujarle ‘ncopp’ a ‘na carta asciugante e servirle caude comme trasetura ‘nzieme a furmagge piccante e fellate assurtite.
Brak