PATANE D’’O PARULANO

PATANE D’’O PARULANO

Chello ca serve pe quatto perzone:

700 gramme ‘e patane vecchie, ammunnate lavate e ttagliate a ffarinule ‘e tre centimetre ‘e squina,

200 gramme ‘e pancetta affummecata a ffarinule ‘e duje centimetre ‘e squina,

‘na cepolla ‘e Muntoro ammunnata e ntretatata,

‘nu bicchiere d’uoglio auliva dunciglio,

½ bicchiere d’acito janco,

‘nu pizzeco d’arecheta,

sale fino e ppepe niro mmacenato a ffrisco q.c.n.v.

Comme se fa:

Ammunnà, lavà e appruntà ‘e ppatane ttagliate a ffarinule ‘e tre centimetre ‘e squina. Dinto a ‘na pruupurziunata tiella ricà tutto ll’uoglio e a ffuoco allero fa cocere jonna jonna ‘a cepolla‘e Muntoro ammunnata e ntretatata;avascià ‘o ffuoco,  auní ‘e ffarinule ‘e pancetta affummecata e farle suassà doce dice; quanno so’ ppronte auní ‘e ppatane e farle cocere sempe a ffuoco miccio. Avutarle ogne ttanto e cquanno so’ ccotte accunciarle ‘e sale e ppepe, spruzzarle d’acito e farlo svapurà;a ‘stu punto derramarle cu ll’arecheta, ammiscarle e servirle. 

Brak