O. MARSIGLIA – NAPOLI (AM.04.8.19) 0-1 ‘A VEDETTE ACCUSSÍ

O. MARSIGLIA  – NAPOLI (AM.04.8.19) 0-1

‘A VEDETTE ACCUSSÍ

Ajere quatto austo, a ttarda sera, ‘o Ciuccio jette a Mmarsiglia èe vvedersela cu ll’OLIMPICCHE  e  ddoppo d’avé scummato ‘e sanco ê ‘ngrese d’’o  Liverpul(lo), ajeressera ‘e cuane   (azzurri) â faccia ‘e chi ce vo’ male e de chella zezzosa muntazzimma (divisa) ca ‘mmece d’essere azzacca (azzurra) risultaje ‘e ‘nu scumbinato culore canna ‘e scuppetta...   arfuzzajeno (vinsero) pure  ô Velodrome i a ddecidere fove n’addaffa (un gol) troppo bbella ‘e Ciruzzo  ca  ô 38’mettette dint’ô sacco ‘na granna palla ca Peppe ‘a ‘nguenta lle servette a zzuco ‘e caramella  doppo ‘na maraviglia d’azziona ‘nfra isso e Lorenzigno ca ‘o pezzecaje da luntano. Avastaje ll’addaffa (rete) ca v’aggiu ditto, pe ffà nuosto ‘o sibbacco (match) ch’êsse avut’’a essere n’ammestosa (amichevole) e ca ‘mmece ‘e francise jucajeno cu ‘o sanco a ll’uocchie menanno mazzate da cecate, senza ca chillu sacchetto ‘e ll’ummeto ‘e ll’arbitro francese Pignard(e)[3]se decidesse a caccià ‘nu cartellino russo, suppurtanno ca Payet(te) facesse ‘o guappo i ‘o ccapitan Fracasso mo cu uno, mo cu n’ato ma soprattutto cu Llorenzigno ô niajo (finale). ‘Nzomma, guagliú che ve pozzo dicere? Ca a ccunte fatte se trattaje ‘e ‘na mubbara (partita) senza nisciuna preoccupazziona, ‘a fora ‘e chelle pp’’e ccosce ‘e quacche ghiucatore nuosto comme prassempio,chelle  d’‘o turco  Eljif Elmàs(se) ca ggià ô debbutto se facette apprezzà e sse ll’êtte ‘a vedé cu quacche guappetiello francese ca ‘o vuleva accurcià ‘e ggamme. Pirciò  lassammo stà e ppassammo ê ppaggelle:

MERET[‘’O Lungagnone] 6 Poca fatica; serata senza nisciunu pruibblema serio!

HYSAJ[Meza Cucchiara] 6  Tutto summato guaje nun ne facette pure si faticaje a dd’appressurà (spingere) custringenno Chitelassa a mmetterce ‘na toppa.

MANOLAS [Chitelassa] 7 – Straurdinario, nun se facette appassà da nisciuno neppure da chi ‘ncopp’â carta êsse avuto metterlo ndifficultà p’’a zureja (velocità); Meza Cucchiara ‘o custringette a gguardarle ‘e spalle. ‘o vedette però sciupatiello e avesse ‘a rinfurzasse ‘nu poco. [dô 45' MAKSIMOVIC 6   Ajere fove priciso nchiudenno a cciammiello e ffacennose valé ‘e capa , soprattutto  ô niajo (finale), quanno ‘o Marsiglia cercaje ‘e russimà (pareggiare)].

LUPERTO 6  Cumbattette a ttutto campo, mo cu ll’uno, mo cu n’ato, ma soprattutto cu Ppayet(te) ca difennenno ‘a palla ‘o custringette a cquacche ccarí(fallo). [dô 45' CHIRICHES [‘O Vampiro] 6,5 – Stuiato e sustanziuso  (Pulito ed efficace) quanno êtt’’a ascí dâ trasera  difesa, nun perdette maje ‘a cuncentrazzione facennose valé pure ‘e capa.]

GHOULAM 6  Sulo n’ajone (tempo) tanto pe ddimustrà ‘e stà migliuranno. [dô 45' Mario Rui 6   Sbagliaje ‘e pprimme tre ppalle, ma po migliuranno spisso nchiudenno , participanno â munavara e cupulianno (dialogando) bbuono dint’ô stritto.]

