martedì 24 luglio 2018

PIZZA DOCE CU ‘E NNOCE




PIZZA DOCE CU ‘E NNOCE
Chello ca ce vo’ pe 6-8 perzone:

250 gramme ‘e cosce ‘e quaglia ‘e noce spedazzate,
180 gramme ‘e zuccaro,
200 gramme ‘e farina,
200 gramme ‘e cedro e cocozzata tagliate a farinule ‘e ½ cm. ‘e ‘squina,
4 ova,
‘nu  Cucchiaro  ‘e zuco ‘e limone passato a cculaturo,
‘na bustina ‘e levatora  (lievito chimico),
‘nu pizzeco ‘e sale fino,
 Zuccaro a vvelo q.n.s.
P’ ‘a turtiera: ‘nu cucchiaro ‘e ‘nzogna, farina q.n.s.


Comme se fa
Sbattere dinto a ‘na zupperella quatto russe d’ova ‘nzieme ô zzuccaro nfi’ a uttené  ‘nu cumposto déloso e críceto (chiaro e spumoso); a  pparte muntà ‘e quatto janche a nneve fremma e aunirle ê russe ammiscanno chianu chiano; agnadí(aggiungere),  a ‘nu cucchiaro â vota, ‘a farina, ‘e cosce ‘e quaglia spedazzate i ‘e ffarinule ‘e cedro e cucuzzata. Ammiscà bbuono  e agnadí ‘nu pizzeco ‘e sale, ‘a bustina ‘e levatora e   ‘o zuco ‘e limone passato a cculaturo; vernicià cu ‘a ‘nzogna ‘na turtiera, ‘nfarenarla e agnadirve ‘o cumposto; ‘nfurnà dint’ô tiesto caudo  a 200° pe 40 minuti.Lassà refreddà ‘sta pizza doce, derrammarla cu ‘o zzuccaro a vvelo e purziunarla.
Brak

Nessun commento: