FINALE D’’A CIAMPIONSA: JUVE – REAL MADRID 1 A 4
Ma chi ll’à ditto ca quanno ‘a vita te s’accanisce contro
nun te dà maje ‘na granna suddisfazziona? Nunn’è overo e v’ ‘o ppozzo cunfermà
cu ‘a suddisfazziona pruvata ajere a ttarda sera, vedenno a cchella zompapereta
d’’a cummara ‘e chillo ca se penza d’essere ‘o meglio purtiere d’’o munno, cu
‘o fazzuletto ‘mmano p’asciuttarse ‘e llacreme mentre vedeva ‘o cumpare suĵo ca
pe quatte vote ‘o pigliava dint’ô prozo e essa nun puteva fà ‘o riesto niente
pe ccunzularlo! Che divertimento che spasso pulezzà ‘e llente pe nun perderse
‘o spettaculo ‘e ll’afflezziona ‘ncopp’a cchella faccia ‘e cestunia allupata d’
allegri ca s’era chiavato ‘o punio ‘mpietto ‘e jí a cCardiffe a vvattere ‘o
Rialle e mmece ll’avette malamente ‘ncopp’ê rrecchie asseccanno quatto
bbuffettune a vvotavraccia ca lassajeno isso i ‘a vecchia zoccola senza parole
e ccu ‘o brusciore ‘e fetillo. Che suddisfazziona, che piacere, che
ddivertimento e cche spasso! Chi sa’ si mo finalmente ll’ànnu capito sia a
tTurino sia a cCercula sia addó ce stanno chilli nquacchiate napulitane, ca tifano p’’a zoccola janca e nnera, chi sa’
si finalmente ll’ànnu capito ca ‘ncopp’ô rilorgio d’’a Ciampionsa pure sissanta
juventine ô mmassimo ponno fà ‘e siconde, ma maje ‘e minute primme e s’ànn’’a
rassignà a vvencere ‘nnitaglia addó ll’arbitre costano poco, mentre n’arbitro
tedesco comme a bBryche nun sulo è aunesto, ma costa pure troppo p’’a sacca
d’agnelli & socie! Brak
Nessun commento:
Posta un commento