CALLEJON[Peppe ‘a ‘nguenta] 7  Tenette sempe ‘ntrivule e ttempesta ‘a trasera francese  attaccanno ‘mprufunno, cumme quanno [38’] servette ‘e primma ‘na ggioja ‘e palla pe Cciruzzo ca ‘a mette dinto. Êsseno fatto ‘a stessa cosa Sant’Arcadio e Llorenzigno ca ô pprincipio ‘e sibbacco (match) nun sfruttajeno n’ata bbella palla soja. Peccato.

A ll’ arrancua  (ripresa)’o Jancone ‘o spustaje centrale d’armidanno (centrocampo) e nnun sbagliaje.

ELMAS[‘O Turco] 7  Dimustraje qualità favurenno ll’asciuta dâ trasera (difesa), tentanno spisso ‘a mimmadda (verticalizzazione) cercanno sempe ‘o cumpagno e ccumbattette, ricuperanno palle e  mmettennoce cegna (grinta) i ‘a nicessaria asciarra (cattiveria)pe ddifennerse ‘e ccosce.[dô 45' GAETANO 6,5 – Cunfermaje ‘e saperece fà ajutanno ‘e cumpagne d’’a trasera (difesa) a llibberarse dâ palla e ô niajo (finale) alleggerette ‘a pressiona d’’e francise e ppruvaje a ‘mpustà quacche timidda(ripartenza).]

FABIAN RUIZ[Anema Longa]  7   Cu Zielinski ‘ndispunibbile, ‘o Jancone ‘o mannaje ‘ncampo cu ttre ssule juorne d’artarribbo (allenamento) cullettivo, ca ll’avastajeno pe ffarele fà ‘nu primmo ajone (primo tempo) ‘e qualità sacrificannose pe ll’ate. [dô 45' VERDI 6  Pe mme rummane ‘nu granne latarro (bluff),ma ajere – forze p’’e vvoce ca s’’o vonno vennere... – facette quacche cusarella partenno carigginno (esterno) e ppo, asciuto Ciruzzo jucanno ‘mmiezo cumme affauzo nove.]  

INSIGNE[Lorenzigno] 6,5  Sbagliaje coccosa quanno tentaje ‘e diammà (appoggiare), ma po  facette vedé bbelli ccose cca e lla e soprattutto piscaje a Ppeppe ‘a ‘nguenta ‘nnaccasiona ‘e ll’addaffa (del gol). Peccato ca se facette parà ‘na cunchiusione e ca lle mancano ‘e 90 minute, però  se sacrificaje nsi’ ô prazzo (alla fine) ‘ncupertura fino alla fine.

MERTENS[Ciruzzo] 7 Se chiammaje ll’applavuso d’’a tribbuna-divano cu cchillu granne dritto ‘e primma ‘ntenziona ca ce dette ll’uno a zzero Po accumpagnaje ‘a facenna  ‘mpustanno quacche azziona mimmaddanno (verticaluizzando); a ll’arrancua ripresa) sagliette facenno ‘o fauzo nove; nurmale ca se ne scennesse ‘e posa.[dô 70' DI LORENZO 6 Sulo ‘na ventina ‘e minute da carigginno autob (esterno alto), ma senza ca ‘e cumpagne lle dessero ‘na mana cu ‘o  Marsiglia ca tentanno ‘o tutto pe ttutto s’affacciaveno â muntaca (area di rigore)nosta.

MILIK [Sant’Arcadio] 6 –S’’o mmeretaje cu ttutto ca nun sta ancòra ‘ncundizziona,p’’o  muvimento ‘nnaccasiona ‘e ll’addaffa  (gol) quanno , arretranno custringette ‘a linia francese a romperse favurenno accussí ‘o turcemaddo (smarcameddo) ‘e Peppe ‘a ‘nguenta. Ll’âmm’âspettà!

[dô 45' YOUNES[‘O Mmerecato] 6,5   Ce piacette pe cumme se muvette a ccentro ’e ll’ arfannatreche  (trequartisti)partenno palla ô pere e custrignenno ‘e francise ô carí (al fallo)].

All. ANCELOTTI [‘O JANCONE] 6 Facette ‘o ssuĵo, andivinanno ‘e mmosse juste.

E bbasta accussí, ve saluto e cce sentimmo, si ‘o Cielo ‘o vvo’, nun saccio quanno e ppecché.

Staveti bbe’. R.Bracale Brak