VERMICELLUNE SAFRUNATE

VERMICELLUNE SAFRUNATE   Chello ca ce vo’ pe sseje perzone 600 gramme ‘e vermicellune, 200 gramme  ‘e  pancetta affummecata ttagliata a vvarriglie, ‘nu bicchiere  d’uoglio ‘aulive dunciglio, ‘nu  spicule d’aglio ammunnato e ntretato,  ‘nu bicchiere ‘e vino janco asciutto, ddoje bustine ‘e safrone, ‘na lomma d’ accio ammunnata,  lavata e ntretata, ‘na pastenaca ammunnata,  lavata e ntretata, ‘na  cepolla ndurata ‘e Muntoro ammunnata e ntretata, dduje puparuncielle  pircante (piccanti)lavate, asciuttate e grabbate (incisi) p’ ‘o lluongo, 150 gramme ‘e caso pecurino rattato finu fino, ‘nu tuppeto ‘e prutusino lavato,asciuttato e ntretato finu fino, sale duppio ‘na vrancata sale fino e pepe janco  q.n. s.   Comme se fa Ricà dinto a ‘na prupurziunata cazzarola, pruvvista ‘e cupierchio, ‘o bicchiere d’ uoglio,agnadirve ‘o ttrigliato d’aglio, cepolla, accio e ppastenaca e a ffuoco allero farle piglià culore, agnadí ‘a pancetta tagliata a vvarriglie,’nfonnerle cu ‘o vino, lassarlo svapurà, agnadí ‘‘e dduje puparuncielle  pircante (piccanti)lavate, asciuttate e grabbate (incisi) p’ ‘o lluongo,salà, agnadí ‘nu bicchiere d’acqua vullente addó so’ state accumpliate ‘e ddoje bustine ‘e safrone  e cuntinuà ‘a cuttura a cazzarola cummigliata pe vinte minute. Àrvere teniente teniente ‘e vermicellune dinto a otto litre ‘e acqua vullente salata (vrancata ‘e sale duppio), scularle e revacarle  dint’ â cazzarola cu ‘o zuco caudo. Ammiscà, derrammarle cu ‘o ccaso pecurino rattato finu fino e tenerle a ffuoco allero pe ‘nu paro ‘e minute e a ll’urdemo,  fora dô ffuoco, derrammàrle cu ‘nu tuppeto ‘e prutusino lavato, asciuttato e  ntretato. Ammiscà, ‘mpiattà, derrammà ‘e purzione cu abbunnante pepe janco mmacenato a ffrisco e cu ‘nu filo d’uoglio a ccruro.Serví caude ‘e fuculare ‘sti sabruse vermicellune safrunate.   Vino:  asciutte e profumate janche  nustrane ( Solopaca, Capri, Ischia, Falanghina, Fiano, Greco ‘e Tufo) fridde ‘e jacciaja o ‘e ‘rotta. Magna Napule,  bbona salute! Scialàteve e cunzulàteve ‘o vernecale!! Raffaele Bracale           VERMICELLUNE SAFRUNATE   Chello ca ce vo’ pe sseje perzone 600 gramme ‘e vermicellune, 200 gramme  ‘e  pancetta affummecata ttagliata a vvarriglie, ‘nu bicchiere  d’uoglio ‘aulive dunciglio, ‘nu  spicule d’aglio ammunnato e ntretato,  ‘nu bicchiere ‘e vino janco asciutto, ddoje bustine ‘e safrone, ‘na lomma d’ accio ammunnata,  lavata e ntretata, ‘na pastenaca ammunnata,  lavata e ntretata, ‘na  cepolla ndurata ‘e Muntoro ammunnata e ntretata, dduje puparuncielle  pircante (piccanti)lavate, asciuttate e grabbate (incisi) p’ ‘o lluongo, 150 gramme ‘e caso pecurino rattato finu fino, ‘nu tuppeto ‘e prutusino lavato,asciuttato e ntretato finu fino, sale duppio ‘na vrancata sale fino e pepe janco  q.n. s.   Comme se fa Ricà dinto a ‘na prupurziunata cazzarola, pruvvista ‘e cupierchio, ‘o bicchiere d’ uoglio,agnadirve ‘o ttrigliato d’aglio, cepolla, accio e ppastenaca e a ffuoco allero farle piglià culore, agnadí ‘a pancetta tagliata a vvarriglie,’nfonnerle cu ‘o vino, lassarlo svapurà, agnadí ‘‘e dduje puparuncielle  pircante (piccanti)lavate, asciuttate e grabbate (incisi) p’ ‘o lluongo,salà, agnadí ‘nu bicchiere d’acqua vullente addó so’ state accumpliate ‘e ddoje bustine ‘e safrone  e cuntinuà ‘a cuttura a cazzarola cummigliata pe vinte minute. Àrvere teniente teniente ‘e vermicellune dinto a otto litre ‘e acqua vullente salata (vrancata ‘e sale duppio), scularle e revacarle  dint’ â cazzarola cu ‘o zuco caudo. Ammiscà, derrammarle cu ‘o ccaso pecurino rattato finu fino e tenerle a ffuoco allero pe ‘nu paro ‘e minute e a ll’urdemo,  fora dô ffuoco, derrammàrle cu ‘nu tuppeto ‘e prutusino lavato, asciuttato e  ntretato. Ammiscà, ‘mpiattà, derrammà ‘e purzione cu abbunnante pepe janco mmacenato a ffrisco e cu ‘nu filo d’uoglio a ccruro.Serví caude ‘e fuculare ‘sti sabruse vermicellune safrunate.   Vino:  asciutte e profumate janche  nustrane ( Solopaca, Capri, Ischia, Falanghina, Fiano, Greco ‘e Tufo) fridde ‘e jacciaja o ‘e ‘rotta. Magna Napule,  bbona salute! Scialàteve e cunzulàteve ‘o vernecale!! Raffaele Bracale             .             .