PATANE â GGRAVUNARA

PATANE â GGRAVUNARA

Chello ca ce vo’ pe sseje perzone

2 kilò ‘e patane vecchie,

300 gramme ‘e pancetta a ffarinule ‘e ‘nu cm. ‘e squina,

‘na capa d’aglio ammunnata e ntretata finu fino,

‘nu bicchiere d’uoglio auliva dunciglio,

100 gramme ‘e caso pecurino rattato finu fino,

‘nu tuppeto ‘e prutusino lavato asciuttato e ntretato finu fino,

sale fino e ppepe niro mmacenato a ffrisco q.c.n.v.

‘na vrancata ‘e sale duppio.

Comme se fa

Lavà ‘e ppatane   e àrverle  (lessarle) dint’abbunnante acqua salata cu ‘na vrancata ‘e sale duppio pe trenta minute;spellarle e tagliarle a ffelle doppie miezu centimetro
Ammunnà ll’aglio e ntretarlo finu finu;dinto a ‘na tielloccia ricà tutto ll’uoglio e a ffuoco allero ‘mbiundí ll’aglio ntretato; auní ‘e ffarinule ‘e pancetta e farle suassà pe ppochi minute; satutà ‘o ffuoco e agnadí ‘o tuppeto ‘e prutusino lavato asciuttato e ntretato finu fino. Cunní ‘e patane cu ssale e ppepe niro mmacenato a ffrisco, agnadí tutt’ ‘o ccaso pecurino rattato finu fino e ricarve ‘ncoppa ‘a cunnimma appruntata;’nfurnà dint’a ‘nu tiesto già ccaudo a  180 °C; lassà pardià (gratinare) pe 15 minute e serví caude ‘e tiesto.

Brak