PATANE Â GGRAVUNARA

PATANE Â GGRAVUNARA Chello ca ce vo’ pe sseje perzone 2 kilò ‘e patane vecchie, 300 gramme ‘e pancetta a ffarinule ‘e ‘nu cm. ‘e squina, ‘na capa d’aglio ammunnata e ntretata finu fino, ‘nu bicchiere d’uoglio auliva dunciglio, 100 gramme ‘e caso pecurino rattato finu fino, ‘nu tuppeto ‘e prutusino lavato asciuttato e ntretato finu fino, sale fino e ppepe niro mmacenato a ffrisco q.c.n.v., ‘na vrancata ‘e sale duppio. Comme se fa Lavà ‘e ppatane e àrverle dinto a abbunnante acqua salata (vrancata ‘e sale duppio) pe trenta minute. Ricà ll’uoglio dinto a ‘na tielloccia e a ffuoco allero fà ndurà ll’aglio ntretato cu ‘e ffarinule ‘e pancetta e tené ‘ncaudo ‘sta cunnimma. Spellà ‘e ppatane arvate e ttagliarle a ffarinule ‘e ‘nu cm. ‘e squina; auntà cu ‘nu poco d’uoglio ‘na cummedità p’’o tiesto e revacarve dinto ‘e ppatane a ffarinule; accunciarle ‘e sale e ppepe e derramarle cu ‘o prutusino e cu ‘o ccaso pecurino rattato finu fino; revacarve ‘ncoppo ‘a cunnimma tenuta ‘ncaudo. Passà ‘a cummedità dint’ô tiesto ggià caudo a 180° e tenervela pe quinnece minute. Serví caude ‘e tiesto. Brak