NNEMMICCULE ABBURRITE

NNEMMICCULE ABBURRITE

(lenticchie stufate)

Chello ca serve pe 4 perzone

600 gramme ‘e nnemmiccule,

‘nu bicchiere d’uoglio ‘auliva dunciglio,

50 gramme ‘e pancetta affemmecata a ffarinule (cubetti) ‘e miezu cm. ‘e squina,

‘na cepolla ‘e muntoro ammunnata e ntretata,

‘na llomma (costa) d’accio ammunnata e ntretata,

‘na pastenaca ammunnata e ntretata,

200 gramme ‘e pummarole pelate,

miezu cucchiaro ‘e bicarbunato,

sale duppio ‘na presa.

Comme se fa

Mettere a bbagno ‘a sera primma ‘e nnemmiccule cu  acqua fredda  e miezu cucchiaro ‘e bicarbunato.  Â matina scularle. Ricà dinto a ‘na prupurziunata parattella ll’uoglio, agnadí ‘a cepolla ‘e muntoro ammunnata e ntretata,

‘a llomma d’accio ammunnata e ntretata,‘a pastenaca ammunnata e ntretata e 50 gramme ‘e pancetta affemmecata  tagliata a ffarinule ‘e miezu cm. ‘e squina  e a ffuoco miccio fà ‘mbiundí tutto; a ‘stu punto agnadí‘e nnemmiccule sculate  e farle ‘nzapurí pe ‘na dicina ‘e minute

agnadí ‘nu bicchiere d’acqua cauda, e cummiglià ‘a parattella; ‘ncapo ‘e ‘na mez’ora agnadí ‘e ppummarole pelate, accuncià ‘e sale e cumpletà  ‘a cuttura ‘ncapo ‘e n’ata mez’ora.

Brak