PIZZA DOCE CU ‘E NNOCE

PIZZA DOCE CU ‘E NNOCE Chello ca ce vo’ pe 6-8 perzone: 250 gramme ‘e cosce ‘e quaglia ‘e noce spedazzate, 180 gramme ‘e zuccaro, 200 gramme ‘e farina, 200 gramme ‘e cedro e ccucuzzata tagliate a ffarinule ‘e ½ cm. ‘e ‘squina, 4 ova, ‘nu Cucchiaro ‘e zuco ‘e limone passato a cculaturo ‘e setella, ‘na bustina ‘e levatora (lievito chimico), ‘nu pizzeco ‘e sale fino, Zuccaro a vvelo quanto nne serve. P’ ‘a turtiera: ‘nu cucchiaro ‘e ‘nzogna, farina quanto nne serve. Comme se fa Sbattere dinto a ‘na zupperella quatto russe d’ova ‘nzieme ô zzuccaro nfi’ a uttené ‘nu cumposto déloso e críceto (chiaro e spumoso); a pparte muntà ‘e quatto janche a nneve fremma e aunirle ê russe ammiscanno chianu chiano; agnadí, a ‘nu cucchiaro â vota, ‘a farina, ‘e cosce ‘e quaglia spedazzate e ‘e ffarinule ‘e cedro e ccucuzzata. Ammiscà bbuono e agnadí ‘nu pizzeco ‘e sale, ‘a bustina ‘e levatora e ‘o zuco ‘e limone passato a cculaturo ‘e setella ; vernicià cu ‘a ‘nzogna ‘na turtiera, ‘nfarenarla e agnadirve ‘o cumposto; ‘nfurnà dint’ô tiesto caudo a 200° pe 40 minuti.Lassà refreddà ‘sta pizza doce, derrammarla cu ‘o zzuccaro a vvelo e purziunarla. Brak