FIORENTINA NAPOLI[3.10.21] 1 A 2 ‘A VEDETTE ACCUSSÍ

 

FIORENTINA NAPOLI[3.10.21] 1 A 2

‘A VEDETTE ACCUSSÍ

 faccia ‘e tutte ‘e cestarielle i ‘e cciucciuvettole ca ggià ce stanno tiranno ‘e piere, ma s’ànno ‘a fà dint’ô prozo lloro e cchi ‘e vveste â matina, pecché nun ce sta niente ‘a fà: ‘o Napule ‘e ‘sta caracuddamma (stagione) è fforte, forte assaje i ‘o dimustraje pure ajere ‘mmerzo ‘e sseje quanno ‘nnacchela (in trasferta) ô Franchi avette raggiona d’’a scuatra viola affuzzanno (vincendo) pe uno a ddoje doppo ‘nu sibbacco (match) tirato e ccumpricato asasa (soprattutto) ‘int’ô primmo ajone quanno ‘a viola fove padrona d’’o campo e zzallabbaje (palleggiò) cumme e cquanno putette, passanno pure  ‘nventajo (in vantaggio) senza però essere capace d’’o mantenere pecché ‘o Napule venette fora e dde riffe o de raffa facenno valé fajaja (classe), cegna (grinta) e urganizzazzione ‘e juoco sott’ô lampione avette raggiona isso e Fiorentina-Napoli, mubbara (gara) d’’a settima jurnata ‘e campiunato se cunchiudette ‘ncopp’ô natiggio (sul punteggio) ‘e uno a ddoje pe nnuje; dicisive lìaddaffe (reti) ‘e Martinez(ze)Quarta[28’], ‘e Lozano[37’] e dde  Rrahmani[50’] e cce mettettemo ‘int’â sacca ‘e tre ppunte sustanziuse d’’a settima arnassa (vittoria) ‘ncopp’a ssette mubbare (partite)… e scusate si è ppoco.

Passammo ê ppaggelle:

 OSPINA[Ecchesepastacrisciuta] 6: Nun ce putete fà niente ‘ncopp’a ll’addaffa (rete), pecché ‘o viola tiraje, libbero e ffranco da sulo quatto metre però p’’o riesto dimustraje bbona ammanna  (buona sicurezza) ‘nfra ê  pale e sse facette truvà pronto ‘ncopp’a ‘nu paro ‘e sciabbulate a luntano e cquacche curaggiosa asciuta auta.

 DI LORENZO 6,5:  Atalossa(prestazione) ‘e sustanza magnannose ‘a curzia ‘e dritta.

 RRAHMANI 7,5: Nun sulo signaje ‘e capa [‘nghatte (in tuffo) sfruttanno a mmestiere  ‘nu cuncertato muvimento ‘ncopp’a ‘na pennellata timmurria (punizione) ‘e Zielinski] ll’addaffa (rete) ca ce dette ‘e tre ppunte, ma difennette, attiento e ppriciso  senza nisciuno sfregazzo (sbavatura)!

 KOULIBALY[‘O Ggialante] 8: Atalossa (prestazione) da ‘ncurnicià;nunn’’a facette bbona a nnisciuno e   ffove  ‘nu muriaconno (mraglione) addó spisso jette a sbattere cchiú dd’uno accummincianno daVlahovic(cio).

Mario RUI 5,5: Jucaje cu ‘o curtiello ‘mmiez’ê diente e spisso ausaje ‘e ttriste cu cchiú ‘e ‘na taccullo (intervento) periculuso.Dalle e ddalle ‘o cucuzziello addiventa tallo e sse chiammaje ‘nu cartellino jalizzo   (giallo) quanno a ll’arrancua (nella ripresa) stennette  a Ssottil(le).

 ZIELINSKI 7: Meglio ‘e ll’urdema vota, ma sulo a sservizzio ‘e ll’ate; ‘nchiusura ‘e  primmo ajone  (tempo) dètte a Ccaromecosta  ‘o pallone pe ‘na spettaculare ancarabata (rovesciata) ca ascette ‘e poco; ô 50', pennellaje cu ‘o mancino ‘a timmuria (punizione) ca  Rrahmani ‘e capa mettette a ffrutto dànnoce ‘e tre ppunte. Sciapó pe ttutt’e dduje.

[Dô 57'  Elmas[‘O Turco] 6: Se dètte da fà; peccato però ca se magnaje ‘o tre a uno, mancanno ll’appuntamento cu ‘na granna palla ca lle dètte Caromecosta!

 RUIZ 5,5: Bbatejo (lento) e ccumpassato se facette nutà sulo pe cquacche llanzo poco priciso.

 ZAMBO ANGUISSA 6,5: Recubbraje (recuperò) ‘na cifra ‘e pallune e lla a mmità ccampo ‘a presenza soja se sentette e ccomme! ‘Ncopp’ô zzero a zzero  ‘e capa spaventaje ’a viola cu  ‘na palla periculosa.

 LOZANO 7: Cupuliaje (duettò) a mmestiere cu Ccaromecosta e asasa signaje cu ccegna i abbertà (destrezza) ll’addaffa (rete) ‘e ll’uno a uno doppo d’’o ricore falluto dô capitano.

[Dô 57'  POLITANO 6:  Se dètte subbeto ‘a fà ‘mpignannose lla ‘nnante]

 OSIMHEN[Caromecosta] 7: Pure senza signà risultaje dicisivo pe ll’arnassa( vittoria) abbuscannose ‘nu ricore, currenno, spaventanno ‘a trasera (difesa) viola e ccupulianno cu ‘e cumpagne! Peccato ca ‘na spettaculare ancarabata (rovesciata) soja  ascette ‘e poco.

[Da ll'84'  PETAGNA: sz].

 INSIGNE 5,5: Tuccaje e dette bbuono cchiú ‘e ‘nu pallone, ma se facette parà ‘o ricore e nun ce ‘o pozzo perdunà…pure pecché è ‘o siconno ca sbaglia!

[Dô 70'  DEMME 6: Che piacere vederlo turnà ‘ncampo a ffà lignammo pure si arresecaje coccosa cu ‘nu carí  (fallo) ‘ncopp’a  Nnico Gonzalez(ze)..

all.  SPALLETTI 7,5: ‘A scuatra soja, p’’o mumento, ‘ncampiunato nun se po’ vattere, i ‘a mana soja se vede e ccomme! Applavuse.

arb. SOZZA 6 A pparte ‘o chillu cagnome strevezo e ppacchiano ca se ll’êsse fa cagnà, niente ‘a dicere.

E bbasta accussí. Gudimmoce p’’o mumento ‘sti vintuno punte ‘nsulitaria i ‘a ruffalla (reazione) cuana (partenopea) doppo ll’uno a zzero p’’a viola  e mmo ssi ‘o Cielo ‘o ccunzente, visto ca ‘o campiunato ggià se fremma, ce sentimmo pe llunnerí diciotto e vve conto che succere ô Maradona dummeneca dicessette contro ê cranate d’’o Toro. I’ tengo bboni speranze; ‘e cchiú,‘e cchiú,‘e cchiú Ciuccio fa’ tu! Staveti bbe’. Raffaele Bracale Brak.