Addio Pulicenè!

Addio Pulicenè!


I’ te saluto… Addio Pulicenella,
maschera antica d’ ’o paese mio!
Tu ca chiagnenno, nce diste ’alleria
e nce hê fatto penzà cu ’na resella…

hê fatto ’o tiempo tuojo: ’sta jacuvella
’e chisti juorne senza fantasia
nun so’ pe tte! I’ te saluto: addio!
Abbàllala pe mme ’na tarantella

e po’ scumpare, comme so’ sparute
’e ccose bbelle d’ ’o tiempo passato…
’Ncopp’ a ’stu munno addó tutto è fernuto

tu che nce faje?… Fattélla ’na resata,
lèvate ’a mezasola e ’o cuppulone,
’o cammesone janco e statte bbuono…

Fatténne ’na raggione:
’stu munno nun t’ apprezza, nun capisce
e nun è ddegno ’e te… Addio, sparisce!

Raffaele Bracale
(dal vol. 'E CCOSE D''O PPASSATO ed. Graus Napoli 2006)