Sperammo ’e no!
Nun ne pozzo fà a mmeno… So’ ’mmitato.
’Sta vota, bbella mia, m’ànno cugliuto:
cchiú de ’na vota già me n’ero asciuto,
ma mo m’attocca ’e jirce a ’sta Traviata…
M’ammusciarraggio assaje, chesto è assodato:
i’ nun ce so’ purtato, è risaputo.
Sperammo sulo ’e nun cadé addurmuto
e ’e metterme a russà… Sa’ che resate
si ô punto ca Violetta s’arricetta
i’ me ne jesco cu ’nu runfo… ’e otto,
e ’a ggente scappa a ridere? Scummetto
ca vène ’a disturbata e santanotte!
E ’mmece d’ ’o San Carlo, p’ ’ammuina
succede ca s’avota a… San Carlino!
raffaele bracale
(dal vol. 'E CCOSE D''O PPASSATO ed. graus - napoli 2006
Iscriviti a:
Commenti sul post (Atom)
Nessun commento:
Posta un commento