NAPOLI-LEGIA VARSAVIA [E.L.21.10.21]3 A 0 ‘A VEDETTE ACCUSSÍ

NAPOLI-LEGIA VARSAVIA [E.L.21.10.21]3 A 0

‘A VEDETTE ACCUSSÍ

Era ora guagliú! Era ora ca ‘o Ciuccio pure ‘nnIuropa facesse sèntere ‘a voce soja e llassasse ‘o mierco suĵo. Cumminfatte ajeressera ô Maradona doppo quinnece tire ‘e squina (corner) diciassette cunchiusione verz’â porta d’’e pulacche, ‘o Napule avette raggiona ‘e ll’avverzarie, affuzzaje pe ttre a zzero,  sagliette ô siconno posto  d’’o jauallo (girone) C d’’a cuppetta iurupea  2021-2022 cu cquatto punte ‘ncrassifica a pparo cu ‘o Leicester(re) i a ssule dduje passe dô  Legia  raisso (capolista). E ttutto chesto grazzie a ll’addaffe (reti)  ô 76'  d’Insigne, a ll’ 80'  ‘e Caromecosta i ô 95' ‘e  Politano. Ce vuleva, ce vuleva, era ora!

Passammo ê ppaggelle:

 MERET[‘O Lungagnone]  5  Nunn’êtte ‘a fà niente, ma ce facette fà ‘e capitune ‘ncuorpo quase subbéto quanno ascette dâ muntaca (area di rigore) nosta pe gghí a taraddà (intercettare) ‘e pere ‘na palla, ma ‘a pisciaje malamente; all’arrancua (nella ripresa) se menaje tarde ‘ncopp’a ‘nu tiro d’Emreli, ma pe ffurtuna  fove salvato dô palo!

DI LORENZO 6 Pruvaje a vvestere ‘e panne ‘e nassio (attaccante) agghiuntato, macenanno chilometre, datose ca arreto nun tenette fatica da spiccià.

 MANOLAS[Chitelassa] 6,5  A mmità arrancua (ripresa) fove custretto a tturnà ‘mpanca pe n’additto (infortunio),ma pe n’ora bbona fove attiento, priciso e ccuncentrato e misemo (adirittura) gialantisco (gigantesco) e aranajo (provvidenziale)  ‘ncopp’a ‘na cunchiusione periculosa ‘e Muci. [dô 72'  POLITANO 7,5 Stette ‘ncampo sulo ‘na ventina ‘e muinute, ma cumme trasette pennellaje ‘a palla a zzuco ‘e caramella p’’o capitano ca a mettette a ffrutto pe ll’uno a zzero, po sfresaje ‘o stuco  (sfiorò il gol) cu ‘na bbona catara  un buon diagonale) e ô 95’ mettette dinto ‘a palla d’’o tre a zzero piglianno parte â festa. Cumprimente!

 KOULIBALY[‘O Ggialante] 6,5  Atalossa (prestazione) cchiú ca pusitiva d’’o marcazzio (centrale) nuosto mattano (energico) e ssicuro ‘nchiusura, muttugo (autorevole) palla ô pere.E nunn’è ‘na nuvità!

 JESUS[‘O Carioca] 6 S’abbuscaje quase súbbeto ‘nu cartellino jalizzo (giallo), ma nun perdette ‘a mmummera e ppe ttutto ‘o sibbacco (match), musciaiddo  (diligente) ‘ncopp’â ferza mancina, facette ‘o ssuĵo.

ANGUISSA [‘O ‘Ntussecuso] 6,5 – N’ata atalossa (prestazione) ‘e sustanza, nun sulo ‘mmiez’ô campo ma pure cercanno ‘e farese vedé annante. Ascette sotto ll’ora pe ffarelo risciatà. 

[dô 57'  RUIZ[Anemalonga] 6 Trasette e ccuncertannose cu ‘o cumpagno ‘e sezzione [Demme]dettaje a mmestiere ll’ajune (i tempi) ‘e juoco.

 DEMME 7  Nun smarrunaje mje;ce mettette cegna i azzaja ( grinta e caparbietà) e lla mmiezo facette sentere ‘a presenza soja masculla (lucida) cumannanno ll’urchesta, sfresaje (sfiorò) pure ‘nu stuco (gol)cu ‘nu tiro da luntano.’Ntribbuna-divanno vedennolo ‘e ggiustrà facettemo sputazzella.

 ELMAS[‘O Turco] 6  Se facette apprezzà mo a dritta, mo a mmancina; pure si nun facette cose straurdinarie servette e ccomme asasa (soprattutto) a ll’arrancua quanno ‘e pulacche a mmancina, pe bbia soja nun truvajeno cchiú spazzio p’ascí.

 LOZANO 6  Nce ‘o mecco ‘o seje, ma me fosse aspettato ‘e cchiú addó sfresaje (sfiorò) sulamente ô primmo ajone (nel primo tempo)  ‘nu stuco  (gol) e ffacette poco ato.

[dô 57'  OSIMHEN[Caromecosta] 7,5 Trasette e ffove funnamentale risultanno misemo (addirittura) tafiddo  (straripante); da mettere ‘ncurnice ‘o stuco (gol) d’’o doje a zzero, cuncentrato ‘e zzureja (velocità e tacnía (tecnica).

 MERTENS[Ciruzzo] 6,5 -  Se dette da fà muvennose assaje e ccercanno ‘e cupulià (dialogare) cu ‘e cumpagne e ‘ncriscenza  sfresaje (sfiorò) allimmeno    ‘nu paro ‘e  stuche  (gol)

[dô 72'  PETAGNA 6  Trasette mettennose a ccadda (a servizio) d’’a scuatra,tuccaje pochi pallune ma riuscette a ttirà ‘nu paro ‘e vote pure si nun truvaje ‘o murro (specchio) d’’a porta.Peccato!

 INSIGNE 7,5  Teneva ‘o dente avvelenato e sse vedette subbeto ca teneva ggenio ‘e farese perdunà ‘a fessaria (ricore sbagliato) contro ê cranate d’’o  Toro e cce riuscette sbluccanno ‘a facenna ô 76’ mettenno dinto cu ‘nu priciso granne tiro ‘a palla a zzuco ‘e caramella ‘e Politano; ‘e cchiú appruntaje ‘o missiddo (assist) p’’o doje a zzero ‘e Caromecosta.

[da ll'81'  RRAHMANI 6 ‘e stima pecché trasette sulo quanno oramaje ‘o sibbacco (match) steva ‘nchiudenno ll’uocchie.

all.:  SPALLETTI 6,5 Arnassa (vittoria) sufferta, ma mmeretata fazziata (conquistata) cu ‘e cagne andivinate e ggestiunanno (gestendo) bbuono ll’aibbarre (forze).

arb: DEL CERRO GRANDE 6. Facette ‘o duvere suĵo

E ffermammoce cca dannoce appuntamento, si ‘o Cielo ‘o ccunzente pe llunnerí ca vene quanno spero ‘e putereve cuntà ca dummeneca mmerzo ê sseje  ‘o Ciuccio s’è ffatto rispettà  jenno a Roma contro ê pecurare lucale ca teneno ‘o dente avvelenato p’’a scutuliata pigliata ajere.

. ‘E cchiú, ‘e cchiú, ‘e cchiú Ciuccio fa’ tu!

Staveti bbe’ Raffaele Bracale Brak