SENZA CCHIÚ DUBBIO.

SENZA CCHIÚ DUBBIO. Cosicché si tenevamo quacche dubbio ce ‘o simmo levato e mmo sapimmo bbuono chelli llote ‘e Gervasoni e rRizzoli ‘ncopp’ô stato paca ‘e chi stanno..., sapimmo ca pure lloro vestono FIATTA e ca songo dduje scurnacchiate comme ce ne stanno poche!Nun cuntente ‘e s’anventà n’ orzo-’e-cóse (fuorigioco) ‘e Bergessio ca nun ce steva, p’annullà ‘na rredda sacrosanta d’ ‘o Catania..., nun cuntente ‘e chesto nun vuletteno vedé ll’ orzo-’e-cóse (fuorigioco) ‘e Bendtner ca dètte ‘a palla a Vidal(lo) p’ ‘a rredda ca cunzentette â rubbentu(sa) ‘e jí a vvencere a cCatania.... E grazzie ô ca**o ca ‘a rubbentus(sa)vence sempe e nun perde maje, si tene sempe ll’arbitre ca jocano cu lloro! Ma ‘sta storia à dda ferní! Dinto a ‘nu paese serio e nno ‘e pagliacce comm’è ll’itaglia ‘o risultato ‘e ‘na partita comme a cchella ‘e Catania nun vène omolocato e ll’arbitre comme a gGervasoni e Rizzoli ne venono cacciate a ccauce ‘nculo mentre ‘a suggità janca e nnera vene radiata dâ cummertazziona civile! Si ll’ati scuatre ce stanno a cuntinuà ‘sta barzelletta ‘e campiunato pe ffarese piglià p’ ‘o culo dâ rubbentu(sa) cuntinuasseno pure, ma si i’ fósse a De Chiacchiaroniis retirasse ‘o Napule e se futtesseno SKY, MEDIASET, ‘a Federazzione, ll’AIA, Tosèl(lo) e cchi ‘e vveste â matina! Brak